Lucas 18:9 - Biblia Mixe de Quetzaltepec

⁹ Ënät ja Jesús ojts nimëtyä'äky tu'uk ja ijxpäjtën ets tuk'ëwaanëja'any ja ja'ay mëti'ipë pyäjxtëpën ja wiinkëtypë ja myëku'uk ets nyäyjyawëtë ko oy tmëtuntë ja Tios:

Biblia Dc en Mixe de Quetzaltepec

⁹ Ënet ja Jesús ojts nimëtyä'äky tu'uk ja ijxpäjtën ets tuk'ëwaanëja'any ja ja'ay mëti'ipë pyäjxtëpën ja wiinkëtypë ja myëku'uk ets nyäyjyawëtë ko oy tmëtuntë ja Dios:

Lucas 18:9 ပူးပေါင်းရင်းမြစ်များ

Lucas 16:15

Ënät ja Jesús y'ënëmaayëtë: Miits win'ë'ëmpëtëjkëty, wa'ats mnäyajnaxëtë ma ja ja'ayëtyën, e ja Tios nyija'ap ko y'ëxëëkëty ja mjot mwinma'anyëty; jä'ä ko mëti'ipë ja ja'ay myëjpëjktaktëpën, Tios y'ëxëëk'ijxyp yë'ë.

Proverbios 30:12

Tää ja'ay mëti'ipë wa'ats näyajnajxëpën, ets ka'ap jyot wyinma'any y'oyëty.

Isaías 65:5

Ets y'ëna'antë: Jääyë ëwxit, këtiis nëkoo xytyony; ëjts kënu'kxyës mëj këjää, ka'ap tjëkyepy nëkoo xytyonëtyës. Tääpë ja'ayëty jëtu'un tä jëënën tu'kxëëwpë yeenyën; je'eyës xyajja'antyixy koos xyjyëjp kujokë.

Romanos 10:3

Jä'ä ko ka'ap tja'akyyukëtë ko Tios yë'ë ja'ay yajnajxyp wa'ats, e yë'ëjëty kë'ëm tyäty nyäyajnaxa'anëtë wa'ats, ets jëtu'un ka'ap ja Tios tmëmëtowa'antë.

Romanos 14:10

¿E tii ko mijts ja mmëku'uk xynyi'ojë? ¿Ëkë tii ko xywiink'ixy? Ni'ëmukë ëëts nëjkx nwa'këxë'këmë Tios wyintum ets yë'ë nëjkx xypyaye'eyëmë.

Lucas 7:39

Ko ja fariseë ojts jëtu'un t'ixy ja mëti'ipë ënäty të wyoyën ja Jesús kääpyë, jëtu'un myäy tyäjy: Ko jeexyë ya'atë ja'ay Tios kyäjpxynyajxpë'atyë, tëë jeexyë tnijawë wi'ix ya'atë to'oxytyëjk jyä'äy'ätyën mëti'ipë toonëp majtsëpën, yë'ë pokyjyä'äy yë'ë.

Romanos 7:9

Juuky'ajtpës ijty ko ja ënä'ämën nkanijawës; e koos nnija'awëy ja ënä'ämën, ënät ja poky ja myëk'ajtën tpëjky,

Lucas 19:7

Ko jëtu'un t'ijxtë, ënätyë tyëjkëtyë kajpxpë ets ni'ojëtë ja Jesús, ko të jyajtä'äky ma ja pokyjyä'äy ja tyëjkën.

Lucas 18:11

Ja fariseë ja'ay, tënääpy ja Tios tmëkäjpxy ets në'ix pa'at'ix, jëtu'un y'ënä'äny: Tios Teety, mijts yam nkukajpxëp ko ka'apës njëtu'unëty ijxtëm yë ja'ayëtyën, mëti'ipë mä'tstëpën, mëti'ipë ëxëëk ja'ay'ajtëpën, mëti'ipë ka'ap ja nyiye'etyëjk ëkë ja nyito'oxytyëjk twintsë'ëkën; ets ka'ap njëtu'unëtyës ijxtëm xiipë yajkukëpäjtpën.

Hechos 22:21

Täätsës ja Wintsën xynyëmaay: Nëjkx, jam mijts nkäxa'any jëkäm ma ja ja'ay ka'apë jyutiis'atën.

Juan 9:34

Ënät t'ënëmaaytyë: Mijts pokyjoty të mëxu'unk'aty, ¿ka'ap tjëkyepy xyaj'ijxpëktëtyës? Ets t'ixkäjxtë jap tsajptëkoty.

Juan 9:28

Tääts ojts t'ojtë mëti'ipë ijty wiintsën: Jä'ä ko mijts ya'atë ja'ay mpanëjkxyp; e ëëtsëty Moisés npanëjkxtëpës.

Juan 8:48

Ënät ja jutiis ja'ayëty t'ënëmaaytyë ja Jesús: Tëyës n'ëna'antë ko mijts msamaariëtë ja'ay ets ko mijts ku'oypyë mmëët'ajtyp.

Lucas 15:2

Paaty ja fariseë ja'ayëty ets ja tsajptëkotyëtë yaj'ijxpëjkpë wiink ijty t'ixtë ets y'ëna'antë: Ya'atë Jesús aakyë'ë pokyjä'äytyëjk mëët ye'eymyuky nyajxmuky ets tmëëtkay tmëët'uuky.

Lucas 10:29

E ja tsajptëkotyëtë yaj'ijxpëjkpë mëj nyäyajnaxa'anyë paaty tjaaktimyajtëëy ja Jesús: ¿E pën jëtu'un nmëku'uk'ajtypës?

Isaías 66:5

Mëtoow'itë ja Wintsën ja y'aaw y'ayuk, miitsëty ninu'un xymyëj'ix xymyëjpëjkta'aktën ja y'aaw y'ayuk. Tä naakën mjëëky mmëku'ukëty mëti'ipë mwiink'ijxëtëpën, mëti'ipë m'ixjëtijt mpajëtijtëtëpën ko xykyajpxpaatë yë nxëëwës ets y'ëna'antë: Wä'än yë Wintsën tyaj'ixyë yë myëj'ajt y'oyajtën; n'ixantëpës. Je'eyëp ko yë'ëjëty nëxi'iky tukxi'iky wyë'ëma'antë.

Romanos 14:3

Pën jyi'kxyp oytyiijëty, ka'ap tpäxëty mëti'ipë ka'ap oytyiijëty tjë'kxyën; ets pën ka'ap oytyiijëty tjë'kxyën, ka'ap tpäxëty pën jyi'kxyp oytyiijëty, jä'ä ko tëë ja Tios kyupëkyë.

Levitico 13:32

Kom wëxtujk xëëw ja teety t'ixëty ja pa'amja'ay, pën ja pa'amja'ay ka'ap ja pyu'uts të kyëjääjë ets ka'ap ja waay y'akëxë'ëkë pu'uts ets ka'ap nëkooyë të kyëktëkë.