Lucas 17:20 - Biblia Mixe de Quetzaltepec

²⁰ Ojts ja fariseë ja'ayëty tyajtëwtë ja Jesús pën jëna'a ja Tios ja kyutujkën myina'any. Tääts ja Jesús y'ëtsoowëtë: Yë Tios yë kyutujkën ka'ap may yë ja'ay t'ixy.

Biblia Dc en Mixe de Quetzaltepec

²⁰ Ojts ja fariseë ja'ayëty tyajtëwtë ja Jesús pën jëna'a ja Dios ja kyutujkën myina'any. Tääts ja Jesús y'ëtsoowëtë: Yë Dios yë kyutujkën ka'ap may yë ja'ay t'ixy.

Lucas 17:20 ပူးပေါင်းရင်းမြစ်များ

Juan 18:36

Ënät ja Jesús y'ëtsooy: Ka'ap yaajëty naaxwiiny yajpaaty yë nkutujkënës. Ko jeexyë y'ëkyääjëty, ka'ap jeexyë ëjts ja nja'ayës tkupëktë etsës yë jutiis ja'ayëty xymyatstëty; yë nkutujkënës ka'ap yaajëty naaxwiiny yajpaaty.

Lucas 19:11

Tam ënäty ja ja'ay tmëtoow'itë mëti'ipë ja Jesús nyimëtyäkpyën, ënät tu'uk ja ijxpät nimëtyaktso'ony, tim ja'tanëtëp ënäty jam Jerusalén ets ja ja'ay myäytyë tyajtë ko tim wiinkoonp ja Tios ja kyutujkën.

Lucas 16:16

Yë ënä'ämën tëyajtën ets käjpxynyajxpëtëjk jääpaat jyëjpkëxy ma ja Juan Yajnëëpäjtpë jyuuky'äjtyën. Ets tsyo'ontä'äky ja oy aaw oy ayuk mëti'ipë Tios kyutujkën'ajtypyën ets may ja ja'ay jam tyëkëja'antë.

Daniel 2:44

Ma ënäty tääpë yajkutujkpëtëjk y'ënä'ämtën, jää nëjkx yë Tios tpëjktä'äky yë kyutujktakn mëti'ipë ka'ap nijëna'a kyutëkoyën ets yë'ë nëjkx myëjnaxy, nëjkxëp ja wiinkëtypë ja kutujkën tyajkutëkooytyä'äy ets yë'ë xëmëkyëjxm nëjkx y'ity.

Lucas 10:11

Yë'ëpaat yë pu'uxm mëti'ipë jam ma ëëts yë ntekyëtyën nwinxitës ets xymyëwë'ëmtëty ja mpokyëty. E nijawëtë ko winkon ja Tios ja kyutujkën yajpaaty ma miitsëtyën.

Zacarías 4:6

Ets y'ënäny: Jëtu'un ja Wintsën t'ënëmaay ja Zorobabel: Ka'ap yë'ëkyëjxmëty ko may jyääjëty yë tsiptuunpëtëjk ëkë ko ja'ay jyotmëkëty, yë'ë tuunp ëjts yë nmëjaaw nmëk'ajtën, jëtu'un y'ënä'äny yë Wintsën mëti'ipë maaytyääyëpën winë.

Lucas 14:1

Po'kxënxëëwjoty ja Jesús ojts nyijkxy kääpyë ma tu'uk ja fariseë wintsën ja tyëjkën, tam wiinkpë ja fariseë ja'ayëty je'eyë y'ixtë tyuntë.