Lucas 14:15 - Biblia Mixe de Quetzaltepec

¹⁵ Ko ya'atë tmëtoowtë, tu'uk mëti'ipë ënäty jam yajpatpën t'ënëmaay ja Jesús: Akujk jotkujk ja'ay yajpaaty mëti'ipë kääpy ukpën ma Tios ja kyutujktaknën.

Biblia Dc en Mixe de Quetzaltepec

¹⁵ Ko ya'atë tmëtoowtë, tu'uk mëti'ipë ënety jam yajpatpën t'ënëmaay ja Jesús: Akujk jotkujk ja'ay yajpaaty mëti'ipë kääpy ukpën ma Dios ja kyutujktaknën.

Lucas 14:15 ပူးပေါင်းရင်းမြစ်များ

Apocalipsis 19:9

Tääts ja tsajpjotmëtë kukäjpxy xynyëmaayës: Këxja'a: Akujk jotkujk mëti'ipë të yajwowtën ma yajnixëëwtunyën ja Kupixyny U'unk. Ets jyaak'ënany: Ya'atë jëtu'un tëy'ajtën'ajtp mëti'ipë Tios kyäjpxypën.

Lucas 22:30

Ets jam mkaytyëty m'uuktëty maas ja nkaaypyäjnën mëti'ipë yajpatpën maas yë nkutujktaknën, ets mnaaxwäätstëty ma ja kutujktaknën ets xypyaye'eytyëty ja majkmäjtsk pëkpyë ja Israel ja y'u'unk y'ok.

Lucas 13:29

Jä'ä ko ye'eymukantëp ja naaxwiinyëtë ja'ay xiitsow yaatsow, anajny aka'any ets kyäya'antë jam ma ja Tios ja kyutujktaknën.

Mateo 25:10

Tam ënäty të nyëjkxtë on juupyë ko ojts jyä'ty ja ye'etyëjk pëjkpë. Ja to'oxy'ëna'këty mëti'ipë ojts jëjp'ixy yajpaatën, jä'ä ojts mëët tyëkëtë jap tëkoty ja ye'etyëjk pëjkpë ma ja xëëw tyuna'anyën. Ënät ja tëjk'aaw ojts y'ëtujknë.

Lucas 12:37

Akujk jotkujk yajpaatë ja tuunpëtëjk mëti'ipë wijy kejy yajpatëpën ko ja wyintsën jyä'ty. Tëy miits nëëmëtë ko kë'ëm ja wintsën nëëmëja'any ja tyuunpëtëjk ets nyaaxwäätstëty ma kaaytyaknën ets ja wintsën kë'ëm ja ka'ayën ukën t'apëkëja'any.

Mateo 8:11

Tyam miits n'ënëëmëtë ko may ja ja'ay nëjkx myintë xëëwpëtsëmy ets xëëwkëtä'äky ets nyaaxwäätstëty kääpyë ukpë mëët ja Abraham, Isaac ets ja Jacob ma ja tsajpjotmëpë kutujktaknën.

Lucas 22:16

Tëyajtën nëëmëtë ko ka'ap n'ëk'a'ux'atanës mëët miitsëty, jäänëm tëy ko ënäty nyajpatëmë ma ja Tios ja kyutujktaknën.