Lucas 21:34 - Biblia Mixe de Quetzaltepec

³⁴ Näkyëwent'atëtë, këtii xy'atsoktëty ja nëë ju'uky, këtii m'uuktëty mu'ukëtëty, këtii yë'ë xymyëmay xymyëtajtëty ja naaxwiinyëtë naaxkëjxypyë yajtukjuuky'ätyën, këtiipë ja ëyo'on ajotkumonë mtukja'tëtëty,

Biblia Dc en Mixe de Quetzaltepec

³⁴ Näkyëwent'atëtë, këtii xy'atsoktëty ja nëë ju'uky, këtii m'uuktëty mu'ukëtëty, këtii yë'ë xymyëmay xymyëtajtëty ja naaxwiinyëtë naaxkëjxypyë yajtukjuuky'ätyën, këtiipë ja ëyo'on ajotkumonë mtukja'tëtëty,

Lucas 21:34 ပူးပေါင်းရင်းမြစ်များ

Génesis 19:32

Paaty tyam tsojk nteety'ajtëm n'a'ukëmë ets myu'ukëtëty, tääts ka'ap t'ixëty ets tjawëty ko nmëëtko'knä'ämyëty, e jëtu'unts yë'ë xyaj'u'unkpatmëty.

Génesis 19:35

Jä'ä tsu'um ojts ja tyeety jatëkok t'a'uukëtë ets ojts tyajmuktëkoyëtë, ënät ja mutskpë nyäkyo'kë mëët ja tyeety. Ja tyeety ka'ap tja'awëy wi'ix ojts tpuki'itë ets wi'ix ojts tpuki'tutkojnëpë.

Génesis 27:14

Ënät ja Jacob ojts tyajtsoony mäjtsk ja tsajppax ets tuknimiiny ja tyaak. Ënät ja tyaak tyaj'o'oyëy ja tojkx janty xu'kx jëtu'un ijxtëm ënäty ja Isaac oy tsokyën.

Salmos 35:8

Kë'ëm ajotkumonë tyukmina'anëtë ëyo'on jotmay; kë'ëm kyuka'anaxa'antë ma ja o'ktaknën mëti'ipë të tuknipëjktaakëtën. Wä'än twë'ëmtë jotmayjoty.

Proverbios 21:4

Ja nëë'ix pa'at'ix, ja mëj'ajtën këjxm'ajtën ets nämyëjjaw näjyääntyjyawë, aak poky yë'ë.

Proverbios 23:20

Këtii mëët mye'eymyuk mnajxmukëty yë ëmu'ukyë ja'ay, ni yë'ë mëët mkaye'eymyukëty mëti'ipë je'eyë tyäty kyaxën,

Eclesiastés 9:12

Ets ka'ap tii jëna'ajëty nyayajtuk'oyë, ka'ap yajnijawë jëna'a yajtuk'oyëja'any: Jëtu'un tä yë nëë jëyujkën ëkë tä yë joonën muum ajotkumonë kyukäkë ma y'o'ktaknën, näjyëtu'un yë naaxwiinyëtë ja'ay nän ajotkumonë muum y'ëkëty y'ëyo'onpaaty.

Isaías 28:7

Näyjyëtu'un tää ja'ay mëti'ipë xëmë yuump këtaapën ko y'uuky myu'ukyë ets oy wi'ix jyäntynyijkxy ko ja nëë mëkpë t'uuky mëti'ipë mukpën. Yë teetytyëjkëty ets käjpxynyajxpëtëjkëty yë'ë jëtu'un yajnikajpxtëp, yuntë kyëtawtë ko ja mëknëë t'uuktë, wiinkjaty y'ënanëtë ko myukënëtë, je'eyë kyunëjkx kyukëta'awënëtë ko y'ijxma'atë. Näyjyëtu'un ko nëë poky nipaye'eytyë ëmu'ukyë jyëtijnëtë.

Oseas 4:11

Ko yë ja'ay yë jyot nyini'kx tooky tyäky ets ko y'uuky myu'ukyë yajtëkoopy yë jot ja'awën.

Levitico 10:9

Ko mtëkëja'anëty jap tsajptëkoty ma ja wit tëjkën ma näpyaatë y'ityën, ëkë ko ja m'u'unk m'ëna'k jap tyëkëja'antëty; ka'ap mëpaat xy'uuktë oy tii nëë mëti'ipë mukpën, këtiipë m'ooktëty, tyaapë jëtu'unpë ënä'ämën kë'ëyxyëëw kë'ëyjyëmëjt y'itëty, tä tu'uk yë ënä'ämën tëyajtënën mëti'ipë itëpën u'unk ok.

Mateo 13:22

Ja tëëmt mëti'ipë ojts kyä'äyën äpny akujk, jëtu'un jä'ä ijxtëm ja ja'ay Tios y'aaw y'ayuk t'amëtoow'ijtëtën, je'eyëp ko yë'ë myëmaay myëtajtëp ja ajuuy ato'k ets mëk tsojkën'atë ja wit meeny ets yë'ë nyätyukwin'ëënëtë. Tu'kë'ëyë ya'atë, yë'ë yajkumo'onëtyääpy ja Tios ja y'aaw y'ayuk mëti'ipë të tjamëtoow'ityën ets ka'ap maa wyinkëxë'ëky.

Marcos 13:9

Yajxon mnäkyëwent'atëtëty, jä'ä ko myajkë'ëyakantëp miits ma kutuunkëtyën ets nëjkx myajwoptë tsajptëkoty. Myajmënëjkxantëp ma ja yajkutujkpëtëjkën ets ma wintsëntëjkëtyën mëët ëjtskyëjxm, jëtu'un ënäty miits xyajnikëxë'ëktë ma yë'ëjëtyën koos të mymyëpëktë.

Marcos 4:19

je'eyëp ko jä'ä myëmaay myëtajtëp wi'ixjaty yaa naaxwiiny ja ëyo'on jotmayën, ets ja meeny yajtukwin'ë'ëntë ets y'aaktsojktaaytyëp winë. Jëtu'unts ja Tios ja y'aaw y'ayuk ka'ap tyajwinkëxë'ëktë.

Lucas 10:41

E ja Jesús jëtu'un y'ëtsooy: Marta, Marta, yë maypyë tuunk mijts mmëmääpy mmëtäjpy.

Lucas 12:40

Näyjyëtu'un miitsëty, apaatë myajpaatëty, jä'ä ko ja naaxwiinyëtë ja'ay ja y'U'unk jää myina'any ma ënäty ka'ap xyjyëjp'ixtën myinëty.

Lucas 17:3

Näkyëwent'atëtë. Pën pokytyuunp ja mëku'uk, tuk'oj; pën yaj'o'oyëp ja jyuukyajtën pokymyä'kx.

Lucas 21:35

jëtu'un tä ja jëyujk yajxokyën. Jä'ä ko minaanp ma tëkokyë ja naaxwiinyëtë ja'ayën.

Lucas 21:8

Ets ja Jesús y'ënäny: Näkyëwent'atëtë ets këtii pën mnätyukwin'ëënëtëty. Yë'ë ko nimay ja ja'ay myina'antë ets y'ëna'ana'antë: Ëjts jëtu'un Kristë ets Tëë ja tiempo tpatnë. Miitsëty këtii xymyëpëktëty.

Lucas 8:14

Ja tëëmt mëti'ipë ojts kyä'äyën äpny akujky, jëtu'un yë'ë ijxtëm ja ja'ayëty mëti'ipë y'amëtoow'ijtëpën ja Tios ja y'aaw y'ayuk ets tmëpëktë, je'eyëp ko yë'ëty, yë'ë myëjpëjktaktëp ja nyaax kyamëty yaa naaxwiiny ets ja myeenyëty, xiktëp xoontëp; jëtu'unts yë'ë nyaxtë ijxtëm ja tsajpmokyonën mëti'ipë tëtspën ets ka'ap tyëëm'aty.

1 Corintios 5:11

Yë'ës ntijpy, ko ka'ap miits mëët m'ëk ye'eymyujknëtëty ja ja'ay mëti'ipë nätyijëpën ko tmëpëky ja Kristë ets tyam ja ëxëëk winma'any tpaaty; ets ameeny, wyintsë'këp ja tsaatsetsy, kepy tsyetsy; pi'tskajpxk, je'eyë y'uuky myu'ukyë ets mä'tsp. Ni xykyamëëtkaytyëty ja jëtu'unpë ja ja'ay.

1 Corintios 6:10

Këtii myajwin'ëëntëty, jä'ä ko jam ma ja Tios ja kyutujktaknën ka'ap yajpaata'antë mëti'ipë jyot nyini'kx yajktëpën, mëti'ipë tsaatsetsy, kepy tsyetsy y'ëwtajtypyën, mëti'ipë ka'ap yë nyiye'etyëjk ëkë tyo'oxytyëjk twintsë'ëkën, ëkë mëti'ipë ato'oxyën, ëkë mëti'ipë myëye'etyëjk pyijkpyën y'ukpyën.

Gálatas 5:20

y'ëwtajtëp mëti'ipë ka'ap Tyiosëtyën, patooy panajxtëp, atsip a'äkë jyuuky'atë, mëtsip'ajtëp, pojën jyoot'anpëktë mëët yi'inëm tii, kyë'ëm oyajtën y'ixtaaytyëp, yajnäwya'kxëtëp ja ja'ay, ëpëky nyäpyëjkta'akëtë,

Deuteronomio 29:19

Pën jam pën y'ënä'äny ëkë myäy tyäjy; ëjts tiijës pën xykyëwentëty jyëkyejpyës ntunëty oy tii ntimtyuna'anëtyës, jëtu'unpë ja'ay yë'ë ja poky myëët'atëp, ko ënäty miitsëty wi'ix mjatë mkëpätë.

Filipenses 4:6

Këtii tii je'eyë xymyëmon xymyëtuktëty, yë'ë Tios tukë'ëtëkëtë tii jam mjotmay'ajtëp, amëtowtë pëjktsowtë ets kukajpxën näjyëtu'un.

Hebreos 12:15

Nämyëjotëkoyëtë këtiipë pën tyëkoy'ajtxëtëty ja Tios ja tsyojkën jya'awën. Nitu'uk mka'itëty ijxtëm ja ta'am ujtsën mëti'ipë pa'amtuunpën ets mayjyä'äy tukpaaty.

2 Pedro 3:10

Ko ënäty ja Wintsën myiny, jëtu'un nëjkx myiny ijxtëm ja mä'tspën tsuu koots tyëjktëkën. Ënät ja tsajp nëjkx mya'ta'ay, pëmiimpën nëjkx yajmëtoy, näjyëtu'un nëjkx tyooytyëkooytyä'äy mëët yë jëën ets ja naaxwiinyëtë mëët tu'kë'ëyë winë nëjkxëp ja Tios tpaye'eytyä'äy.

2 Pedro 3:14

Paaty, mëku'uktëjkëty, tsojk njëjp'ijxëmë ko jëtu'un jyata'any; tuntë ja Tios ja tyuunk mapaat ja tiempo jyaak jää'atyën ets ja Tios mpaatëtëty akujk jotkujk; nitii poky nitii ëxëëkajtën xykyamëët'atëty ko ënäty myiny.

Apocalipsis 3:3

Ja'amyäts ja oypyë ja ijxpëjkën mëti'ipë të xymyëtoyën ets niwinpit ja Tios. Pën ka'ap juuky m'ity, ninëjkxäämpy tä mä'tspën ma ënäty ka'ap tii xymyëmay xymyëtajyën.

1 Samuel 25:36

Ko ja Abigail jyä'äjty ma tyëjkën, tä t'ijxy ko ja Nabal tyäty xyëëwtuump ënäty jam, jëtu'un tä tu'uk yë yajkutujkpë xyëëwtunyën. Janty jotkujk nyäjyawëty ets yajxon myukënë. Paatykyëjxm ka'ap wi'ix t'ënëmaay koonëm ojts wyijy.