Lucas 16:9 - Biblia Mixe de Quetzaltepec

⁹ Jëtu'un miits nkajpxwijtë ko ja wit meeny mëti'ipë ka'ap myëtëyëtyën, jam xyajtuntëty ma ja ja'ayëtyën ets xypaatëty ja mëti'ipë m'oyjyawëtëpën; jä'ä ko ënäty ja mwit mmeeny kyëxtë mmëët'atëp pën m'oyjyawëtëpën.

Biblia Dc en Mixe de Quetzaltepec

⁹ Jëtu'un miits nkajpxwijtë ko ja wit meeny mëti'ipë ka'ap myëtëyëtyën, jam xyajtuntëty ma ja ja'ayëtyën ets xypaatëty ja mëti'ipë m'oyjyawëtëpën; jä'ä ko ënety ja mwit mmeeny kyëxtë mmëët'atëp pën m'oyjyawëtëpën.

Lucas 16:9 ပူးပေါင်းရင်းမြစ်များ

Salmos 73:26

Tëkokyës yë njot nwinma'any jëtu'unyë tyëkooytyä'äy, e ëjts Tiosës nkuma'ayën'ajtyp xëmëkyëjxm ets mëti'ipë myajts'ijtypyën yë njot nwinma'anyës.

Proverbios 14:24

Yë wijyjyä'äy yë'ë yajmëjnajxëp yë wyijy'ajtën, e yë tsuuja'ay, yë tsyuuajtën.

Proverbios 19:17

Ko yë ëyoopëja'ay tii ntuk'ënu'kxmëty, Tios ënäty winë yajtuk'ënu'kxp, yë Tios yë'ë nëjkx kë'ëm jëna'a tkujuy ja nu'kxy.

Proverbios 23:5

Pën jap yë mjot mwinma'any mja'akyukëp yë'ë ko kumeeny'ajtk nëkoopë yë'ë, yë wit meeny poj'am yë kyixy, jëtu'un tä yë witsn kyääkjëtityën tu'ktsojkyë.

Eclesiastés 11:1

Yajkay yë ja'ay, mëti'ipë yuu'o'këpën; ko ënäty mijts myu'ookyë nëjkxëp tääpë ja'ay myajkayë.

Isaías 57:16

Ëjts ka'apës xëmë nnaax nkajpn yë pyoky ntukwinmëtowa'any, ets ka'apës xëmë ntukjoot'anpëka'any; këtiipë ja'ay myontëty tyuktëty mëti'ipës të nyajkojyën.

Daniel 4:27

Paaty n'ënëëmë mijts yajkutujkpë ets xypyatunëty tëkokyë mëti'ipë yam ntukwinjawëjäämpyën: mëtëy winë tun ets këtii m'ëk pokytyuunë; ëxmats yë ëxëëktu'un ëxëëk kajpxën ets putëkë yë ëyoopëja'aytyëjk. Jëtu'un jeky mjuuky'atëty ets akujk jotkujk myajpaatëty.

Mateo 19:21

Ets ja Jesús y'ëtsooy: Pën oy mjuuky'ata'any ijxtëm yë Tios tsokyën, nëjkx to'kta'a tu'kë'ëyë tiijaty mmëët'ajtypyën ets xymyo'ojëty yë ëyoopëja'aytyëjk. Jëtu'un ja kuma'ayën xypyaatëty tsajpjotm. Tääts ënät mminëty, etsës xypyatsoonëty.

Mateo 6:19

Ka'ap ja wit meeny xynyipëjkpätëty yaa naaxwiiny, ma winë myä'ätyën ets tyënë'kën ets ma ja mä'tspë tyëkëtën ets myäätstën.

Mateo 6:24

Ka'ap pën myëta'akëty, nimäjtsk ja wintsën tmëtunëty. Jä'ä ko tu'uk nëjkx t'oyjyawë ets tu'uk ka'ap, tu'uk nëjkx tmëjpëjktä'äky ets tu'uk ka'ap. Näyjyëtu'un miitsëty, ka'ap tjëkyepy yë Tios xymyëtuntëty ets näjyëtu'un mkumeeny'atantëpëty.

Lucas 11:41

Putëkëtë ja ëyoopëja'ay ëmuumtu'ukjot ets jëtu'un ja mjot mwinma'any wya'atstëty.

Lucas 12:33

Tooktë tiijaty jam mmëët'ajtëp ets xymyo'otëty yë ëyoopëja'ay; jëtu'un xypaatëty mëti'ipë jam tsajpjotmën, mëti'ipë ka'ap kyixy nyäxyën, ma ka'ap ja mä'tspë tyëkën, ets ka'ap tii waany tyuktëkëty.

Lucas 14:14

Jä'ä ko yë'ëjëty ka'ap myäyëtë tkujuytyëty mëti'ipë ënäty të xymyo'oyën; je'eyëp ko mijts nëjkxëp ja mkuma'ayën xy'ëxajë ko ënäty jyuukpyëktë ja wa'ats ja'ayëty.

Lucas 16:11

Pën ka'ap miits oy xyajtuntë ja wit meeny ka'apë myëtëyëtyën, ¿wi'ix oy xy'ëkyajtuntëty ja mëti'ipë mëtëyën?

Lucas 16:13

Ka'ap tjëkyepy tu'uk ja tuunpë tmëtunëty nimäjtsk ja wintsën; jä'ä ko wä'än jëtää tu'uk oy tmëtunëty ets tu'uk ka'ap oy tmëtunëty; ja mëti'ipë ka'ap oy tmëtunyën jä'ä y'ëxëëk'ixëp e ja mëti'ipë oy myëtuumpyën jä'ä y'oyjyawëp. Paaty näjyëtu'un ka'ap tjëkyepy yajmëtunëty ja Tios ets näjyëtu'un yajmëtuunpëty ja wit meeny.

Lucas 16:4

Tääts wyinma'anypyäty tii tyunäämpyën ets ojts myäy tyäjy: Tëës nnijawë tiis ntunëpën ets wi'ixës ja ja'ay xykyupëktëty tyëkoty koos ja nwintsën ja ntuunk xypyëjkëty.

Hechos 10:31

Ënätës xynyëmaay: Cornelio, tëë ja Tios ja m'aaw m'ayuk tmëtoy, y'ijxyp nyija'ap ko të xyjyä'äymyetsy ets wi'ix ja mëyajtën xytyunyën ma ja ja'ayëtyën xypyutëkën.

Hechos 10:4

Tääts ja Cornelio tsë'ëkë tsë'ëkë twin'ijxpejty ja tsajpjotmëtë kukäjpxy ets t'ëtsooy: ¿Tii?, Wintsën. Tää ja tsajpjotmëtë kukäjpxy y'ënëmaayë: Y'ijxyp nyija'ap yë Tios ko xyjyä'äymyetsy ets wi'ix xypyutëkën ja ëyoopëja'aytyëjkëty.

2 Corintios 4:17

Ja ëyo'on mëti'ipës yaa nmënajx nyajnajxtëpën, ka'ap yë myëjwiin kyëjääjëty, tsojk nyäxy; wäänë mëj ja mëj'ajtën jaanty'ajtën xytyukpatmëty xëmëkyëjxmëpë.

Judas 1:21

Näy'ijx'itëtë näkyëwent'atëtë, näyaj'itëtë mëët ja Tios ja tsyojkën, tyam xyjyëjp'ixtë ja Wintsën Jesukristë, mëti'ipë mëët ja pa'ëyo'owën xymyo'oja'anëmën, ja juukyajtën xëmëkyëjxmëpë.