Lucas 20:17 - Biblia Mixe de Quetzaltepec

¹⁷ E ja Jesús ojts wyintë'kxëtë ets y'ënëmaayëtë: ¿Tii ja Tios ja y'aaw y'ayuk tyijpy ko y'ënä'äny?: Ja tsaa mëti'ipë ja pojtspë ojts tpäxtën, yë'ë të nyäxy tsaakopk.

Biblia Dc en Mixe de Quetzaltepec

¹⁷ E ja Jesús ojts wyintë'kxëtë ets y'ënëmaayëtë: ¿Tii ja Dios ja y'aaw y'ayuk tyijpy ko y'ënä'äny?: Ja tsaa mëti'ipë ja pojtspë ojts tpäxtën, yë'ë të nyäxy tsaakopk.

Lucas 20:17 ပူးပေါင်းရင်းမြစ်များ

Salmos 118:22

Ja tsaa mëti'ipë ojts ja tëjk kojpë ka'ap tsoktën, yë'ë të y'awinpity tsaakopk mëti'ipë ja tëjk myëtënääpyën.

Isaías 28:16

Paaty ja Wintsën y'ënä'äny: Ëjts npëjkta'akäämpyës yam tu'uk yë tsaa jam Sión, tu'uk yë mëjtsaa, oytsyaa ets tsoowpaatypë, mëti'ipë mëj'äämpy itëpën, ets yë'ë potsy ëjx'atëp. Pën ënäty tyukjotkujk'ajtypyën, nëjkxëp jam tpaaty ja po'kxtakn.

Hechos 4:11

Yë Jesús yë'ë tyam jëtu'un të nyäxy ijxtëm ja tsaakopkën, mëti'ipë miitsëty, ja pojtspëtëjk ojts xy'ixka'atstën. E tëëts ja y'awinpity jëtu'un ijxtëm tu'uk ja mëjtsaakopkën mëti'ipë myëtënääpyën ja jëën tëjk.

Mateo 21:42

Ënät ja Jesús y'ëtsoowëtë: ¿Ka'anëm xykyajpxtë ja Tios ja y'aaw y'ayuk mëti'ipë ënaanpën?: Ja tsaa mëti'ipë ja pojtspëtëjk ojts t'ixka'atstën, jä'ä tyam të nyäxy potsy myëtënääpyë. Ja Wintsën jëtu'un të tuny, ets ëëtsajtëm mëj'ixy n'ijxmëty.

Marcos 12:10

Këtii xykyajpxtënëm ja Tios ja y'aaw y'ayuk këxja'aypyë mëti'ipë ënaanpën: Ja tsaa mëti'ipë ja pojtspë ojts tpäxtën, nikë jä'ä tyam të y'awinpity mëjtsaakopk ma potsy'ëjxën.

Zacarías 3:9

Ëjts tëëjës yë Josué ntukwinkukonë tu'uk yë mëjtsaa mëti'ipë wëxtujk yë pya'ajën, jamtsës nkëxja'aja'any tu'uk yë winma'any. Ets tu'kxëëyë nëjkx yë naax kajpn njo'tsta'ayës yë nyëë pyoky.

Lucas 22:37

Jëtu'un miits nëëmëtë ko kopkpëky jëtu'un tyunëtëty jyatëtëty ijxtëm ja Tios ja y'aaw y'ayuk xynyikäjpxyënës: Ko jëtu'un ojts yaj'ixy ijxtëm jeexyë y'ëxëëk ja'ayëtyën. Kojy jëtu'un tyunëtëty jyatëtëty ijxtëm myinyën kuja'ay.

Juan 15:25

E ya'atë paaty jëtu'un tyunyë jyätyë ets y'atëwëty ja aaw ayuk mëti'ipë kuja'ay miinpën ma ja y'ënä'ämënëtyën: Natëkës të y'ëxëëk''ixtë.

Lucas 24:44

Tääts y'ënëmaayëtë: Mëti'ipës të xyäty të xykyëpetyën, yë'ë mëti'ipë ojts ntuk'ëwaanëtën ko ënäty jää mëët miitsëty njaak'ityës, ko kopkpëky ko jëtu'un njata'anyës ijxtëm xynyimëtya'aktësën ja Moisés ja y'ënä'ämën, ja Tios ja kyäjpxynyajxpë ets ja Salmos.

Lucas 22:61

Tääts ja Wintsën tni''ijxwinpijty ja Pedro. Ets ja Pedro tja'amyejtsy wi'ix ënäty ja Jesús të nyë'ëmxëtyën: Tyam, naamka'anëm ënäty ja këtseynyë'aaw yaaxë'ëky ko mijts xykyuyu'utsa'anyës tëkëëk ok.

Marcos 10:23

Ënät ja Jesús y'ijx'ëwëtijty ets t'ënëmaay ja y'ijxpëjkpëtëjk: Tsip ni'ik ets ja kumeenyjyä'äy tyëkëty ma ja Tios ja kyutujktaknën.

Marcos 3:5

Tääts ja Jesús wyintë'kxëtë mëët yë joot'an ets moonp tujkp jä'äkyëjxm ko juun ja jyot wyinma'anyëty tpëjkta'aktë. Paaty t'ënëmaay ja ye'etyëjk mëti'ipë ënäty ja kyë'ëjën ooky: Xajtëw. Tääts ja ye'etyëjk xyajtëëy ets ja kyë'ë tsyoky.

Lucas 19:41

Ko t'ijxpaty ja Jerusalén kajpn jam winkon, tääts ja Jesús niyäxy,

Zacarías 10:4

Jam pyëtsëma'any ja tsaa mëti'ipë potsy myëtänëjäämpyën. Ja Kepy kyupë mëti'ipë ja wit tëjk nyikupë'atäämpyën ets ja ti'pxn mëti'ipë yajmëtsiptunäämpën. Jam pyëtsëma'any tu'kë'ëyë ja ja'ayëty mëti'ipë yaj'ëwaatsëpëtsëëmtëpën.

Efesios 2:20

Jëtu'un miitsëty ijxtëm ja potsyën; ets ja ijxpëjkpëtëjk ets ja Tios ja kyäjpxynyajxpëtëjk jëtu'un ijxtëm ja potsy ëjxën; ja Jesukristë yë'ë jëtu'un ijxtëm ja tsaajën mëti'ipë ja potsy myëtënääpyën.

1 Pedro 2:6

Paaty näjyëtu'un y'ënä'äny ja Tios ja y'aaw y'ayuk kuja'aypyë myinyën: Mpëjktäkpyës jam Jerusalén tu'uk ja tsaakopk, win'ixypyë ets tsowpë; mëti'ipë yë'ë tyuk'ijxpejtypyën ka'ap tsyëtyu'unpaata'any.