Lucas 14:1 - Biblia Mixe de Quetzaltepec

¹ Po'kxënxëëwjoty ja Jesús ojts nyijkxy kääpyë ma tu'uk ja fariseë wintsën ja tyëjkën, tam wiinkpë ja fariseë ja'ayëty je'eyë y'ixtë tyuntë.

Biblia Dc en Mixe de Quetzaltepec

¹ Po'kxënxëëwjoty ja Jesús ojts nyijkxy kääpyë ma tu'uk ja fariseë wintsën ja tyëjkën, tam wiinkpë ja fariseë ja'ayëty je'eyë y'ixtë tyuntë.

Lucas 14:1 ပူးပေါင်းရင်းမြစ်များ

Salmos 37:32

Yë ëxëëk ja'ay je'eyë tpa'ixy tpawoony yë ja'ay mëti'ipë oy juukyajtpën, ets nimay nitajë wi'ix tyaj'ookëtyën;

Salmos 41:6

Koos xynyimintë ka'ap tëyajtën kyajpxtë; jap wyinma'anyjoty ëxëëk jap myäytyë tyajtë, ko muum nyëjkxtë tääts tmëtyakpëtsëmtë.

Salmos 62:4

Yi'iyë myääytyëp tyajtëp wi'ixës ëxëëk xytyuntëtyën; pën win'ë'ëntëp antaktëp ënät jotkujk nyäyjyawëtë. Winkë'ëy akë'ëy je'eyë oy xynyimëtya'aktës jap jyootjoty wyinma'anyjoty xypyojktëpës jap je'eyë.

Proverbios 23:7

jä'ä ko yë jë'kxy pëky mëti'ipë yäjkpyën jëtu'un tä jeexyë waay jap të y'aka'ajën tojkxjoty mëti'ipë yo'kjä'pxpën.

Mateo 12:12

Wäänëni'ik ja ja'ay tsyowpaaty këtiinëm ja kupixyny. Jëtu'unts kyutuky ko mëpaat yë oypyë ntu'unmëty säpëtë xëëw.

Marcos 3:2

Tap ja ja'ayëty mëti'ipë y'ijxtaaytyëpën ja winma'any pën tii y'ëktukni'ë'ënëtyëp ja Jesús, jä'ä nyijawëjantëp pën y'ëkyajktsokpy ja pa'amja'ay po'kxënxëëwjoty.

Lucas 11:37

Ko ja Jesús kyajpxtaay, ënät tu'uk ja fariseë ja'ay ojts wyoyë mëkääpyë ma tyëjkën. Ko tyëjkëy jap, tääts nyaaxwe'tsy ma ja kaaypyäjnën.

Lucas 14:2

Tam näjyëtu'un tu'uk ja ja'ay ënäty yajpaaty mëti'ipë ki'ix pa'am pëjkëpën.

Lucas 17:20

Ojts ja fariseë ja'ayëty tyajtëwtë ja Jesús pën jëna'a ja Tios ja kyutujkën myina'any. Tääts ja Jesús y'ëtsoowëtë: Yë Tios yë kyutujkën ka'ap may yë ja'ay t'ixy.

Lucas 20:20

Ënät ojts tkäxtë ja ja'ay mëti'ipë pya'ix pyawoontëp ja Jesús, tääpë ja'ayëty oyjyä'äy nyäpyëjkta'akëtë, yë'ë tsyojktëp ets ja Jesús muum kyajpxtëkoyëty ets jëtu'un tkë'ëyaktëty ma ja Roma yajkutujkpën.

Lucas 6:7

ja tsajptëkotyëtë yaj'ijxpëjkpëtëjk ets ja fariseë ja'ayëty je'eyë tpa'ix tpawoontë ja Jesús, yë'ë y'ixantëp pën y'ëkyajktsokpy ja pa'amja'ay po'kxënxëëwjoty, jëtu'unts tni'ëënëja'antë.

Juan 3:1

Jam ijty tu'uk ja fariseë ja'ay, Nicodemo'ajtp, mëj'äämpy ijty y'ity ma ja jutiis ja'ayëtyën.

Hechos 5:34

Jamts ënäty tu'uk ja fariseë ja'ay, Gamaliel xyëëwajtyp ets tyuk'ijxpëjkpy ja jutiis ja'ay ja ënä'ämën ets wintsë'ëkë ja ja'ay yaj'ityë. Yë'ë ojts wya'kukë ets t'ënëmaay ja mayjyä'äy ets tuktsojk yajkäjxpëtsëmtëty ja ijxpëjkpëtëjk.