Lucas 13:28 - Biblia Mixe de Quetzaltepec

²⁸ Ënät ja ja'ay nëjkx jyë'ëtë ya'axtë ets nyätyëtskääpëtëty ko t'ixtëty ja Abraham, Isaac, Jacob ets ni'ëmukë ja Tios ja kyäjpxynyajxpëtëjk, jap ma Tios ja kyutujktaknën, tyam ënäty miitsëty ni'ikyë të myaj'ëxwojptëpë.

Biblia Dc en Mixe de Quetzaltepec

²⁸ Ënet ja ja'ay nëjkx jyë'ëtë ya'axtë ets nyätyëtskääpëtëty ko t'ixtëty ja Abraham, Isaac, Jacob ets ni'ëmukë ja Dios ja kyäjpxynyajxpëtëjk, jap ma Dios ja kyutujktaknën, tyam ënety miitsëty ni'ikyë të myaj'ëxwojptëpë.

Lucas 13:28 ပူးပေါင်းရင်းမြစ်များ

Salmos 112:10

Yë ëxëëk ja'ay ëxëëk nyäjyawëty ko muum y'ixyë, yë ëxëëk ja'ay ka'ap tjëkyepy tii tunëty paaty je'eyë tyëts t'akä'pmuky; yë ëxëëkja'aytyëjk oy tii tjatsojkën'atëty ka'ap tii tpaata'any.

Mateo 13:42

Jap yajpëjkta'aka'antë ma ja jëën mëj tyoyën, ma jyë'ëtëty ya'axtëty ets tyipkä'äxtëtyën.

Mateo 13:50

Jëtu'un yajpëjkta'aka'antë ja ka'oyjyä'äytyëjk jap jëënjoty ets nëjkx tyëkëtë jëëpyë yaxpë ets tyipkä'äxtëty.

Mateo 22:13

Ënät ja yajkutujkpë t'ënëmaay ja tyuunpë: Kë'ëtsumtë tekytsymtë ets xypyëjkta'aktëty jap tëja'p akootstuuy, ma ja'ay jyë'ëtëty ya'axtëtyën ets nyätyëtskääpëtëtyën.

Mateo 24:51

tääts nëjkx tyiytyunyë ets pyëjktä'äkyë ma ja ja'ayëtyën mëti'ipë wiinkë'ëy akë'ëy oyjyä'äy'ajtëpën. Ënät myina'any ja ëyo'on jotmay ma y'ityën ja jë'ëyën yaxën ets ma ja ja'ay ka'ap jeky ja ëyo'on tmëmëtä'äkyën.

Mateo 25:30

Ets ya'atë mëtuunpë mëti'ipë ka'ap oy myëtunyën, yajpëtsëmtë jap tëja'p, wä'än jap akootstuuy twë'ëmy. Ma myina'anyën ja jë'ëyën yaxën ets tsipkä'äxën.

Lucas 10:15

Ets mijts Capernaumëtë ja'ay, ¿jëtu'un may mtajy ko tsajpjotm myajmënëjkxa'anyë? Niwi'ix'äämpy, wäänë pa'tkë'p mijts mnëjkxa'any ëyoowtaknjoty.

Lucas 14:15

Ko ya'atë tmëtoowtë, tu'uk mëti'ipë ënäty jam yajpatpën t'ënëmaay ja Jesús: Akujk jotkujk ja'ay yajpaaty mëti'ipë kääpy ukpën ma Tios ja kyutujktaknën.

Lucas 16:23

Jap ënäty y'ëyoy ja kumeenyjyä'äy ma ja o'kpë nyipätën, tääts ojts y'ijxë'ëky ets t'ijxpaty ko jam tsajpjotm yajpaaty ja Abraham mëët ja Lázaro.

2 Tesalonicenses 1:5

Ya'atë yajknikëxë'kpy ko Tios pyaye'ey ijxtëm pyaat'atyën ets kopkpëky ko mtëkëtëty ma ja kyutujktaknën, jä'ä ko yë'ë tyam mku'ëyo'owëtëp.

2 Pedro 1:11

Jëtu'un akujk jotkujk mtëkëtëty ma ja Wintsën Jesukristë Yajnitsokpë kyutujktaknën ets jam m'itëty xëmëkyëjxm.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

Apocalipsis 22:15

Ka'ap jap tyëkëtëty mëti'ipë ëxëëk ja'ay'ajtëpën, patooy panajxpë, ëxëëktuunpë, yaja'ay'o'kpë, mëti'ipë y'ëwtajtëpën ja awinax ets mëti'ipë yi'iyë tsyojkën'ajtëpën ja ënëëmëtyä'äky.