Lucas 18:19 - Biblia Mixe de Quetzaltepec

¹⁹ Ënät ja Jesús y'ëtsooy: ¿Tii ko m'ëna'any ko oy yaj'ijxpëjkpë ëjts? Tios yi'iyë tu'uk oy, ka'ap pën wiinkpë.

Biblia Dc en Mixe de Quetzaltepec

¹⁹ Ënet ja Jesús y'ëtsooy: ¿Tii ko m'ëna'any ko oy yaj'ijxpëjkpë ëjts? Dios yi'iyë tu'uk oy, ka'ap pën wiinkpë.

Lucas 18:19 ပူးပေါင်းရင်းမြစ်များ

Santiago 1:17

tu'kë'ëyë mëti'ipë oyën ets wa'atsën, këjxm yë tsyoony, Tios yë yäjkpy, ja Tios mëti'ipë pyëjktakën winë jam tsajpwinm mëti'ipë ajajp atë'kxpën. Yë Tios ka'ap tyëkatsy, nän yi'iyëm xëmë, ma yë'ëjën ka'ap tii tyëkatsy ets ka'ap tii y'akootsë.

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënäty nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

Job 25:4

¿Paaty, wä'än jëtää tu'uk yë naaxwiinyëtë ja'ay wa'ats nyaxëty Tios wintumë?

Job 14:4

Ni pën tkayajpëtsëmëty yë wa'atspë ma mëti'ipë ëxëëkën.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Tios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

Lucas 11:13

Oy miits ëxëëk mjaja'ay'atë, mjajtëp ja m'u'unk xymyo'otëty mëti'ipë oyën, ets wi'ix ja mteety tsajpjotmëpë tkamo'ojëty ja Kënu'kxymyëkajtën mëti'ipë amëtoowëpën.

Lucas 1:35

Tääts ja tsajpjotmëtë kukäjpxy y'ëtsooy: Minaanp ja Kënu'kxymyëkajtën ma mijtsën, Tios ni'ik këjxmëpë myëk'ajtën myajnitukëtëp ijxtëm tu'uk ja yootsën, paaty ya'atë mëxu'unk mëti'ipë minaanp ja'taanpën, wa'ats yë'ë, Tios U'unk yë'ë.

Lucas 18:18

Tääts ja Jesús tu'uk ja kutuunk y'ënëmaayë: Oy yaj'ijxpëjkpë, ¿tiis ntunëp etsës npaatëty ja juukyajtën xëmëkyëjxmëpë?

Lucas 18:20

Mnija'ap ja Tios ja y'ënä'ämën mëti'ipë ënaanpën: ka'ap xyajtëkoyëty ja nyiwintsë'kën ja pëjkën ukën, ka'ap myajja'ay'ookëty, ka'ap mmäätsëty, ka'ap m'anta'akëty ets wintsë'ëkë ja mtaak mteety.