Lucas 18:12 - Biblia Mixe de Quetzaltepec

¹² Ëjts mäjtsk okës n'ayuu'aty tu'ukpë sëmaan, nmoopy xëmë ja nkëpäjtënës, tu'kpëkyës xëmë njëpëky ma ja majk pëkpyën mëti'ipës npatyp n'ijxypyën.

Biblia Dc en Mixe de Quetzaltepec

¹² Ëjts mäjtsk okës n'ayuu'aty tu'ukpë sëmaan, nmoopy xëmë ja nkëpäjtënës, tu'kpëkyës xëmë njëpëky ma ja majk pëkpyën mëti'ipës npatyp n'ijxypyën.

Lucas 18:12 ပူးပေါင်းရင်းမြစ်များ

2 Reyes 10:16

Jam t'ënëmaay: Pajamyëët'ajtkës ets xy'ixëty wi'ixës mëk ni'ekyën yë Wintsën. Jëtu'un ojts nyëjkxtë jap pujxnwintëkäämpëjoty.

Isaías 1:15

Ko mkë'ë xyajjë'ëktë ets mkajpxta'aktë, ëjts jëkämës nnas'ixë; oy jënu'un mkajpxta'aktëty kanaak ok, ëjts ka'apës nmëtoy; jä'ä ko miitsëty ujts ja mkë'ë m'aawëty mëët ja jot ne'pyny.

Malaquías 3:8

E ëjts tyam nyajtëyës: ¿Wä'än jëtää tu'uk yë naaxwiinyëtë ja'ay tpëjkëty winë Tiosë? Miitsëty tëëjës xypyëjkëtë mëti'ipës xypyatpën. Ets ni'ikyë mjaak timy'ëna'antë: ¿Tii të npëjkëtë? Yë'ëjës të xypyëjkëtë ma yajyäkyën tu'kpëky ja majk pëkpyë ets mëti'ipë yaj'ayajk yaj'ako'onëpën.

Números 18:24

Yë'ëjës të nmo'otë mëti'ipës xymyooytyëpën yë Israel ja'ayëty ma tu'kpëky yajëpëkyën ja majk pëkpyë. Patyës të n'ënëëmëtë ko ka'ap tmëët'atëty nyaax kyamëty ma Israel ja'ayëty it naaxwiinyëtë tnitänëtën.

Números 23:4

Ma ojts ja Tios mëët nyäpyäätyë ets t'ënëmaay: Tëës nyaj'oyë wëxtujk yë potsy ma mijts të ntukwintsë'ëkën tu'ukjaty yë tsajpkaa ets tu'ukjaty yë kupixyny ayääkë ma tu'ukjaty yë potsyën ma ja wintsë'kën yajyäkyën.

Mateo 5:20

Tëy miits nëëmëtë, pën ka'ap wäänëni'ik ja Tios xymyëmëtowtë këtiinëm ja tsajptëkotyëtë yaj'ijxpëjkpë ets ja fariseë ja'ayëty, nijëna'a miits mkatëkëtëty ma ja tsajpjotmëpë kutujkënën.

Mateo 6:1

Ko yë mmëku'uk xypyutëkëty ijxtëm pyaat'atyën, ka'ap nikëxë'ëky tii xytyuntëty ets ja'ay t'ixtëty. Ko nikëxë'ëky tii xytyuntëty, ka'ap ja mTeetyëty tsajpjotmëpë mmo'ojëtëty ja kuma'ayën.

Mateo 6:16

Ko miits m'ayuu'atëty, ka'ap ja mwiin mjëjp xypyëjkta'aktëty yaj'ëyow yaj'ama'at, ijxtëm y'ëtë'ëtstën mëti'ipë oyjyä'äy nätyijëtëp ets ja ja'ay y'ixëtëty ko y'ayuu'atë. Tëy miits n'ënëëmëtë ko yi'iyë kyuma'ayën'atantëp.

Mateo 6:5

Ko miits ja Tios xymyëkajpxtëty, ka'ap jëtu'un m'ëtë'ëtstëty ijxtëm mëti'ipë oyjyä'äy nätyijëtëp, tsyojktëp ets ja Tios tmëkajpxtëty tënääpy tsajptëkoty, në'ëjoty tu'ujoty, ets ja ja'ay y'ixëtëty. Tëy miits n'ënëëmëtë ko yi'iyë jëtu'un kyuma'ayën'atantëp.

Mateo 9:14

Ënät ja Juan Yajnëëpäjtpë ja y'ijxpëjkpëtëjk myiintë ma ja Jesús ets tyajtëëwtë: Ëëtsëty ets ja fariseë ja'ayëty ayuu'ajtëpës mëk. ¿Tii ko yë m'ijxpëjkpëtëjk ka'ap y'ayuu'atë?

Lucas 11:42

Miits fariseë ja'ayëty mon tuk myajpaatë, ko tu'pëky xyjyajëpëktë ma ja majk pëkpyën ets ja Tios xyjyatukwintsë'ëkëtë; tä ja menta, rudë ets wiinkëtypë aay ujts mëti'ipë tojkx tsooy'ajtpën; je'eyëp ko ka'ap xymyëjpëjkta'aktë ja mëtëypyë ja nipaye'eyën ets ja Tios ja tsyojkën jya'awën.

Lucas 17:10

Näyjyëtu'un miits ja Tios xymyëtuntëty, ko xytyuunta'atëty pën tii mtuk'ënä'ämëtëp ets xy'ënëëmëtëty ka'apës tii të ntuntë, yi'iyës të ntuntë mëti'ipës të nyajtuk'ënä'ämtën.

Romanos 3:27

¿Ko jëtu'un, maa ja ja'ay ja myëj'ajt kyëjxm'ajtën nyatunëty Tios wintum? Tëkooytyääpy jä'ä. ¿E tii ko? Jä'ä ko mëpëjkën mëët ja ja'ay oy wyë'ëmtë Tios wintum ets ka'ap yë'ëkyëjxmëty ko tpatuntë ja ënä'ämën.

1 Corintios 1:29

jëtu'unts ka'ap pën nyämyëjpëjkta'akëtëty Tios wyintum.

Gálatas 1:14

Ëjts ijty wäänëni'ik npatuumpy ja jutiis ja'ayëty ja y'ijxpëjkënëty këtiinëm ja nmëtu'knaxës; ni'ik ijty ëjts npatuna'anyës ja aptëjk ja wyinma'anyëty.

Efesios 2:9

Ka'ap yë'ëkyëjxmëty ko tii ntu'unëmë, këtiipë pën tii nyätyukmëjjawëtëty.

1 Timoteo 4:8

Oy ja ni'kx kopk tjatuk'oy'äty ko näwyo'on näpyojtëmëty, ja pa'ëyo'ow najts'ëyo'owën ni'ik tyuny oymyaajëty, jä'ä ko yë'ë nyimëtyäkpy yë juukyajtën tyampë ets mëti'ipë miimp wiinkoonpën.

1 Samuel 15:13

Tä ja Samuel jam tsyo'ony ets ojts nyijkxy, jam ma ja Saúl ënäty yajpaatyën ets y'ënëmaayë: Yë Wintsën mkënu'kxëtëp. Tëës npatuny tä ja Wintsën të tni'ënä'ämën.