Lucas 17:3 - Biblia Mixe de Quetzaltepec

³ Näkyëwent'atëtë. Pën pokytyuunp ja mëku'uk, tuk'oj; pën yaj'o'oyëp ja jyuukyajtën pokymyä'kx.

Biblia Dc en Mixe de Quetzaltepec

³ Näkyëwent'atëtë. Pën pokytyuunp ja mëku'uk, tuk'oj; pën yaj'o'oyëp ja jyuukyajtën pokymyä'kx.

Lucas 17:3 ပူးပေါင်းရင်းမြစ်များ

Salmos 141:5

Mëyajtën ënäty tu'uk yë oyjyä'äy tyuunpy koos xytyukkumëtowëty maas tii oy nkatunyën, jëtu'unës njawëty tä tu'uk yë on pya'akxuukyën koos xy'ojëty ka'apës jëtu'unpë nwiinkjawëja'any oy mëk njamëtowëtyës ëjts je'eyëmës Tios nmëkajpxa'any.

Éxodo 34:12

Nitii aaw nitii ayuk mëët tääpë ja'ayëty xykyamëët'atëty mëti'ipë jam tsënaaytyëpën ma mnëjkxtën, këtiipë ëxëëktum myajka'ajëtëty.

Proverbios 17:10

Mëti'ipë ja'ay ja'akyujkëpën y'oyjya'ap ko tii yajtuk'ënëëmë ko tii oy tkatuny; e mëti'ipë ja'ay ka'ap jyä'äkyukën oy jënu'un yajwopëty, ka'ap jyä'äkyukë.

Proverbios 27:5

Ni'ik y'oypyëtsimy ko ja'ay ënätyë myëku'uk tukmëkäjpxy mëti'ipë oy kyatuumpyën, ets këtii ko wiinkë'ëy akë'ëy je'eyëm t'oyjyawë.

Proverbios 9:8

Oj yë ëxëëk ja'ay, ets xy'ixëty pën këtii m'ëk mëtsiptsoonyë. Tuk'ënëëmë yë ja'ay wijypyë kujkpë ma ka'ap tii oy tunyën, ets xy'ixëty pën ka'ap m'ëk oyjyawëty.

Levitico 19:17

Këtii je'eyë tu'kmox xymyëët'atëty yë näy'ëxëëk'ixë näkya'oy'ixë ma mjëëky mëku'ukën. Mtuk'ënëëmëp ja mëku'uk ma pyäätyën ko tii tuuntëkoy tkajpxtëkoyëty.

Mateo 18:21

Tääts ja Pedro ojts tninëjkxy ja Jesús ets tyajtëëy: Wintsën, ¿jënaak okës ja nmëku'uk nmëmä'kxtukëty koos xymyëtëkoyëty? ¿Wëxtujk okë?

Lucas 21:34

Näkyëwent'atëtë, këtii xy'atsoktëty ja nëë ju'uky, këtii m'uuktëty mu'ukëtëty, këtii yë'ë xymyëmay xymyëtajtëty ja naaxwiinyëtë naaxkëjxypyë yajtukjuuky'ätyën, këtiipë ja ëyo'on ajotkumonë mtukja'tëtëty,

Efesios 5:15

Paaty nëëmëtë niwijy nikejy winë xytyuntëty. Ka'ap jëtu'un mjuuky'atëty tä tsuuja'ayën, wijy kejy myajpaattëty.

Deuteronomio 4:15

Jä'ä xëëw ma ojts ja Wintsën mëkajpxëtën jëën'akujky jam kopkkëjxm ma txëëwatyën Horeb, ka'ap nitii xy'ijxtë, paaty mëk mnäkyëwent'atëtëty.

Deuteronomio 4:23

E yë'ë tëy ijxkëm xyjyä'äytyëkoytyë ja Wintsën ja kyäjpxytyu'unën, mëti'ipë yë'ë të tunyën mëët miitsëty. Nitii xykyayajnikojtu'utëty mëti'ipë yë Tios ka'ap t'ëwa'atsyën.

Deuteronomio 4:9

E paaty yam miits n'ënëëmëtë, ko yë'ë xëmë mja'amyätstëp, mëti'ipë yam të xy'ixtën. Nijëna'a xykyaja'atyëkoytyëty. Ni'ikyë nëjkx ja m'u'unk m'ëna'k xytyuk'ëwaanëtë ets m'ok'u'unk m'ok'ëna'këty.

Hebreos 12:15

Nämyëjotëkoyëtë këtiipë pën tyëkoy'ajtxëtëty ja Tios ja tsyojkën jya'awën. Nitu'uk mka'itëty ijxtëm ja ta'am ujtsën mëti'ipë pa'amtuunpën ets mayjyä'äy tukpaaty.

Santiago 5:19

Mëku'uktëjkëty, pën jam ma miitsëtyën nitu'uk ja mëku'ukëty nyë'ëtëkoy tyu'utëkoy ets jam pën ja wiinkpë mëti'ipë wyijtswinpijtypyën,

2 Juan 1:8

Näkyëwent'atëtë, këtiipë y'atëkoyëty ja ijxpëjkën mëti'ipë miits të myajtuk'ijxpëktën ets kä'pxy myajkumaytyëty.