Lucas 18:16 - Biblia Mixe de Quetzaltepec

¹⁶ Ënät ja Jesús ja pi'k ëna'k tyaxëy ets y'ënäny: Wä'än yë pi'k ëna'k xynyimintës, këtii xy'ëtuktë, jä'ä ko yë'ë jëtu'unpë ja Tios kyutujkën jyä'ä'ajtëtëp.

Biblia Dc en Mixe de Quetzaltepec

¹⁶ Ënet ja Jesús ja pi'k ëna'k tyaxëy ets y'ënäny: Wä'än yë pi'k ëna'k xynyimintës, këtii xy'ëtuktë, jä'ä ko yë'ë jëtu'unpë ja Dios kyutujkën jyä'ä'ajtëtëp.

Lucas 18:16 ပူးပေါင်းရင်းမြစ်များ

Génesis 21:4

Ojts natsujk'ëwtijtë ja ye'etyëjk'ajtën kom tuktujk xëëw ma ënäty të myinyën naaxwiiny, jëtu'un ijxtëm yë Tios ënäty të tni'ënä'ämën.

2 Crónicas 20:13

Ja mayjyä'äyëty mëti'ipë jam tso'ontëpën ma Judá y'itjotmën aak tänë ënäty jam yajpaatë Tios wintum, tam ja to'oxytyëjkëty, mëët yë y'u'unk y'ëna'këty ets mëxu'unktëjkëty.

Jeremias 32:39

Ëjts kë'ëm nyajkutukäämpy ets yi'iyë tmëmay tmëtajtëty wi'ixës xyajmëjnaxtëtyën ets oy jyuuky'atëty, näjyëtu'un yë y'u'unk y'okëty.

Mateo 19:14

Ënät ja Jesús y'ënëmaayëtë: Ixmatstë yë pi'k ëna'k, wä'änës xynyimintë, këtii xy'ëtuktëty, jä'ä ko yë'ë jëtu'unpë tä pi'k ëna'kën ja tsajpjotmëpë kutujkën jyä'ä'atantëp.

Lucas 18:15

Tääts ja Jesús yajtuknimiiny ja pi'k ëna'k ets tkë'ënixajëty. Ko ja y'ijxpëjkpëtëjk t'ijxtë ets ojts twinkukajpxëtë ja ja'ay mëti'ipë ja pi'k ëna'k wyoowmiintëpën.

Lucas 18:17

Tëy miits nëëmëtë, pën ja Tios ja kyutujkën ka'ap tkupëjkë ijxtëm ja pi'k ëna'kën, nijëna'a kyatëkëty ma Tios yë kyutujktaknën.

Hechos 2:39

Miits yë Tios të mtukwinwanëtë mëët yë m'u'unk m'ëna'këty ets jënu'un yë naaxwiinyëtë ja'ay mëti'ipë jëkämpaat tsënaaytyëpën, ni'ëmukë mëti'ipë ja Wintsën wyinwitsäämpyën.

1 Corintios 14:20

Mëku'uktëjkëty, këtii mmaytyëty mtajtëty ijxtëm ja pi'k ëna'kën. Jëtu'un tä pi'k ëna'kën mnäyajnaxëtëty ma ja ëxëëkpën, je'eyëp ko mëmay mëtajtë winë yajxon ets xyaj'ixëtëty ko mëj ja'ay'ajnëtë.

1 Corintios 7:14

Ja ye'etyëjk mëti'ipë ja Jesukristë ka'ap tmëpëkyën, kënu'kxëtëp ja Tios ko ja tyo'oxytyëjk mëpëjkp; ets ja to'oxytyëjk mëti'ipë ja Jesukristë ka'ap tmëpëkyën, kënu'kxëtëp ja Tios ko ja nyiye'etyëjk mëpëjkp. Pën ka'ap jyëtu'unëty, jëtu'un jeexyë ja m'u'unk m'ëna'k y'itë ijxtëm mëti'ipë tyaak tyeety kamëpëjktëpën; je'eyëp ko ja m'u'unk m'ëna'këty, Tios ja kënu'kxëtëp.

Deuteronomio 29:11

ja mëjja'ay mutskja'ayëty, yä'äy to'oxyëty, jaaypyaat jaaypyo'kxyëty, mëti'ipë yajpatëpën ma miits yë mnaax mkajpnëtyën ets mëti'ipë tyuunk'ajtëpën ja nija'axk ets nëë nikoonk nëë niwijtsk.

Deuteronomio 31:12

Ënät nëjkx myiinta'atë ja'ayëty mëjja'ay mutskja'ay, yä'äy to'oxy ets jaaypyaat jaaypyo'kxy, mëti'ipë tsënaaytyëpën ma miitsëtyën ets tmëtoow'itëty ja ënä'ämën jëtu'un tnijawëtëty wi'ix twinkutsë'ëkëtëty ja Wintsën ets tuntëty winë tä ja ënä'ämën myinyën këxja'ay.

1 Pedro 2:2

Tsoktë ja Tios ja y'aaw y'ayuk, ijxtëm ja mëxu'unk janaam tsyi'itsyën ets miits mwinpäjt'ëtë'ëtstëty ma ja Tios ja nyë'ë tyu'ujën ets jëtu'un ja nitsokën xypaatëty,