Lucas 20:23 - Biblia Mixe de Quetzaltepec

²³ Nyija'awëp ja Jesús ko ënäty ëxëëk ja wyinma'anyëty. Tääts y'ënëmaayëtë:

Biblia Dc en Mixe de Quetzaltepec

²³ Nyija'awëp ja Jesús ko ënety ëxëëk ja wyinma'anyëty. Tääts y'ënëmaayëtë:

Lucas 20:23 ပူးပေါင်းရင်းမြစ်များ

Salmos 95:9

ko ojts yë m'ap m'okëty je'eyë xywyinma'any'ixtës, etsës winë ntunëty, oy ënäty të tja'ixtë koos winë mëj këjää ntuny nkäjpxy.

Mateo 16:1

Tääts ja fariseë ja'ayëty ets ja saduceos tnimiintë ja Jesús ets twinma'any'ixa'antë, yë'ë ojts t'amëtowtë ja Jesús ets tunëty mëj'ajtën mëti'ipë yajknikëxë'ëkëp ko Tios të kyexyë.

Mateo 22:18

Jesús ojts t'ixy ko je'eyë wyinma'any'ixtë, paaty t'ënëmaay: Oyjyä'äy mnätyijëtë, ¿tii ko miits xyajkajpxtëkoya'antës?

Lucas 20:20

Ënät ojts tkäxtë ja ja'ay mëti'ipë pya'ix pyawoontëp ja Jesús, tääpë ja'ayëty oyjyä'äy nyäpyëjkta'akëtë, yë'ë tsyojktëp ets ja Jesús muum kyajpxtëkoyëty ets jëtu'un tkë'ëyaktëty ma ja Roma yajkutujkpën.

Lucas 20:22

¿Oy jëtää ko ja yajkutujkpë César nmëkëpäjtmëtyë ëkë ka'apë?

Lucas 20:24

Tuk'ijxtëkës tu'uk ja meeny. ¿Pën ya'atë wyiin jyëjp yam nikojtu'uty ets pën yë xyëëw yam këxja'ay miimp? Ets y'ëtsoowtë: Yë'ë yajkutujkpë César.

Lucas 5:22

Jesús, wa'ats ënäty tnijawë wi'ix myäytyën tyajtën, paaty tyajtëëy: ¿Tii ko jëtu'un mmaytyë mtajtë?

Lucas 6:8

Ja Jesús wa'ats tnijawë wi'ix ja ja'ay myäytyë tyajtën, tääts t'ënëmaay mëti'ipë ënäty ja kyë'ëjën të'ëts: Pëtë'ëk, tänë yaa itkujky. Tääts ja ja'ay pyëti'ky ets wya'kujkëy,

Hechos 13:10

ets t'ënëmaay: Mijts, win'ë'ënpë, mëjku'u y'u'unk. Mmëtsip'ajtyp tu'kë'ëyë mëti'ipë mëtëyën. ¿Tii ko xëmë xyajma'ata'any ja Wintsën ja nyë'ë tyu'u tëypyë?

1 Corintios 10:9

Ka'ap ja Wintsën nwinma'any'ijxmëty, ijxtëm yë'ë ojts jënaakën y'ëtë'ëtstën mëti'ipëty ojts ja tsa'any kyutsu'utsëtën.

1 Corintios 3:19

Yë naaxwiinyëtë ixpëkyajtën tsuuwinma'any yë Tios tyajnaxy, jëtu'un ja Tios ja y'aaw y'ayuk kyëxja'ayëty: Näy yë'ë kyë'ëm wijyajtën nëjkx ja ixpëkyjyä'äy Tios tyu'u'ëtukëtë ijxtëm tu'uk ja jëyujk yajtu'u'ëtukyën, jä'äkyëjxm ko tkanijawëtë ko ja y'o'kën t'anëjkxëtë.

Efesios 4:14

Ka'ap jëtu'un n'ëkja'ay'ajtënëty ijxtëm ja pi'k ëna'kën, mëti'ipë maaymyiin maayxyëjptëpën, ka'apë tnijawëtën mëti'ipë tëy katëyën, mëti'ipë pojën myëpëjktëpën ko ja ja'ay nyë'ëmxëtë ets t'ëxmatstë ja ijxpëjkën mëtëypyë.

Hebreos 4:13

Nitii tkajëkyepy ja Tios yajtukwinkuyu'utsëty mëti'ipë të tyajkojyën, aak wyintum wyinkujkm winë yajpata'ay, ets ma yë'ëjën nëjkx nkë'ëyajkta'ayëm tëkokyë tii të ntu'un të nkajpxëmën.