Lucas 15:10 - Biblia Mixe de Quetzaltepec

¹⁰ Jëtu'un miits nëëmëtë ko näjyëtu'un ja Tios ja y'anklës xyoonta'aktë ko tu'uk ja pokyjyä'äy jyootwimpity.

Biblia Dc en Mixe de Quetzaltepec

¹⁰ Jëtu'un miits nëëmëtë ko näjyëtu'un ja Dios ja y'anklës xyoonta'aktë ko tu'uk ja pokyjyä'äy jyootwimpity.

Lucas 15:10 ပူးပေါင်းရင်းမြစ်များ

Lucas 15:7

Tëyës n'ëna'any ko näjyëtu'un jam tsajpjotm xyoonta'aktë ko tu'uk ja pokyjyä'äy jyotwinpity këtiinëm ja nimajkta'px majkpë ja wa'ats ja'ayëty mëti'ipë ka'ap tyajmëyatën jyootwinpitëty.

2 Corintios 7:10

Ja mo'onën tujkën mëti'ipë yajmënajxp yajjëjpnajxpën ijxtëm ja Tios tsokyën, yë'ë jëtu'un yajjootwinpijtp ets ja nitsokën npatmëty ets ka'ap tii nmëma'ay nmëtajmëty. E ko nmëma'ay nmëtajmëty jëtu'un ijxtëm ja mëti'ipë myëmaay myëtajtëpën ja naaxwiinyëtë winma'any, o'kën yë'ë tukpatp.

Ezequiel 33:11

E ëjts Wintsën, njuukyajtënës yam ntukkajpxpejtyp ko ëjts ka'apës ntsoky ets ëxëëk ja'ay y'ookëty, yë'ëjës ntsojkpy ets jyuukyajtën tyajtëkatstëty ets jyuuky'atëty. Miitsëty Israel ja'ayëty ëxmatstë tääpë ëxëëk juukyajtën. ¿Tii ko m'ooktëty?

Ezequiel 18:23

Ëjts ka'apës ntsoky ets ëxëëk ja'ay y'ookëty, yë'ëjës ntsojkpy ets tyajtëkatsëty yë jyuukyajtën ets jyuuky'atëty. Ëjts Wintsën, ëjts ënaanp.

Lucas 13:5

Jëtu'un miits nëëmëtë ko ka'ap; miitsëty pën ka'ap xy'ëxmatstë ja m'ëxëëk winma'anyëty, näjyëtu'un m'ooka'antë.

Mateo 18:14

Näyjyëtu'un ja Tios, miits ja mTeetyëty tsajpjotmëpë ka'ap tsoky ets nitu'uk y'u'unk y'ëna'k mutskpë ye'eytyëkoyëty.

Ezequiel 18:32

Ixmatstë yë ëxëëk juukyajtën ets mjuuky'atëty. Ëjts Wintsën, ëjts ënaanp.

Hebreos 1:14

Jä'ä ko ja tsajpjotmëtë kukäjpxy aak poj yë'ëjëty mëti'ipë Tios myëtuuntëpën ets yë'ë yajkäjxtëp ets nëjkx tputëkëtë mëti'ipë ja nitsokën të yajtukumaytyën.

Hechos 11:18

Ko jëtu'un tmëtoowtë ja Jerusalenkëtë mëpëjkpëtëjkëty, tää amonyë wyë'ëmtaaytyë ets ja Tios tmëjja'awëtyë: Tyam yajja'akyukë ko tëë jëtu'un ja Tios tuknipëjktaakë ets näjyëtu'un tpaatëty ja juukyajtën xëmëkyëjxmëpë mëti'ipë ka'ap jyutiis'atën, ko ja y'ëxëëk winma'any të t'ëxmatstë.

Lucas 7:47

Paaty mijts nnëëmë, ko yë to'oxytyëjk mëti'ipë ijty mëjpokymyëëtën, tëë yajkpokymye'kxy, jä'ä ko mëj ja tsojkën ja'awën tmëëtëty. Mëti'ipë wäänë yajkpokymyä'kxpën, wäänë ja tsojkën ja'awën tmëëtëty.

Mateo 18:10

Këtii pi'k ëna'k jëkäm xypyëjkta'aktëty. Jä'ä ko yë'ëty myëët'ajtëp yë y'anklësëty jam tsajpjotm mëti'ipë yajpatëpën xëmë Tios wintum.

Filemón 1:15

Wä'änxyëp ja Onésimo ojts mpu'uye'eytyu'utyë tu'ktsojkyë ets ënät tyam yajpatnëty ma mijtsën xëmëkyëjxm,

Hechos 5:19

Tu'uk ojts ja Wintsën ja y'anklës myiny ets ja pujxntëjk tyaj'ëwatsy ets pyëtsëëmtë. Tääts y'ënëmaayëtë:

Mateo 10:32

Pën xynyikajpxpës ma ja'ayën, näjyëtu'unës nikajpxa'any maas ja nTeetyën tsajpjotmëpë.

Lucas 12:8

Tyam miits nëëmëtë, pën oy xynyikajpxpës ma ja'ayëtyën, näjyëtu'un oy yë naaxwiinyëtë ja'ay yë y'U'unk nyikajpxëtëty ma Tios yë y'anklësën.

Lucas 12:9

E pën xykyuyu'tspës ma ja'ayëtyën, näjyëtu'un yajkuyu'utsa'any ma Tios yë y'anklësën.

Lucas 15:9

Ko tpaaty ënät ja myëku'uktëjk, myëjëën myëtëjk tuk'ëwa'anëtyä'äy ets t'ënëëmë: Mëëtxoontaktëkës, jä'ä ko tëëjës ja nmeeny npaaty mëti'ipë të tyëkoy'ityën.

Lucas 15:11

Näyjyëtu'un y'ënäny ja Jesús: Tu'uk ja ja'ay, nimäjtsk ja myaank.