Lucas 13:33 - Biblia Mixe de Quetzaltepec

³³ Oy jyatimwyi'ix'ajtpë, njaakyajktu'uye'eyäämpyës yë ntuunk tyam jëpom ets wëxtëjkm. Jä'ä ko ka'ap tjëkyepy wiinktsow yë Tios yë kyäjpxynyajxpë y'ookëty pën ka'ap jyamëty Jerusalén.

Biblia Dc en Mixe de Quetzaltepec

³³ Oy jyatimwyi'ix'ajtpë, njaakyajktu'uye'eyäämpyës yë ntuunk tyam jëpom ets wëxtëjkm. Jä'ä ko ka'ap tjëkyepy wiinktsow yë Dios yë kyäjpxynyajxpë y'ookëty pën ka'ap jyamëty Jerusalén.

Lucas 13:33 ပူးပေါင်းရင်းမြစ်များ

Lucas 9:53

Ka'ap ja Samaria ja'ay kyupëjkëtë, jä'ä ko tnijawëtë ko Jerusalén nyijkx ja Jesús.

Mateo 21:11

Ets ja ja'ay y'ëtsoowtë: Käjpxynyajxpë Jesús yë'ë, jam Nazaret tsyoony, Galilea y'itjotm.

Hechos 13:27

Mëti'ipë ënäty jam tsënaaytyëpën Jerusalén mëët ja kyutuunkëty ka'ap tmëj'ijxtë ja Jesús ets ka'ap tja'akyujkëtyë mëti'ipë ja käjpxynyajxpëtëjk ojts tnimëtya'aktën, mëti'ipë xëmë yajnikajpxpën jap tsajptëkoty winpo'kxënxëëw.

Mateo 20:18

Ejxtëm xy'ixtën, jam nëjkxëmë Jerusalén, ma ja naaxwiinyëtë ja'ay ja y'U'unk yajkë'ëyaka'anyën: ma ijxpëkyjyä'äytyëjkëtyën, teetytyëjkëtyën, yaj'ijxpëjkpëtëjkëtyën mëti'ipë ënä'ämën kutujkën nyija'awëtëpën ets tni'ënä'ämëja'antë ets y'ookëty,

Juan 11:54

Paaty ja Jesús ka'ap nikëxë'ëky y'ëkjëtijnë ma ja jutiistëjkën, jam ojts nyijkx ma ja itën wiinkonpë, të'ëts'itjotmëpë, ma ja kajpn txëëwatyën Efraín. Jamts ojts wyi'im mëët ja y'ijxpëjkpëtëjk:

Juan 9:4

Ma tyam jyaakxënyëmëty, kopkpëky ko ntu'unmëty ja tyuunk mëti'ipës të xykexyën. Miimp ja kootsajtën ma ka'ap t'ëkjëkyäpnëtyën ets pën tyunëty.

Juan 4:34

Tääts ja Jesús y'ënëmaayëtë: Ëjts yë'ëjës jëtu'un nja'ap tä kääky tä uukyën koos ntuny ja ënä'ämën mëti'ipë tsyojkpyën ja mëti'ipës të xykexyën ets nyajwintu'upëkëtyës.

Hechos 10:38

Mnija'awëtëp näjyëtu'un ko ja Tios tmooy ja Jesús ja Kënu'kxymyëkajtën mëët ja mëk'ajtën, ets ko ja Jesús tuuny ja oypyë ko jyëtijty naaxwiiny ets tyajtsoky ja ja'ay ni'ëmukë mëti'ipë ënäty ja mëjku'u yaj'ëyoowëtëpën. Jëtu'un ojts ya'atë tuny jä'äkyëjxm ko ja Tios mëët yajpaaty.

Juan 12:35

Ënät ja Jesús y'ënëmaayëtë: Jaakyajpaataanp jawäänë ja të'kxën jajën ma miitsëtyën. Naxtë tëkëtë jaaktäänëm ja të'kxën jajën xymyëët'atë ets këtiipë ajotkumonë mkukootsëtëty. Mëti'ipë tu'uye'epyën akootstum ka'ap nijawë maa nyijkx.

Juan 11:9

Tääts ja Jesús y'ëtsooy: ¿Këtii majkmäjtsk horë tu'ukpë ja xëëw tmëëtëtyë? Ko ja ja'ay ye'ey xëëny ka'ap kyunäpë, jä'ä ko y'ijxyp ja kutë'kxn mëti'ipë yaa naaxwiinyëtën,