Lucas 2:25 - Biblia Mixe de Quetzaltepec

²⁵ Jam ënäty tu'uk ja ja'ay tsyëënë Jerusalén, Simeónk'ajtp. Oy ets wa'ats jyuuky'äty ma Tiosën, wyintsë'këp ja Tios ets y'owëxijtyp jëna'a ja Israel ja'ay nyitso'oka'antën. Ja Simeón myëët'ajtyp ijty ja Kënu'kxymyëkajtën,

Biblia Dc en Mixe de Quetzaltepec

²⁵ Jam ënety tu'uk ja ja'ay tsyëënë Jerusalén, Simeónk'ajtp. Oy ets wa'ats jyuuky'äty ma Tiosën, wyintsë'këp ja Dios ets y'owëxijtyp jëna'a ja Israel ja'ay nyitso'oka'antën. Ja Simeón myëët'ajtyp ijty ja Kënu'kxymyëkajtën,

Lucas 2:25 ပူးပေါင်းရင်းမြစ်များ

Génesis 6:9

Ya'atë jëtu'un nyimëtyä'äky'äjtyp yë Noé. Ko yë Noé jyuuky'äjty, jëtu'un ojts winë tuny ijxtëm ja Tios y'ëne'emyën. Yë'ë tu'uk ojts oy jyuuky'äty ma ja naaxwiinyëtë ja'ayëtyën.

Job 1:1

Jam ma Us y'itjotmën, jam ijty tu'uk ja'ay tsyëënë, Job xyëëwajtyp. Oy ijty jyuuky'äty, ka'ap tii tuuntëkoy tkajpxtëkoy, Tios myëtuumpy ets nijëna'a ojts pën tkamëtëkoy.

Job 1:8

Ënät ja Wintsën y'ënëmaayë: ¿M'ixy'äjtyp yë ntuunpës mëti'ipë xyëëwajtypyën Job? Nimaa ja'ay jëtu'unpë naaxwiiny naaxkëjxy, mëti'ipës oy xymyëtuunpën ets tëy tëtä'äky jyuuky'äty, mëtëy winë tuny ets nitii tëko'oyën tkamëëtëty, aak'oy jyiiky myëku'uk tjawë.

Isaías 25:9

Jä'ä xëëw nëjkx ja aaw ayuk y'ënä'äny: Ya'atë jëtu'un Wintsënajtp mëti'ipë nTios'ajtëmën, yë'ë të ntuk'ijxpäjtëmë ets yë'ë të xyajtsokëmë. Tsojk ntukxoontakëmë ets ntukxo'on ntuk'ijtëmë, jä'ä ko yë'ë tëë xyajtsokëmë.

Isaías 40:1

Jëtu'un ja Wintsën y'ënä'äny, mëti'ipë miits mTiosajtëpën: Yajjotkujk'atë, yajjotkujk'atë ja nnaax nkajpnës.

Miqueas 6:8

Tëë yë Wintsën m'ënë'ëmxëty mijts naaxwiinyëtë ja'ay, mëti'ipë oyën ets tii y'ëwxijtypyën jeexyë xytyuny: oy winë xypyaye'eyëty, mëtëy mja'ay'atëty ets mwinkutsë'ëkëp, yu'unk naxym ja Tios xymyëtunëty.

Números 11:25

Ënät ja Tios ojts jatëkok jap kyëtä'äky yootsjoty ets mëët ja Moisés myëtyäky. Ojts tpëky wäänë ja mëk'ajtën oyajtën ma ja Moisésën ets tmooy jä'ä ja mëjja'aytyëjkëty ja nitëkë'px majkpë. Ko ojts ja mëk'ajtën oyajtën tyukja'tëtë ja mëjja'aytyëjkëty, ënät tyëjkëtyë mëtyakpë tä jeexyë kyäjpxynyajxpë'atën. Je'eyë jëtu'un ets ka'ap ojts ok y'ëkkajpxnëtë.

Números 11:29

E yë Moisés tyaa y'ëtsooy: ¿Tii xynyi'äjkëpësë? Ëjts ni'ikyës ntsoky ets jeexyë yë Tios tmooytyä'äy yë myëk'ajtën yë nyaax kyajpn ets tëkokyë y'awinpijta'atë käjpxynyajxpë.

Marcos 15:43

tääts ja José myiiny, Arimatea ja'ay; tu'uk ja tsajptëkotyëtë yajjuntë'ajtpë mëti'ipë wintsë'ëkë ijtpën, yë'ë ënäty jyëjp'ijxyp ko myina'any ja Tios ja kyutujkën, ënät ojts nyijkx amëk jotmëk ma ja Pilato ets t'amëtooy ja Jesús ja nyi'kx kyopk.

Lucas 1:41

Ko ja Isabel tmëtooy ja Maria kyajpxpo'kxyë, tää ojts ja y'u'unk tjawë y'ëti'itsy jyootjoty ets ja Isabel ja Kënu'kxymyëkajtën ojts tyukëtä'äkyë.

Lucas 1:6

Nimäjtskëty oy ijty yë Tios tmëtuntë, pyatuuntëp ja Wintsën ja y'ënä'ämën ets ka'ap tii poky tmëët'atë.

Lucas 1:67

Tääts ja Zacarías ja Tios yajkajpxë ko ja Kënu'kxymyëkajtën tyuktëjkëyë, ets y'ënäny jëtu'un tä tu'uk ja käjpxynyajxpën:

Lucas 2:38

Tääts ja Aná nän jää jyä'äjty ets ja Tios tkukajpxëy ets ojts tnikäjpxy tnimëtyä'äky ja mëxu'unk Jesús, ma ja ja'ayëtyën mëti'ipë jyëjp'ijxtëpën ets ja jerusalén kajpn y'ëwaatsëpëtsëmëty.

Hechos 10:2

Xëmë ja Cornelio ijty twintsë'ëkë ja Tios, näjyëtu'un mëti'ipë tsënaaytyëpën jam ma tyëjkën, pyutëjkëp ijty ja ja'ay mëët ja wit meeny ko pën kyaka'ajtxëty ets xëmë tja'amyetsy ja Tios.

Hechos 10:22

Tää ja kukäjpxy y'ëtsoowtë: Ja tsiptuunpë wintsën Cornelio, yë'ëjës xykyäjxtëp. Oy ets mëtëy jyuuky'äty ets wyintsë'këp ja Tios, oyjya'awëyëp ets tsojkëtëp ja jutiis ja'ayëty. Tu'uk ja Tios ja y'anklës të nyë'ëmxëty ets mijts myajwowëty ets nja'amëty ma ja Cornelio ja tyëjkën ets xytyuk'ëwaanëty mëti'ipë mkajpxäämpyën.

Hechos 2:5

Nimay ënäty ja jutiis ja'ay të myintë Tios ëwtajtpë jam Jerusalén mëti'ipë tso'ontëpën wiink naax wiink kajpn.

Hechos 24:16

Paatyës jëtu'un ntuny etsës ja Tios oy mëët nyajpaatëty, näjyëtu'un mëët ja naaxwiinyëtë ja'ay.

Deuteronomio 18:15

Yë mWintsën Tiosëty yë'ë yaj'itäämpy ma miitsëtyën tu'uk yë käjpxynyajxpë tä ëjtsën ets yë'ë mmëmëtowtëp.

2 Pedro 1:21

Jä'ä ko ka'ap ja kyäjpxynyajxpëtëjk ojts yë'ë tnikajpxtë mëti'ipë kë'ëm myääytyëp tyajtëpën, kënu'kxymyëk'ajtën ojts winma'any myo'ojëtë.