Lucas 21:8 - Biblia Mixe de Quetzaltepec

⁸ Ets ja Jesús y'ënäny: Näkyëwent'atëtë ets këtii pën mnätyukwin'ëënëtëty. Yë'ë ko nimay ja ja'ay myina'antë ets y'ëna'ana'antë: Ëjts jëtu'un Kristë ets Tëë ja tiempo tpatnë. Miitsëty këtii xymyëpëktëty.

Biblia Dc en Mixe de Quetzaltepec

⁸ Ets ja Jesús y'ënäny: Näkyëwent'atëtë ets këtii pën mnätyukwin'ëënëtëty. Yë'ë ko nimay ja ja'ay myina'antë ets y'ëna'ana'antë: Ëjts jëtu'un Kristë ets Tëë ja tiempo tpatnë. Miitsëty këtii xymyëpëktëty.

Lucas 21:8 ပူးပေါင်းရင်းမြစ်များ

Jeremias 29:8

Ëjts Wintsën mëti'ipë maaytyääyëpën winë, yë Israel ja'ay Tyiosëty, ëjts ënaanp: Këtii mnätyukwin'ëënëtëty yë ja'ay mëti'ipë nätyijëtëpën najtsja'apë ets käjpxynyajxpë, mëti'ipë jam yajpatëpën ma miitsëtyën; këtii xymyëpëktëty yë kyëma'ayëty mëti'ipë nyimëtyaktëpën.

Mateo 24:11

May nëjkx nyätyijëtë Tios kyäjpxynyajxpë ets may ja ja'ay nëjkx twin'ëëny.

Mateo 3:2

ets y'ënä'äny: Ixmatstë ja mka'oywyinma'anyëty; tää wyinkony ja kutujkën tsajpjotmëpë.

Mateo 4:17

Tääts ja Jesús ojts ëka'any ja tyuunk tyajtso'ontä'äky, tkajpxwä'kxy ja Tios ja y'aaw y'ayuk ets y'ënäny: Wimpitë ma Tiosën, jä'ä ko wiinkoonp ja tsajpjotmëpë kutujkën.

Lucas 17:23

Nëjkxëp ja ja'ay y'ëna'antë: Tyaa jä'ä, ëkë xim jä'ä, ka'ap mnëjkxtëty ets këtii xypyatsoontëty.

Lucas 21:7

Ënät ja Jesús tyajtëëwtë: Wintsën, ¿jëna'a jëtu'un jyata'any kyëpäta'any, ets tii ijxwë'ëmën mëët yajtuknijawëp ko ënäty jëtu'un jyatanë?

Lucas 21:9

Ko xymyëtoy'atëty ja tsip tyunyë ets ko ja ja'ay nyänyipëtë'ëkyë, ka'ap mtsë'ëkëtëty; jëyëjp ya'atë tyuna'any jyata'anyë naamka'anëm ënäty ja nyixëëw tpaaty ets ja naaxwiinyëtë kyëxëty.

Juan 5:43

Nteetyës të xyajminy ets ka'ap miitsëty të xykyupëktës; e ko jeexyë pën y'ëkminy tsojkënkyëjxm, mkupëjktëp jeexyë.

Juan 8:24

Paaty miits nëëmëtë ko mku'ookëjantëp ja mpokyëty; jä'ä ko, pën ka'ap miits xymyëpëktës, më'ookëjantëp ja mpokyëty.

Juan 8:28

Paaty ojts y'ënë'ëmxëtë: Ko ënäty miits xypyëjkta'aktëty këjxm ja naaxwiinyëtë ja'ay ja y'U'unk, jäänëm xynyijawëtëty pën ëjts, ets ko ka'apës ja nkë'ëm winma'anyëty nyajtuny; yi'iyës ntuunpy mëti'ipës ja Tios Teety të xytyuk'ijxpëkyën.

1 Corintios 6:9

¿Ka'ap xynyijawëtë ko yë ëxëëkja'aytyëjk ka'ap jyuuky'ata'antë ma ja Tios ja kyutujktaknënë?

Efesios 5:6

Këtii pën mnätyukwin'ëënëtëty mëët ja aaw ayuk mëti'ipë ka'ap tyunyën; jä'ä ko yë'ëkyëjxm jëtu'un ja Tios ja tsyäätsy tyu'unën myina'any ma ja ja'ayëtyën mëti'ipë ka'ap të myëmëtoyën.

2 Tesalonicenses 2:3

Këtii myajwin'ëëntëty niwi'ix'äämpy, jä'ä ko jëyëjp ja Tios yajnipëtë'ëka'any, ja ja'ay mëti'ipë pokyën jä'ä jëtu'un ëtë'ëtsaanp.

2 Timoteo 3:13

E ja ëxëëkja'aytyëjkëty ets ja win'ë'ëmpëtëjkëty ni'ikyë y'o'ktëwa'antë, win'ëënantëp ni'ikyë ets näjyëtu'un yajwin'ëëna'antë.

1 Juan 4:1

Mëku'uktëjkëty jënu'un miitsëty myajtsok myajjawëtën, këtii aak xymyëpëktëty mëti'ipë ënantëpën ko ja Tios yajkajpxëtë, jëwyiin xy'ixtëty xytyuntëty yajxon pën myëët'ajtëp ja Kënu'kxymyëkajtën ëkë pën ka'ap. Jä'ä ko tää may naaxwiiny yë win'ë'ëmpë mëti'ipë nëkoo nätyijëtëpën ko Tios tmëtuntë.

2 Juan 1:7

May ja win'ë'ëmpë yaa naaxwiiny mëti'ipë ënantëpën ko ja Jesukristë ka'ap myiiny tä ja'ayën. Pën jëtu'un ënantëpën, win'ë'ëmpë jä'äjëty ets myëtsip'ajtëp ja Kristë.

Apocalipsis 1:3

Akujk jotkujk ja ja'ay yajpaatë mëti'ipë kyajpxtëpën ets pyatuuntëpën ja aaw ayuk mëti'ipë yap jaaypyety miinpën ma ya'atë nokyën, jä'ä ko wiinkoonp ja xëëw jëmëjt.

Apocalipsis 12:9

Jëtu'un yaj'ixkejxy ya'atë mëj tsa'any, mëti'ipë yajtijpën mëjku'u ets Satanás, mëti'ipë wyin'ë'ëmpyën ni'ëmukë ja naaxwiinyëtë ja'ay. Yë'ëts ojts naaxwiinyëtë yajkujëpijpnaxy mëët ja ëxëëkpë ja anklëstëjk.