Lucas 15:22 - Biblia Mixe de Quetzaltepec

²² Ënät ja u'unkteety t'ënëmaay ja tyuunpëtëjk: Tsojk nëjkx ja oypyë wit xyajtsoontë ets xytyukxoxtëty, pëjktakëtë kyë'ëjiits ets kyë'ëk.

Biblia Dc en Mixe de Quetzaltepec

²² Ënet ja u'unkteety t'ënëmaay ja tyuunpëtëjk: Tsojk nëjkx ja oypyë wit xyajtsoontë ets xytyukxoxtëty, pëjktakëtë kyë'ëjiits ets kyë'ëk.

Lucas 15:22 ပူးပေါင်းရင်းမြစ်များ

Apocalipsis 6:11

Ënät yajmooytyë ja poop wit ets yaj'ënëmaaytyë ets jyaak po'kxtëty jawäänë, koonëm ja myëku'uk y'ooktëty mëti'ipë näjyëtu'un kyu'ookëjantëpën ja Kristë ja jyä'ä.

Ester 8:2

Ënät ja yajkutujkpë Asuero nyätyukë'ëji'tstutë ja kë'ëjiits mëti'ipë ja Amán ijty yajtuumpyën ets tmooy ja Mardoqueo. E ja Ester yë'ë ojts tuknipëky ja Mardoqueo ets tniwintsën'atëty tëkokyë winë mëti'ipë ja Amán jyä'ä'ajtypyën.

Génesis 41:42

ënät ja yajkutujkpë nyätyukë'ëji'tstutë ja kyë'ëjiits, mëti'ipë ënäty myëët'ajtypyën ja tsa'ayajtën mëët ko yajkutujkpë'aty ets tmooy ja José. Tääts ni'ënä'ämëy ko txoxtëty mëët ja wit oypyë ets mëti'ipë tsowën ets t'oytyuunëtëty näjyëtu'un ja nyantsëm pu'ts pujxnëpë.

Isaías 61:10

Ëjts ntukxoontäkpyës yë Wintsën. Jotkujkës nnäjyawëty mëët yë Wintsën, jä'ä ko yë'ëjës të xyajtso'oky ets të xyajmëtä'äkyës. Jëtu'unës tä tu'uk ye'etyëjkën mëti'ipë pëkaanpën ets tpëjktä'äky yë kyujän ëkë tä tu'uk to'oxytyëjkën mëti'ipë pëkaanpën ets nyantsëm oyëtypë yajpëjktä'äky.

Ester 3:10

Ënät ja yajkutujkpë nyätyukë'ëji'tstutë ja kyë'ëjiits ets tmooy ja Amán, mëti'ipë ënäty myëtsip'ajtypyën ja Jutiiyë ja'ayëty.

Apocalipsis 19:8

Tios tëë tyajkutuky ets ja jyä'äy nyäxyoxëtëty mëët ja oywyit poopë mëti'ipë ajajp atë'kxpën. Ja oypyë poop wit, yë'ë jëtu'un yajtijp mëti'ipë tyuuntëpën ja Tios ja nyaax kyajpn.

Apocalipsis 7:9

Ko jëtu'un y'ëkjajty, ënätës n'ijxy ja nimayjyä'äy, mëti'ipë tso'ontëpën wiink naax wiink kajpn ets wiink aaw wiink ayuk kyajpxtëp. Jam tyänëtë ma ja kutujktaknën ets ma ja Kupixynyën, nimay yajxon ka'ap tjëkyepy nmëtyo'owmëty. Poop xoxyëty, kum aay myënëjkxtëp.

Romanos 8:15

Miitsëty ka'ap yë'ëjëty të myajmo'otë ja Kënu'kxymyëkajtën mëti'ipë tëytyuunpën ets yajtsë'këpën, yë'ë të myajmo'otë mëti'ipë myajnaxëtëpën Tios u'unk. Mëët ya'atë ja Kënu'kxymyëkajtën ëëts n'ëna'anëmë: Tatë, Teety.

Apocalipsis 2:17

Pën ja tyatsk tyukmëtoopy, wä'än tmëtoowkukë wi'ix ja Kënu'kxymyëkajtën t'ënëëmën ja mëpëjkpëtëjk. Pën mëtakp, ntukjë'kxäämpyës ja maná mëti'ipë yu'utsy ijtpën ets nän nmo'ojäämpyës tu'uk ja poop tsaa ma jap myinyën kuja'ay tu'uk ja xëëw jempyë, mëti'ipë ka'ap pën nijawën, yi'iyë nyija'ap mëti'ipë y'ëxajëpën.

Gálatas 3:27

jä'ä ko ni'ëmukë mëti'ipë të nyëëpätën mëët ja Kristë ja xyëëw, tëë ja Kristë ja jemywyit myo'ojëtë.

Romanos 13:14

Ni'ikyë miits mnätyukxoxëtëty ja mëpëjkën mëti'ipë jam mmëët'ajtëpën ma ja Wintsën Jesukristën ets ka'ap yi'iyë xymyëmay xymyëtajtëty wi'ix ja mjot mnini'kx tii t'oyjawëtyën.

Cantares 7:1

Janty oy yë mteky yaj'ixy ma mkë'ëkën, mijts yajkutujkpë nyëëx. Yë m'ixpajk tsuj kyëxë'ëky tä jeexyë pu'ts pujxn mëët y'oytyunyëtyën, mëti'ipë wijyjyä'äytyëjk të tyajkojtën.

Salmos 132:9

Wä'än ja teetytyëjkëty tmëmay tmëtajtë ja mëtëypyë ja nipaye'eyën; wä'än jotkujk t'itë ja'ayëty mëti'ipë mmëtuunëpën.

Salmos 45:13

Ja yajkutujkpë ja nyëëx, janty'oy yaj'ixy, yë wyit yë'ë mëët y'oytyunyëty yë pu'ts pujxn.

Salmos 18:33

mëti'ipës yë nkë'ë nteky yajyu'unkëpën ijxtëm yë jëtyu'u ets mëti'ipës kujk xyajtënääpyën oyës muum këjxm ntänë;

Apocalipsis 3:18

Paaty mijts nkajpxwijy ets xyjyuyëty ma ëjtsën ja pu'ts pujxn tëëpë wyinkë'ëyën jap jëënjoty ets myajtijëty kumeenyjyä'äy; ets ma ëjtsën xyjyuyëty yë poop wit ets mnätyukxoxëtëty këtiipë niwa'ats ëxwa'ats myajpaatëty, jëtu'un xywyitnijuuxëty mëti'ipë myajtsëtyuunëpën; ets näjyëtu'un xypaatëty ja wiin tsooy ets ka'ap m'ëk ijnëty wiintsën.

Efesios 6:15

Jëjp'ixy xëmë myajpaatëty ma yajkajpxwa'kxa'anyën ja jotkujk'ajtën.

Romanos 3:22

mëët ja mëpëjkën jam ma ja Jesukristë, Tios wa'ats tyajnaxy ni'ëmukë ja ja'ay mëti'ipë të myëpëktën. Ka'ap wyin'ixy wyinkexyëty;

Salmos 132:16

Nkënu'kxäämpyës yë teetyëjk mëti'ipë jap tuuntëpën tsajptëkoty, ëjts nyajkutukäämpy ets xyi'iktëty xyontëty mëët ja xoontakën mëti'ipë oy mmëtuunëpën.

Deuteronomio 33:25

Yë tyëjk'aaw ta'tspëky nëjkx xëmë y'ity, yë'ë mëët y'ëtukëty yë juunpujxn ets tsuxkpujxn, jëtu'un akujk jotkujk jyuuky'atëty jap kyajpnjoty.

Lucas 15:21

Ënät t'ënëmaay ja tyeety: Tatë, tëëjës nmëtëkoy ja Tios ets mijts, ka'apës tyam xy'ëknitëjkënë xytyijëtyës m'u'unk.

Lucas 15:23

Nëjkx ja tsajpkaa tu'uk xyajtsoontë ni'kxpë ets xyaj'ooktëty. Tsojk nka'ayëm n'ukëm ets nxëëwtu'unëmë.