Lucas 20:16 - Biblia Mixe de Quetzaltepec

¹⁶ Nëjkxaanp jam kyamjotm ets tyaj'o'kta'aja'any ja naax ënu'kxpëtëjk ets ja kyam wiinkpë ja'ay tmo'oja'any. Ko ja ja'ay tmëtoowtë ets y'ënantë: Tkatsoky ja Tios.

Biblia Dc en Mixe de Quetzaltepec

¹⁶ Nëjkxaanp jam kyamjotm ets tyaj'o'kta'aja'any ja naax ënu'kxpëtëjk ets ja kyam wiinkpë ja'ay tmo'oja'any. Ko ja ja'ay tmëtoowtë ets y'ënantë: Tkatsoky ja Dios.

Lucas 20:16 ပူးပေါင်းရင်းမြစ်များ

Lucas 19:27

E ja nmëtsipës mëti'ipë ka'ap të tsoktën etsës ëjts nyajkutukëty, yaa yajmintë ets xyaj'ooktëty ëjts nwintuuyës.

Hechos 13:46

Ënät ja Pablo ets ja Bernabé ojts ja ja'ay amëk jotmëk tmëkajpxtë ets t'ënëmaaytyë: Israel ja'ayëty, kopkpëky ets miits ja Tios ja y'aaw y'ayuk jëwyiin myajtuk'ëwaanëtëty, jä'ä ko miits mjutiis'atë; e miitsëty ka'ap xykyupëktë ets ka'ap mnätyukmë'a'ixëtë ja juukyajtën xëmëkyëjxmëpë. Nikë oy ëëts nëjkxëty wiink kajpn ma ja ja'ayëtyën ka'apë jyutiis'atën.

Mateo 21:41

Tääts y'ëtsoowtë: Yaj'o'kta'ajëp tääpë ëxëëkja'aytyëjkëty ets ja wiinkpë tuunpëtëjk nëjkx tmo'oy ënu'kxy ja kam mëti'ipë yaktëpën ja pëjktä'äky ënätyë mëti'ipë ja wintsën patëpën.

Mateo 22:7

Ënät ja yajkutujkpë ojts yajxon jyoot'anpëky ets tkejxy ja tsyiptuunpëtëjk ets tyaj'o'kta'atëty ja yajja'ay'o'kpëty ets tnaxkuno'okëtyë ja nyaax kyajpn.

Mateo 21:34

Ko tpaty ja nyixëëw nyipo'o ma ja tsatym yajtukyën, ënät ja tyuunpë ojts jënaakën tkexy ma ja naax kamën ets t'amëtowa'antë ja tsatym mëti'ipë ja kukam paat'ajtëpën.

Marcos 12:9

Ënät ja Jesús tyajtëëy: ¿Tii jëtää ja kukam tyunäämpy? Nëjkxaanp jam kamjotm ets tyaj'o'kta'aja'any ja naax ënu'kxpëtëjk ets ja ja'ay wiinkpë tmo'oja'any ja tsatsymkyam.

Lucas 20:15

Tääts tyajpëtsëëmtë kamjotm ets ojts tyaj'ooktë. ¿Tii jëtää ja kukam tyunäämpy ma ya'atë ja'ayëtyën?

Romanos 3:4

Niwi'ix'äämpy. Tios aak mëtëy winë tuny, oy ja ja'ay ni'ëmukë y'anta'aktë. Jëtu'un ja Kënu'kxymyëkajtën y'ënä'äny: Mijts wa'ats mnaxa'any mëët mëti'ipë të xynyikäjpxyën, ets ko ënäty myajnipaye'ey mijts mëta'akaanp.

Romanos 3:6

Niwi'ix'äämpy. Ko jeexyë ja Tios mëtëy kyaTios'aty, ¿wi'ix jeexyë ja naaxwiinyëtë ja'ay tpaye'ey?

Romanos 3:31

Pën jëtu'un, ¿ka'ap jëtää ja ënä'ämën tii mëk'ajtën t'ëkmëët'ajnë ko yajmëët'aty ja mëpëjkënë? Niwi'ix'äämpy. Ni'ikyë njaaktimyajmëjnajxëmë ja ënä'ämën.

Romanos 6:2

Niwi'ix'äämpy. Jëtu'un nyajpatëmë ijxtëm ja o'kpë ma ja pokyën. ¿Wi'ix npokytyuun'ëtëtsmëty?

Romanos 6:15

¿E tii? ¿Tsojk npokytyuun'ëtëtsëm jä'ä ko ka'ap ja ënä'ämën y'ëktuunë ma ëëtsajtëmën ets jä'ä ko Tios oy xytsyojkëm xyjya'awëmë? Niwi'ix'äämpy.

Romanos 7:7

¿E jyëkyejpy n'ëna'anmëty ko jyää'aty ja ënä'ämën paaty jyää'aty ja pokyë? Niwi'ix'äämpy. Je'eyëp ko ja ënä'ämën jeexyë kyaka'ty, ka'ap jeexyë ëjts nijawë tii poky'ajtp. Ka'apës jeexyë të nijawë ko tii yaj'atsoky poky yë'ë, ko jeexyë ka'ap ja ënä'ämën y'ënä'äny këtii m'atsokëty.

Romanos 7:13

E jyëkyejpy ënät n'ëna'anmëty, ¿ya'atë mëti'ipë ënäty oyën, yë'ëjës të xytyukpaaty ja o'kënë? Niwi'ix'äämpy. Ja poky, paaty yaj'ooky ets jëtu'un tyajnikëxë'ëky ko poky yajtuny, je'eyëp ko yë'ë tyukkajpxpejtyp ja ënä'ämën ets yaj'ixëty oy yowë. Jëtu'unts ja ënä'ämën të tyajnikëxë'ëky wi'ix y'ëxëëkëtyën ja poky.

Romanos 9:14

¿Wi'ixts na'ëna'anmëty? ¿Wä'än jëtää n'ëna'anmëty ko ka'ap y'oyëty mëti'ipë ja Tios tyuunpyënë? Niwi'ix'äämpy.

Romanos 11:1

Yë'ës tyam nyajtëëpy: ¿Tëë jëtää ja Tios t'ëxmajtsnë ja nyaax kyajpnë? Niwi'ix'äämpy. Ëjts nän Israel ja'ayës ëjts, Abrahamës nteety'äjtyp n'ap'ajtyp, Benjamínkës ja y'u'unk y'ok ëjts.

Romanos 11:11

Nyajtëëpyës jatëkok: Ko ja jutiis ja'ay kya'atë pokyjotm, ¿tim'ëxmajtsëtëp jëtää ja Tiosë? Niwi'ix'äämpy. Ko ja jutiis kyamëtaktë, nikë jää të tpaatë ja nitsokën mëti'ipë ka'ap jyutiis ja'ay'atën, jëtu'unts ja jutiis ja'ay y'äkëtëty.

1 Corintios 6:15

¿Ka'ap xynyijawëtë ko yë mni'kx mkopkëty jëtu'un yë'ë ijxtëm kanaakjëjpën winë, ets tu'ukyë yajpaaty mëët ja Kristë? ¿Mëpaat jëtää ëjts njëpëky tu'kpëky mëti'ipë ijtpën tu'ukyë mëët ja Kristë etsës ntuknini'kx'atëty ja ku'into'oxyë? Niwi'ix'äämpy.

Gálatas 2:17

Ko n'ixtä'ämyëty ets oy nwë'ëmëty mëët ja Tios ma Kristë yajmëpëkyën, jëtu'un nyikëxë'ëky ko pokyjyä'äy ëëts'ajtëmë. ¿Ëkë wä'än jëtu'un yajja'akyukë ko Kristë ni'ikyë xyajpokytyëjkëmë? Niwi'ix'äämpy.

Gálatas 3:21

Ëkë, ¿jä'ä jëtää tijy ko Moisés ja y'ënä'ämën ko tmëtsip'aty ja Tios ja wyaantakënë? Niwi'ix'äämpy. Ko jeexyë ja Moisés ja y'ënä'ämën t'ëkyäky ja juukyajtën, jyëkyejpy jeexyë ja ja'ay oy wyi'im Tios wintum ko tpatuny ja Moisés ja y'ënä'ämën.

Gálatas 6:14

Ëjts ka'apës tii nätyukumayë, yi'iyës nmëjpëjktäkpy ko ja Wintsën Jesús të xykyu'ookës kruutskëjxm ets jä'äkyëjxm ko të xykyu'ookës kruutskëjxm ets ko të nmëpekyës, jëtu'un tpaaty ijxtëmës jeexyë të nkruutspety mëët ja naaxwiinyëtë juukyajtën.