Lucas 20:14 - Biblia Mixe de Quetzaltepec

¹⁴ Ko ja naax ënu'kxypë t'ijxpatë ja kukam ja y'u'unk, tääts xim yam nyäy'ënanëtë: Ya'atë, yë'ë kam myëwë'ëmta'ajäämpy, oy ntimyaj'o'kmëty ets tsatsymkyam ëëts njä'ä'ajtmëty.

Biblia Dc en Mixe de Quetzaltepec

¹⁴ Ko ja naax ënu'kxypë t'ijxpatë ja kukam ja y'u'unk, tääts xim yam nyäy'ënanëtë: Ya'atë, yë'ë kam myëwë'ëmta'ajäämpy, oy ntimyaj'o'kmëty ets tsatsymkyam ëëts njä'ä'ajtmëty.

Lucas 20:14 ပူးပေါင်းရင်းမြစ်များ

Salmos 2:8

Ëjts amëtoowk mëti'ipë kajpn mtsojkën'ajtypën ets ntukumayëty; pën mtsojktääpy mapaat yë naaxwiinyëtë y'ëwtityën, tyam nmo'ojëty ets xyjyä'ä'atëty.

Salmos 89:27

Ets ëjts, nmo'ojäämpyës yë kutujkën ets nyaxëty tä yë ajtykyopkën, ets yë'ë nyitënaaytya'ajëp tëkokyë yë ënä'ämpëtëjk jënu'un yajpaatën ënä'ämpë naaxwiiny naaxkëjxy.

Mateo 16:7

Ënät ja y'ijxpëjkpëtëjk aak ayi'iyë nye'ëna'anëtë: Paty jëtää jëtu'un y'ënä'äny jä'ä ko ka'ap ja tsajpkääky të nmëmi'inëmë.

Mateo 21:34

Ko tpaty ja nyixëëw nyipo'o ma ja tsatym yajtukyën, ënät ja tyuunpë ojts jënaakën tkexy ma ja naax kamën ets t'amëtowa'antë ja tsatym mëti'ipë ja kukam paat'ajtëpën.

Lucas 19:47

Jëpom jëpom ja Jesús ijty yaj'ixpëky ma ja mëjtsajptëjkën; ets ja teety wintsënëty, tsajptëkotyëtë yaj'ijxpëjkpëty ets mëti'ipë ja kajpn nyiwintsën'ajtëpën, yajxon ja winma'any tjajanty'ixta'atë wi'ix ja Jesús tyaj'ooktëtyën.

Lucas 20:13

Tääts ja kukam y'ënäny: ¿Tiis ënät ntuunta'akëp? Tyaa t'ixëty, nmaankës ënät nkäxëp mëti'ipës ni'ik ntsojkpy nja'apën; ko yë'ë t'ijxpaatëty, wä'änxyëp twintsë'ëkëtëty.

Lucas 20:15

Tääts tyajpëtsëëmtë kamjotm ets ojts tyaj'ooktë. ¿Tii jëtää ja kukam tyunäämpy ma ya'atë ja'ayëtyën?

Lucas 20:19

Ënätyë ja teety wintsëntëjk ets ja tsajptëkotyëtë yaj'ijxpëjkpëtëjk tjamatsantë ja Jesús, jä'äkyëjxm ko jëtu'un tja'awëtyë yë'ë yowë yajwinkajpxpäjtëp ko ënäty ja Jesús ja ijxpäjtën jëtu'un të tnimëtyä'äky.

Lucas 20:5

Tääts aak ayi'iyë nyäyajtëëwëtë ets nyäy'ënanëtë: ¿Wi'ix n'ëtso'owmëty? Ko ënät n'ëtso'owmëty ko Tios ojts kyexyë, tsojk y'ëtsowëty: ¿e tiits ko ojts xykyamëpëktë?

Lucas 22:2

Ja teety wintsënëty ets ja tsajptëkotyëtë yaj'ijxpëjkpëtëjk jä'ä y'ixtaaytyëp ja winma'any wi'ix ja Jesús tyaj'ooktëtyën, je'eyëp ko tsyë'këtëp ja mayjyä'äy.

Hechos 2:23

Tääpë ye'etyëjk, ojts miits myajtukë'ëtëkëtë, ijxtëm ja Tios ënäty të tuknimay të tuknitajën, miits ojts xyaj'ooktë, ko ja ëxëëkja'aytyëjk xytyukyajkruutspäjtë.

Hechos 3:15

Jëtu'un xyaj'o'ktë mëti'ipë ja juukyajtën xymyo'oyëmën. E ja Tios tëë yajjuukpyikyë ets ëëtsëty tëëjës kë'ëm ntimy ixtë.

Romanos 8:17

Ets ko yë'ë xy'u'unk'ajtëmë, näjyëtu'un ja Kristë mëët xypyaat'ajtëmë ja kuma'ayën mëti'ipë ja Tios të xytyukwinwa'anëmën, jä'ä ko tu'ukyë ja Kristë mëët nyajpatëmë ja myëj'ajt jyääntyajtën, jä'ä ko tu'ukyë mëët n'ëyo'owëmë ets jam nyajpatmëty ma myëj'ajt y'oyajtënën.

Hebreos 1:2

Tyam ma kyëxanën ja xëëw jëmëjt, tëë xymyëkajpxëmë mëët ja y'U'unk, mëti'ipë ojts mëët tyajkojyën ja naax tsajp, mëti'ipë të tukumaaytyä'äyën winë.