Lucas 19:42 - Biblia Mixe de Quetzaltepec

⁴² ets y'ënäny: Jëtu'unpëk jeexyë ya'atë xëëw xyjyä'äkyukë ko mjayajtukniminy ja jotkujk'ajtën. Je'eyëp ko ka'ap jyëtu'unëty, yu'utsy yajpaaty ma mijtsën ets ka'ap xy'ijxpaatëty.

Biblia Dc en Mixe de Quetzaltepec

⁴² ets y'ënäny: Jëtu'unpëk jeexyë ya'atë xëëw xyjyä'äkyukë ko mjayajtukniminy ja jotkujk'ajtën. Je'eyëp ko ka'ap jyëtu'unëty, yu'utsy yajpaaty ma mijtsën ets ka'ap xy'ijxpaatëty.

Lucas 19:42 ပူးပေါင်းရင်းမြစ်များ

Deuteronomio 32:29

Kooxyëp jeexyë y'ëkwijy'atë ets oy winë tmëmay tmëtajtë; wyinja'awëtyëp jeexyë ma jya'ta'antën ma ka'ap oy jyuuky'atëtyën.

Hebreos 3:15

Ijxtëm y'ënä'änyën: Pën mmëtoowtëp tyam ja Tios ja y'aaw y'ayuk, këtii ja mjot mwinma'any juun xypyëjkta'aktëty ijxtëm y'ëtëtstën ja m'aptëjkëty ko ja Tios tukjoot'anpëjktë.

Isaías 48:18

Tëë jeexyë xyjyä'äkyukë mëti'ipë të ntuk'ëne'emyën. Tam jeexyë wyimpäjt'ëtë'ëtsy ja mjuukyajtën, ets ni'ikyë jeexyë jotkujk myajpatnë,

Hechos 10:36

Tios ojts tmëkäjpxy ja Israel ja'ay ja y'u'unk y'okëty, tuk'ëwaanë ja jotkujk'ajtën mëët ja Jesukristë, ko yë'ë nyiwintsën'ajtääpy winë.

Isaías 55:6

Ixta'atë ja Wintsën tyam ma tjëkyepyën wi'ix yajpaatëtyën, mëkajpxtë ma tyam winkon yajpaatyën.

Hebreos 3:13

Näjyjyotmëkmo'ojëtë nixim niyam winjëpom naam jaakjäänëm ja xëëw, mëti'ipë nyikäjpxypën ja Tios ja y'aaw y'ayuk, këtiipë pën yajwin'ëënëty ets juun ja y'aaw jyot tpëjkta'akëty.

Lucas 19:44

ets myajkutëkoyëtëty. Nëjkxëp tyaj'ooktë ja mja'ay, jyijta'ajantëp ja mpotsy, jä'ä ko ka'ap ojts xymyëjpëjkta'aktë ja Tios ko mjanimiinëtë.

Hechos 13:46

Ënät ja Pablo ets ja Bernabé ojts ja ja'ay amëk jotmëk tmëkajpxtë ets t'ënëmaaytyë: Israel ja'ayëty, kopkpëky ets miits ja Tios ja y'aaw y'ayuk jëwyiin myajtuk'ëwaanëtëty, jä'ä ko miits mjutiis'atë; e miitsëty ka'ap xykyupëktë ets ka'ap mnätyukmë'a'ixëtë ja juukyajtën xëmëkyëjxmëpë. Nikë oy ëëts nëjkxëty wiink kajpn ma ja ja'ayëtyën ka'apë jyutiis'atën.

Ezequiel 33:11

E ëjts Wintsën, njuukyajtënës yam ntukkajpxpejtyp ko ëjts ka'apës ntsoky ets ëxëëk ja'ay y'ookëty, yë'ëjës ntsojkpy ets jyuukyajtën tyajtëkatstëty ets jyuuky'atëty. Miitsëty Israel ja'ayëty ëxmatstë tääpë ëxëëk juukyajtën. ¿Tii ko m'ooktëty?

Isaías 44:18

Tääpë ja'ayëty ka'ap tnijawëtë, ka'ap tja'akyukëtë; wiints yajpaatë, ka'ap tii t'ixtë, ninu'un kyamay kyatajtë paaty ka'ap jyä'äkyukëtë.

Hebreos 3:7

Paaty, ijxtëm y'ënä'änyën ja Kënu'kxymyëkajtën: Pën tyam mmëtoow'ijtëp wi'ix ja Tios y'ënä'änyën,

Salmos 81:13

Koos jeexyë yë nnaax nkajpn të xymyëmëtoy ets ko jeexyë Israel kajpn të tpanëjkxy yë nnë'ë ntu'ujës,

Salmos 32:6

Paaty ko ënäty jyääjëty yë monyëtukyë, yë wa'ats ja'aytyëjkëty jää mëkajpxa'anëtë, e oyts ënäty jënu'un yë nëë jyanëje'etsy jyayujkje'etsy ka'ap nëjkx jam jyä'ty ma yë'ëjëtyën.

Deuteronomio 5:29

Jëtu'un jeexyë xëmë myäytyë tyajtë etsës jeexyë xywyinkutsë'ëkëtë ets tpatuntëty yë n'ënä'ämënës ntëyajtënës winjëpom, ko jeexyë y'ëkjëtu'un'aty janty jotkujk jeexyë jyuuky'atë winë xëëw winë jëmëjt ets näjyëtu'un ja y'u'unk y'ëna'këty.

Jeremias 13:17

Pën miitsëty ka'ap mja'akyukëtë, je'eyës një'ëja'any nya'axa'any ame'tsyë mëëtkyëjxm ja m'amëj'ajt m'akëjxm'ajtënëty; nwiinnëëjës je'eyë ka'ajaanp koos ënäty n'ixy ntuny wi'ix ja Wintsën ja nyaax kyajpn yajmënëjkxyën tsumy matsy wiink naax wiink kajpn.

Lucas 19:41

Ko t'ijxpaty ja Jerusalén kajpn jam winkon, tääts ja Jesús niyäxy,

Lucas 19:43

Pyaatäämpy ja xëëw ko ja mmëtsip myajnatukëtëty na'ëwtity,