Lucas 16:13 - Biblia Mixe de Quetzaltepec

¹³ Ka'ap tjëkyepy tu'uk ja tuunpë tmëtunëty nimäjtsk ja wintsën; jä'ä ko wä'än jëtää tu'uk oy tmëtunëty ets tu'uk ka'ap oy tmëtunëty; ja mëti'ipë ka'ap oy tmëtunyën jä'ä y'ëxëëk'ixëp e ja mëti'ipë oy myëtuumpyën jä'ä y'oyjyawëp. Paaty näjyëtu'un ka'ap tjëkyepy yajmëtunëty ja Tios ets näjyëtu'un yajmëtuunpëty ja wit meeny.

Biblia Dc en Mixe de Quetzaltepec

¹³ Ka'ap tjëkyepy tu'uk ja tuunpë tmëtunëty nimäjtsk ja wintsën; jä'ä ko wä'än jëtää tu'uk oy tmëtunëty ets tu'uk ka'ap oy tmëtunëty; ja mëti'ipë ka'ap oy tmëtunyën jä'ä y'ëxëëk'ixëp e ja mëti'ipë oy myëtuumpyën jä'ä y'oyjyawëp. Paaty näjyëtu'un ka'ap tjëkyepy yajmëtunëty ja Dios ets näjyëtu'un yajmëtuunpëty ja wit meeny.

Lucas 16:13 ပူးပေါင်းရင်းမြစ်များ

Mateo 6:24

Ka'ap pën myëta'akëty, nimäjtsk ja wintsën tmëtunëty. Jä'ä ko tu'uk nëjkx t'oyjyawë ets tu'uk ka'ap, tu'uk nëjkx tmëjpëjktä'äky ets tu'uk ka'ap. Näyjyëtu'un miitsëty, ka'ap tjëkyepy yë Tios xymyëtuntëty ets näjyëtu'un mkumeeny'atantëpëty.

Lucas 14:26

Pën jää ja'ay mëti'ipë ja ënaanpën koos xypyamina'any ets yë'ë ni'ik tsyojkyp ja tyaak tyeety, y'u'unk tyo'oxytyëjk, myëkä'äx, myëku'uktëjk, ëkë kyë'ëm juukyajtën ets këtiinëm ëjts; jëtu'unpë ja'ay ka'ap tjëkyepy n'ijxpëjkpë'atëtyës.

Santiago 4:4

Miitsëty, mëti'ipë ja Tios të y'ëxmatstën, ¿tii këtii xynyijawëtë ko ja Tios ka'ap tsoky ets ja naaxwiinyëtë winma'any n'atsojkmëtyë? Oy tyimpënëty mëti'ipë ja naaxwiinyëtë winma'any y'atsojkpyën, ja Tios myëtsipëjkpy.

Josue 24:15

E pën kajtsën xymyëtuna'antë yë Wintsën, tyam xytyimnikajpxtëty pën mpanëjkxantëp: nikajpxtë pën yë'ë mpanëjkxantëp ja wiink tios mëti'ipë ja m'aptëjkëty y'ëwtajtën jam Éufrates mëjnëë''ëkë'ëm, ëkë tiosëty mëti'ipë yë Amor ja'ayëty y'ëwtajtëpën yaapë tsyënaaytyën. E ëjts mëëtës yë n'u'unk n'ëna'k etsës yë nkujëën nkutëjk yë'ëjës yë Wintsën nmëtunantëp.

Lucas 11:23

Pën xykyapukajpxëpës, ëjts xymyëtsip'ajtp; pën ka'ap tyuunmuky pyëjkmuky mëët ëjts, je'eyë winë t'ixko'owta'ay.

Lucas 16:9

Jëtu'un miits nkajpxwijtë ko ja wit meeny mëti'ipë ka'ap myëtëyëtyën, jam xyajtuntëty ma ja ja'ayëtyën ets xypaatëty ja mëti'ipë m'oyjyawëtëpën; jä'ä ko ënäty ja mwit mmeeny kyëxtë mmëët'atëp pën m'oyjyawëtëpën.

Mateo 4:10

Ënät ja Jesús y'ëtsooy: Nëjkx mëjku'u, jëtu'un ja Tios y'aaw y'ayuk kyëxja'ayëty: wintsë'ëkë mWintsën Tios. Yë'ë tu'ukyë m'ëwtatëp ets xymyëmëtowëty.

Lucas 9:50

Ënät ja Jesús y'ënäny: Ka'ap xy'akajpxtuktëty. Pën ka'ap xymyëtsip'ajtëmë, ëëts mëët yë'ë nyajpatëmë.

Lucas 16:12

Pën ka'ap miits ja ja'ay ja jyä'ä oy xyajtuunëtë, ¿wi'ix oy xyajtuna'antë mëti'ipë mjä'ä'ajtëpën?