Lucas 21:36 - Biblia Mixe de Quetzaltepec

³⁶ Jëjp'ixy xëmë myajpaatëty, ja'amyätstë ja Tios janaam jatsojk, jëtu'un ka'ap montëty mtuktëty oy ja ëyo'on jyatunyë, ets akujk jotkujk xywyinkuwa'akëtëty ja Jesukristë.

Biblia Dc en Mixe de Quetzaltepec

³⁶ Jëjp'ixy xëmë myajpaatëty, ja'amyätstë ja Dios janaam jatsojk, jëtu'un ka'ap montëty mtuktëty oy ja ëyo'on jyatunyë, ets akujk jotkujk xywyinkuwa'akëtëty ja Jesukristë.

Lucas 21:36 ပူးပေါင်းရင်းမြစ်များ

1 Juan 2:28

E tyam, u'unk maayëty, itë tu'ukyë mëët ja Kristë, ets akujk jotkujk npatmëty n'ijxmëty ko ënäty myiny jatëkok; nitii tsë'ëkë ets nitiitsëtyu'un ënäty nkamëët'ajtëm ko myinëty.

1 Pedro 5:8

Näy'ijx'itëtë ets wijy kejy näyaj'itëtë. Jëtu'un miits ja mëjku'u ix'am mpajëtitëtë ijxtëm ja kaa muup ni'tsp ja jyi'kxy t'ixta'ayën.

Mateo 25:13

Näjyëjp'ixëtë, jä'ä ko ka'ap xynyijawëtë pën tii xëëw tii mëtëy jatëkok nmina'anyës.

Mateo 24:42

Wijy kujk mjuuky'atëty, jä'ä ko ka'ap xynyijawëtë jëna'a myina'any ja mWintsënëty.

1 Pedro 4:7

Winkoomp ja xëëw ma ja naaxwiinyëtë kyëxanën, paaty miits wijy kujk itë ets ja'amyätstë ja Tios.

1 Corintios 16:13

Näy'ijx'itëtë näkyëwent'atëtë ets tu'ukyë xyaj'itëty ja mëpëjkën. Amëk jotmëk myajpaatëty, këtii mtsë'ëkëtëty.

Lucas 18:1

Tääts ja Jesús tnimëtyäky mëët tu'uk ja ijxpäjtën wi'ix kyopkpëkyëtyën ko ja'ay wyanë tsyowë ets ka'ap kyumay kyutajëty.

Marcos 13:33

E näjyëjp'ixëtë miits xëmë ets ja'amyätstë ja Tios, jä'ä ko ka'ap xynyijawëtë jëna'ajës nwinpita'any.

Judas 1:24

Ja tu'kpajkpë ja Tios, mëti'ipë të xyajnitsokëmën, myëët'ajtyp yë mëk'ajtën ets mkëwent'atëtëty këtiipë mka'atëty pokytyum, ets myaja'tëtëty ma ja xyoontakënën, ma yë'ë yajpaatyën tsuj xoontä'äky. Yë'ë patëp ja mëj'ajt oyajtën, ja kutujkën, ja ënä'ämën, mëët ko ja nWintsën'ajtëm Jesukristë të nmëpëjkëm, tëëyëp, tyam ets xëmëkyëjxm. Jëtu'un y'itëty.

Mateo 26:41

Juuky näyaj'itëtë ets ja'amyätstë Tios, këtii ja ku'oypyë mnätyukmëmëta'akëtë. Tsyojkpy ja aaw jot ets tunëty mëti'ipë Tios tyukjotkëtäkpyën, je'eyëp ko ja ni'kx kopk atoonk apatk yajpaaty.

Malaquías 3:2

Je'eyëp, ko ¿pën y'ëkwintänëp ko ënäty myiny? ¿Pën y'ëkmëtänëp ja myëk'ajtën? Jä'ä ko yë'ë jëtu'un myina'any tä mëk jëënën ets xyajtooywya'atsa'anëmë; jëtu'un myiny tä xëtsën mëti'ipë nyëpujäämpyën ja ëxëëkajtën.

1 Tesalonicenses 5:17

Ja'amyätstë ja Tios xëmë.

Marcos 13:37

Mëti'ipë miits yam ntuk'ëwa'anëtëpën, nän tëëjës yë ja'ay ntuk'ëwa'anëtya'atë: Juuky itë.

2 Timoteo 4:5

E mijts, niwijy nikejy mja'ay'atëty, mëtanë ja ëyo'on, kajpxwa'kx xëmë yë aaw ayuk oypyë, patun oy yë mtuunk.

Colosenses 4:2

Xëmë ja Tios xyjyä'ämyätstëty. Wijy kejy mnäyaj'itëtëty ets mo'otë ja Tios ja kukajpxën.

Hechos 10:2

Xëmë ja Cornelio ijty twintsë'ëkë ja Tios, näjyëtu'un mëti'ipë tsënaaytyëpën jam ma tyëjkën, pyutëjkëp ijty ja ja'ay mëët ja wit meeny ko pën kyaka'ajtxëty ets xëmë tja'amyetsy ja Tios.

Salmos 1:5

Paaty yë ëxëëkja'aytyëjk nëjkxëp nyitukëtë ko ënäty ja Tios tpaye'ey ja nëë poky, ja pokyjyä'äytyëjk ka'ap tmëët'ata'antë ijtakn ma ja wa'ats ja'aytyëjk tu'ukmukyë yajpaatën.

Job 27:10

Jä'ä ko yë'ë ka'ap jyamëty yë xoontakën tpaaty ma mëti'ipë maaytyääyëpën winë ets ka'ap nijëna'a tmëkäjpxy.

Lucas 20:35

Pën ja Tios të wyin'ixëtën ets tpaatëty ja juukyajtën mëti'ipë miimp këtakpën, oy ënäty të y'ooky'itë, wä'än ye'etyëjk to'oxytyëjkëty; ka'ap nëjkx jëtu'un y'ëkpëjk y'ëk'uknëtë,

Jeremias 35:19

Ëjts Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, tyam n'ënëëmëtë ko ka'ap tyëkoy'ata'any yë Jonadab yë y'u'unk y'ok mëti'ipë ëjts xëmë xymyëtuntëpën.

Mateo 8:20

Tääts ja Jesús y'ëtsooy: Nikë tää wax ja jyut ets joon yë pyä'än; e ëjts, naaxwiinyëtë ja'ay y'U'unk, ni yë'ëjës tkamëët'aty maas yë nkëpajk nkëxkonëtyën.

Mateo 24:43

Yë'ë nijawëtë, ko jeexyë tu'uk ja kutëjk nijawë ko koots myina'any ja mä'tspë ma tyëjkën, ka'ap jeexyë myaanaxy këtiipë tyëkëty ja mä'tspë ma tyëjkën ets tyonëty myäätsëty.

Mateo 24:44

Paaty miits näjyëtu'un mnäkyëwent'atëtëty, jä'ä ko jääjës nëjkx nminy ko ënäty miits ka'ap xyjyëjp'ixtës.

Lucas 1:19

Tääts ja tsajpjotmëtë kukäjpxy y'ëtsooy: Gabrielës ëjts, Tiosës y'ënä'ämën npatuunëp; yë'ëjës të xykyexy ets mijts n'ëwaanëty ya'atë aaw ayuk oypyë.

Lucas 21:35

jëtu'un tä ja jëyujk yajxokyën. Jä'ä ko minaanp ma tëkokyë ja naaxwiinyëtë ja'ayën.

2 Corintios 4:14

Jä'ä ko nnija'awëm ëëtsajtëm ko ja Tios mëti'ipë yajjuukpyëjkën ja Jesús, näjyëtu'un xyajjuukpyëka'anëmë, ets mëët miitsëty mëët tu'ukyë xyajnëjkx'anëmë wyintum wyinkujk.

Apocalipsis 6:17

Jä'ä ko tëë ja xëëw tpaaty ma y'äkë tyiytyuna'any tsyäätstyuna'anyën. ¿Pën yë'ë y'ëkmëtänëp?

Apocalipsis 7:9

Ko jëtu'un y'ëkjajty, ënätës n'ijxy ja nimayjyä'äy, mëti'ipë tso'ontëpën wiink naax wiink kajpn ets wiink aaw wiink ayuk kyajpxtëp. Jam tyänëtë ma ja kutujktaknën ets ma ja Kupixynyën, nimay yajxon ka'ap tjëkyepy nmëtyo'owmëty. Poop xoxyëty, kum aay myënëjkxtëp.

Apocalipsis 8:2

Etsës n'ijxy niwëxtujk ja tsajpjotmëtë kukäjpxy jam tyänëtë Tios wintum, mëti'ipë yajmooytyën këëktu'uk ja xuxn.

Apocalipsis 11:4

Ja nimäjtskpë ijxpë mëtoopë, yë'ë tyijpy ja mäjtskpë ja olivë kepy ets ja mäjtskpë ja cera ato'oyën mëti'ipë Wintsën wintum yajpatpën.