Lucas 16:16 - Biblia Mixe de Quetzaltepec

¹⁶ Yë ënä'ämën tëyajtën ets käjpxynyajxpëtëjk jääpaat jyëjpkëxy ma ja Juan Yajnëëpäjtpë jyuuky'äjtyën. Ets tsyo'ontä'äky ja oy aaw oy ayuk mëti'ipë Tios kyutujkën'ajtypyën ets may ja ja'ay jam tyëkëja'antë.

Biblia Dc en Mixe de Quetzaltepec

¹⁶ Yë ënä'ämën tëyajtën ets käjpxynyajxpëtëjk jääpaat jyëjpkëxy ma ja Juan Yajnëëpäjtpë jyuuky'äjtyën. Ets tsyo'ontä'äky ja oy aaw oy ayuk mëti'ipë Dios kyutujkën'ajtypyën ets may ja ja'ay jam tyëkëja'antë.

Lucas 16:16 ပူးပေါင်းရင်းမြစ်များ

Mateo 10:7

Ko jam mnëjkxtëty nikajpx nimëtya'aktë ko tää ja tsajpjotmëpë kutujkën wyinkony.

Mateo 15:11

Mëti'ipë aawjoty tëjkëpën ka'ap yë'ëjëty ja'ay yaj'ëxëëkëty; yë'ë tëy mëti'ipë jap aawjoty pëtsëëmpën.

Mateo 21:32

Jä'ä ko të ja Juan Yajnëëpäjtpë mjaniminëtë ets mjayaj'ijxpëkëtë wi'ix ja Tios tsokyën mjuuky'atëty, ets kä'äpyëm të xymyëpëktë mëti'ipë yë yajkukëpäjtpëtëjkëty ets into'oxytyëjkëty ojts tmëpëktën. E miitsëty oy tu'kë'ëyë ya'atë të xyjya'ixtë, kä'äpyëm të xymyëpëktë.

Mateo 3:2

ets y'ënä'äny: Ixmatstë ja mka'oywyinma'anyëty; tää wyinkony ja kutujkën tsajpjotmëpë.

Mateo 4:17

Tääts ja Jesús ojts ëka'any ja tyuunk tyajtso'ontä'äky, tkajpxwä'kxy ja Tios ja y'aaw y'ayuk ets y'ënäny: Wimpitë ma Tiosën, jä'ä ko wiinkoonp ja tsajpjotmëpë kutujkën.

Mateo 4:23

Tääts ja Jesús t'aye'ey ja kajpn Galilea y'itjotm ets yaj'ixpëky ma ja tsajptëjkën maajëty tu'uktu'uk ja kajpnën, tuk'ëwaanë ja ja'ay ja oy aaw oy ayuk ma ja kutujkën tsajpjotmëpë yajnimëtyä'äkyën ets ni'ëmukë ja pa'amja'ay tyajtsoky.

Marcos 1:14

Ko ja Juan ënäty të yajtsumy, ënät ja Jesús tsyo'ony ets ojts nyijkx Galilea y'itjotm. Jamts ojts tkajpxwä'kxy ja oy aaw oy ayuk ma Tios yajnimëtyä'äkyën,

Marcos 1:45

E ja ja'ay ni'ikyë ojts tmëtyaakwä'kxy wi'ix ënäty të tsyo'okyën. Paaty ja Jesús ka'ap oymyaajëty y'ëktëjkënë kajpnjoty, jëkäm jyëtity ma apak itën. Oyjyënu'un jyajëkämëty, ninëjkxëp ja ja'ay, oy tyimmaajëty tsyoontë.

Lucas 10:11

Yë'ëpaat yë pu'uxm mëti'ipë jam ma ëëts yë ntekyëtyën nwinxitës ets xymyëwë'ëmtëty ja mpokyëty. E nijawëtë ko winkon ja Tios ja kyutujkën yajpaaty ma miitsëtyën.

Lucas 10:9

Yajtso'oktë ja pa'amja'ay mëti'ipë jamëtyën ets xynyëëmëtëty: Tää ja Tios ja kyutujkën mmëwinkonëtë.

Lucas 16:29

Tääts ja Abraham y'ënäny: Tam tmëët'atë ja Moisés ja y'ënä'ämën ets mëti'ipë ja Tios kyäjpxynyajxpë ojts nikajpxtën, wä'än tmëtoowkukëtë wi'ix y'ënä'änyën.

Lucas 16:31

Tääts ja Abraham y'ëtsooy: ¿Pën ka'ap tkupëktë mëti'ipë ja Moisés jyääyën ets wi'ix y'ëna'antën ja Tios ja kyäjpxynyajxpëtëjk, nän ka'ap tmëpëka'antë oy tu'uk ja o'kpë jyatimjyuukpyëjkpë.

Lucas 9:2

Ojts tkexy ets tkajpxwa'kxtëty ja Tios kyutujkën ets tyajtso'oktëty mëti'ipë pëjkëtëpën.

Juan 1:45

Tääts ja Felipe ojts t'ixta'ay ja Natanael ets t'ënëmaay: Tëës npaaty ja ja'ay mëti'ipë ja Moisés nyikajpxën ma ja ënä'ämën ojts tkuja'ayën ets näjyëtu'un ma ja Tios ja kyäjpxynyajxpë tjaaytyën. Yë'ë ja Jesús, Nazaretëtë ja'ay, José myaank.

Juan 11:48

Ko n'ëxmajtsmëty ets jëtu'un tjaaktunëty, ni'ëmukë ënät yë ja'ay myëpëkëtëty ets myina'antëty ja Romë ja'ayëty ets tjitëty yë nmëj tsajptëjk'ajtëmë ets xypyëjkëmëty yë nnaax'ajt nkajpn'ajtëmë.

Juan 12:19

Tääts ja fariseë ja'ayëty aak ayi'iyë nyäy'ënanëtë: Tä xy'ixtë. Nitii ënät nkapëjk nkapatmëty, aakyë'ë ja'ay ninëjkxtaayëtëp.

Juan 5:4

Yë'ë jam y'ëwxijtëp ko ja nëë yu'kxëty. Jä'ä ko këtakp tu'uk ja Wintsën ja y'anklës ma ja nëëjën ets ja nëë tyajyu'kxy. Pën jëwyiin tëjkëp ko ja nëë yu'kxyën jä'ä tsokp oy ënäty tipa'am pën tmëëtëty.

Hechos 3:18

E jëtu'un ja Tios të tkuuytyuny mëti'ipë y'akajpxtën ja kyäjpxynyajxpëtëjkëty ko yë Kristë y'ooka'any.