Lucas 21:21 - Biblia Mixe de Quetzaltepec

²¹ Ko jëtu'un tyunëtëty jyatëtëty, wä'än kopkjotm nëjkxtë mëti'ipë jam Judea yajpatëpën ets wä'än ënätyë tpëtsëmtë mëti'ipë jamëtyën Jerusalén. Mëti'ipë jam kamjotm yajpatpën, këtii nëkoo tyimwinpitëty ma kyajpnën.

Biblia Dc en Mixe de Quetzaltepec

²¹ Ko jëtu'un tyunëtëty jyatëtëty, wä'än kopkjotm nëjkxtë mëti'ipë jam Judea yajpatëpën ets wä'än ënätyë tpëtsëmtë mëti'ipë jamëtyën Jerusalén. Mëti'ipë jam kamjotm yajpatpën, këtii nëkoo tyimwinpitëty ma kyajpnën.

Lucas 21:21 ပူးပေါင်းရင်းမြစ်များ

Jeremias 6:1

Miitsëty Benjamín ja'ayëty, ixta'atë yë tsoktakn, käkpëtsëmtë jam Jerusalén. Tukxu'uxtë ja mxuxnëty jam Tecoa, tëëyë'ëktë tu'uk wit jam Bet-haquérem, jä'ä ko tam anëkëjxmtsow myiny wyinkony ja ëyo'on jotmay.

Apocalipsis 18:4

Tääts ja wiinkpë ja ayuk nmëtooyës mëti'ipë tso'onpën jam tsajpjotm ets y'ënä'äny: Pëtsëmtë miitsëty ma ya'atë kajpnën, ninu'un njä'ä'atën, këtiipë nëkoo ja poky ets ja ëyo'on xypyaatëty,

Marcos 13:15

Pën ënäty të pyety tyëjkëjxm jä'ä xëëw, ka'ap tyëkëty tyëkotm ets tii tyajpëtsëma'anëty;

Mateo 24:16

ënät nëjkx kyä'äktë ja ja'ayëty mëti'ipë yajpatëpën jam Judea ets nëjkx kyäktso'oktë jam kopkëjxm;

Jeremias 35:11

E ko yë Nabucodonosor, Babilonyë yajkutujkpë ojts tukja'ty ya'atë naax kajpn, ënätës ojts nmintë yaa Jerusalén yë'ëjës nkukäktëp ja tsiptuunpëtëjk ja Caldeo ja'ayëty ets Siria ja'ayëty; paatykyëjxm ëëts yaajëty Jerusalén.

Proverbios 22:3

Yë ja'ay mëti'ipë wijyën poj'am t'ixy ko muum kyutsë'ëkëty ets ënätyë tjëjpkuwa'akë; e mëti'ipë ka'ap wyijyëtyën, ni'ikyë tyu'uye'ey'ëti'ity ets ëxëëk jyäty kyëpety.

Números 16:26

ets t'ënëmaay ja naax kajpn: Jëwa'kta'atë jam miitsëty ninu'un xymyëwinkon'atën yë tsyënaaytyaknëty tääpë ëxëëkja'aytyëjkëty ets nitii xykyatoonëtëty mëti'ipë yë'ë jyä'ä'ajtëpën, këtiipë näjyëtu'un xykyu'ookëtëty ja nyëë pyokyëty.

Génesis 19:26

Yë tyo'oxytyëjk yë Lot mëti'ipë ënäty ëx'ok miinpën ojts nyäjyë'ixyë ets ojts jëtu'un wyi'imy kaanpotsyën.

Génesis 19:17

Ko ënäty tëë yë kajpn tukpëtsëëmtaaynyëtë, ënät ojts yë tsajpjotmëtë kukäjpxy y'ëna'antë: Pe'tym pëyë'ëktë ets näyyajtso'okëtë, këtii mnäjyë'ixëtëty ets këtii mwa'ak'awëtëty. Nëjkx kopkkëjxm, pën myajtso'okäämpy yë mjuukyajtën.

Jeremias 37:12

Ënät ja Jeremías tsyo'ony jam kajpntum ets ojts nyijkxy ma ja Benjamín ja'ayëty y'itjotëtyën, paaty ojts jam nyijkxy jä'ä ko naax ënäty kyijpxwa'kxantëp ja ja'ayëty, e yë Jeremías tam ijty näjyëtu'un yë nyaax.

Mateo 2:1

Belén ja Jesús ojts myiny kye'exy, Judea y'itjotm. Herodes ënäty jam yajkutujkp. Tääts jam Jerusalén jyajtë ja matsa'a ixtääpyë mëti'ipë tso'ontëpën xëëwpëtsëmtsyow.