Lucas 15:24 - Biblia Mixe de Quetzaltepec

²⁴ Yë'ë ko ya'atë n'u'unkës, jëtu'un tpaaty ijxtëm jeexyë të y'o'knën ets tyam jëtu'un ijxtëm jeexyë jatëkok të jyuukpyikyën; jëtu'un tpaaty ijxtëm jeexyë të tyëkoy'ityën e tyam ijxtëm jeexyë të yajpaatyën. Tääts ja xëëw tsyo'ontäky.

Biblia Dc en Mixe de Quetzaltepec

²⁴ Yë'ë ko ya'atë n'u'unkës, jëtu'un tpaaty ijxtëm jeexyë të y'o'knën ets tyam jëtu'un ijxtëm jeexyë jatëkok të jyuukpyikyën; jëtu'un tpaaty ijxtëm jeexyë të tyëkoy'ityën e tyam ijxtëm jeexyë të yajpaatyën. Tääts ja xëëw tsyo'ontäky.

Lucas 15:24 ပူးပေါင်းရင်းမြစ်များ

Génesis 45:28

Tä ojts y'ënä'äny: Mëët yi'iyës ko nijawë koos yë nmaank José juuky'ajtp, oyës nëjkx n'ixy naamka'anëm n'ookynyëmës.

Isaías 35:10

Ja ja'ayëty mëti'ipë ënäty ja Wintsën të yajtso'okëtën ëëp yaxp jam jya'ta'antë Sión, ets xoontä'äky yajpaata'antë winë xëëw winë jëmëjt. Pyaatantëp ja jotkujk'ajtën ets ja xoontakën ets ja jë'ëyën yaxën nëjkxëp y'atëkoy.

Isaías 66:11

jëtu'un tä tu'uk yë taakën, jëtu'un myajkaya'anëtë ku'uxyë mëët ja y'oyajtën xyoontakën.

Ezequiel 34:16

Nëjkxëpës n'ixta'ay ja kupixyny tëëpë tyëkoyën, mpatäämpyës ja mëti'ipë tëkoy'ijtpën, mpitäämpy nmotsäämpyës mëti'ipë tsëtyutën, mputëkëjäämpyës mëti'ipë ëmaay paki'ixën ets nkëwent'atäämpyës mëti'ipë mëkën ets ni'kxën. Jëtu'unës nkëwent'ata'any ijxtëm pyaat'atyën.

Ezequiel 34:4

Miitsëty ka'ap xypyutëkëtë kupixyny paki'ixëtypë, ka'ap xytsyooyëtë mëti'ipë pëjkëp ijxëpën, ka'ap xypyijtëtë xymyojtsëtë yë tyeky mëti'ipë tekytyëjën, ka'ap xy'ixta'atë mëti'ipë ye'eytyëkooytyëpën, mëti'ipë jyayajmëyäjtypyën ja näypyutëkë ni'ikyë ëxëëk xytyuntë.

Mateo 8:22

Tääts ja Jesús y'ëtsoowë: Patso'onkës, wä'än aak o'kpë tnäyajnaaxtëkëtë.

Marcos 8:22

Tääts jyajtë jam Betsaida. Jamts ja Jesús yajtuknimiiny tu'uk ja ja'ay wiintspë ets ojts yajmënu'kxtä'äky tkë'ënixajëty ja wiints ets tyajktso'okëty.

Lucas 10:19

Ëjts miits të nmo'otë ja kutujkën ets ka'ap wi'ix mjatëty oy xyjyatukwa'kpätëty ja tsa'any ëkë ja kä'py ets xymyëmëta'aktëty miits ja mmëtsip, ka'ap wi'ix mjatëty.

Lucas 15:23

Nëjkx ja tsajpkaa tu'uk xyajtsoontë ni'kxpë ets xyaj'ooktëty. Tsojk nka'ayëm n'ukëm ets nxëëwtu'unëmë.

Lucas 15:25

E ja myëj maank, jam ënäty kyamjotm. Ko wyimpijty ma ja tyëjkën, ënät tmëtoowpaty ko ja ja'ay xyu'uxtë wyoptë, y'ätstë pyëktë.

Lucas 15:32

Tyam, kopkpëky ntu'unmëty yë xëëw, tsojk ntukxoontakëmë. Jä'ä ko ya'atë n'u'unkës, jëtu'un tpaaty ijxtëm jeexyë të y'o'knën; e tyam, tëë jyuukpyiky; jëtu'un tpaaty ijxtëm jeexyë të tyëkoy'ityën e tyam tëë yajpaaty.

Lucas 15:4

Pën myëët'ajtyp nimëko'px yë tsajppax ets tu'uk pyutëkoy, ¿këtii jëtää t'ëxmatsy ja majkta'px majkmokx majktaxkpë jam kamjotm ets nëjkx t'ixta'ay ja mëti'ipë tëkoy'ijtpën koonëm tpaatyë?

Lucas 19:10

Yë naaxwiinyëtë ja'ay yë y'U'unk, yë'ë të niminy ets t'ixta'aja'any, tyajtso'oka'any mëti'ipë tëkoy'ijtpën.

Lucas 9:60

Ënät ja Jesús y'ëtsooy: Wä'än yë ja'ay tyajnaaxtëkëtë yë y'o'kpë mëti'ipë näjyëtu'un ookantëpën; mijts minmës ets xykyajpxwa'kxëty ja Tios ja kyutujkën.

Juan 11:25

Ënät ja Jesús y'ënëmaayë: Ëjts yajjuukpyëjkpë, ëjts nyäjkpy ja juukyajtën. Pën ëjts xymyëpëjkp, oy jya'ooky, juukpyëkaanp jatëkok;

Juan 5:21

Jä'ä ko ijxtëm ja Tios Teety tyajjuukpyikyën ja o'kpë ets tmo'oy ja juukyajtën, näjyëtu'un ja y'U'unk ja juukyajtën tmo'oy pën myo'ojäämpyën.

Romanos 11:15

Mëët ko ja jutiis ja'ayëty ka'ap të tsojkën'atë ja Tios ja y'oyajtën, ënät ja wiink ja'ay të tpaatë ja nimä'kxën ma ja Tiosën; ¿tii ënät jyaak tunäämpy? yë'ë myo'ojäämpy ja juukyajtën mëti'ipë të y'ooktën.

Romanos 12:15

Mëëtxoonta'aktë mëti'ipë ijtëpën xoontëpën; mëëtjë'ë mëëtya'axtë mëti'ipë jëëytyëp yaxtëpën.

Romanos 6:11

Näyjyëtu'un miits mnätyijëtëty ijxtëm jeexyë të mwë'ëmtën ooky ma ja pokyën, mjuuky'ajtëp tyam mëët ja Tios jä'äkyëjxm ko ja Kristë mëët tu'ukyë m'itë.

Romanos 6:13

Ka'ap xykyë'ëyaktëty ja mjot mnini'kx ets mpokytyuntëty, ets yi'iyë ja ëxëëkpë xytyuunëtëty. Nikë oy mnäpyëjkta'akëtëty Tios kyë'ë'am, jëtu'un tä ja ja'ayën tëëpë y'ookyën ets tëëpë jatëkok jyuukpyikyën, ets xykyë'ëyaktëty ja mni'kx mkopk ma ja nipaye'eyën oypyë yë'ë wyintum.

Romanos 8:2

jä'ä ko ja Kënu'kxymyëkajtën ja y'ënä'ämën mëti'ipë ja Kristë Jesús yajjuuky'äjtypyën, tëë ja myajpëtsëmyë ma ja pokyën mëti'ipë yaj'o'kpën.

1 Corintios 12:26

Pën jam muum tu'kpëky ja ni'kx kopk y'ëyoy, näjyëtu'un ja wiinkëtypë y'ëyowta'atë; ets pën jam muum tu'kpëky oy y'ity, tu'ukyë oy yajpata'atë.

Efesios 2:1

Miitsëty jëtu'un ijty m'itë ijxtëm ja o'kpën, jä'ä ko pokyjoty ijty myajpaatë.

Efesios 2:5

tëë xymyo'oyëmën ja juukyajtën ko mëët ja Kristë ma ënäty nyajpatëmën ooky ko ja nëë poky nmëët'ajtëmë. Tios ja myëyajtën të ttuny ets miits të xypyaatë ja nitsokën.

Efesios 5:14

Jä'ä ko ja ajajk atë'kxk tu'kë'ëyë tyajnikëxë'kta'ay. Paaty y'ënä'äny: Wijtë käjtë mëti'ipë jëtu'un ijtëpën tä ja'ay myä'äyën, pëtë'ëktë ets ka'ap m'ëk ijnëtëty ijxtëm ja o'kpën, jëtu'un ja Kristë mkujaj mkutë'kxëtëty.

Colosenses 2:13

Miitsëty, ooky ijty tëëyëp myajpaatë ma Tiosën mëët ko ka'ap xy'ëxmatstë ja pokytyu'unën, e tyam tëë ja Tios mmo'ojëtë ja juukyajtën mëët yë Kristë, mëti'ipë të tme'kxyën tëkokyë yë mpoky'ajtëmë.

1 Timoteo 5:6

E ja ku'ooky tyo'oxytyëjk mëti'ipë ukp mukëpën ëkë äjtsp pujtpën, jëtu'un ja nyäxy tä jeexyë y'ooky'ityën ma jyuuky'ätyën.

Judas 1:12

Je'eyë yajtsëtyuntë ko jam kyäytyë y'uuktë ma miits mxëëwtuntën, ko jam y'ätstë xyoonta'aktë ets ka'ap ninu'un wyinkutsë'ëkëtë. Jëtu'un y'ëtë'ëtstë ijxtëm jënaakën ja kupixyny këwent'ajtpë kë'ëm je'eyë nyäkyëwent'atyë. Jëtu'un yë'ëjëty ijxtëm yootsën ka'apë nyëëmëëtëtyën mëti'ipë pojjëtijtpën. Ijxtëm yë kepyën ka'apë tyëëmpetyën ma jyapaatyën, nikë oy ko tyimyajwijxë'ëkëty tyiktspaat ets tyimtë'ëtsëty.

Apocalipsis 3:1

Nnijayë yë tsajpjotmëtë kukäjpxy jampë yajpaatyën Sardes: Jëtu'un y'ënä'äny mëti'ipë myëët'ajtypyën wëxtujkpë ja Tios ja jya'awën ets wëxtujkpë ja matsa'a: Nija'apës tii mtuunpyën ets nija'apës ko mjajuuky'ajtp je'eyëp ko ooky myajpaaty.