Lucas 12:42 - Biblia Mixe de Quetzaltepec

⁴² Tääts ja Wintsën y'ënäny: ¿Pën jëtää oy myëtuumpy ja wyintsën, mëti'ipë ja wyintsën tuknipëjkëpën ets tkëwent'atëty ja jëën tëjk, ets tyajkayëty tyaj'uukëty mëti'ipë jam yajpatëpën?

Biblia Dc en Mixe de Quetzaltepec

⁴² Tääts ja Wintsën y'ënäny: ¿Pën jëtää oy myëtuumpy ja wyintsën, mëti'ipë ja wyintsën tuknipëjkëpën ets tkëwent'atëty ja jëën tëjk, ets tyajkayëty tyaj'uukëty mëti'ipë jam yajpatëpën?

Lucas 12:42 ပူးပေါင်းရင်းမြစ်များ

Éxodo 36:4

Ja tuunpëtëjkëty mëti'ipë yaj'o'oyëtëpën tiijaty jam tunaanpën ma tsajptëjkën ojts ja tyuunk t'ëxmatstë ets ojts tninëjkxtë ja Moisés,

Proverbios 12:8

Yë'ë muum yë ja'ay yajtuk'oyjya'ap ko wyijyëty kyujkëty; e yë ja'ay mëti'ipë winma'anytyukën, ixtijy ëxwa'any nyäxy.

Proverbios 15:23

Jotkujk ko oypyë kajpx'ëtso'owën yajpaaty, ets ni'ik ko jää ma myëyätyën.

Proverbios 27:18

Mëti'ipë kyëwent'ajtypyën, yë y'ääytyëëm y'ujtstëëm kë'ëm tjë'kxy tpëky; pën kyëwent'ajtyp yë wyintsën, kumay nyäxy.

Proverbios 31:15

Jopyëp, ka'anëm xyiiynyë ko tyajkaaykyojy yë y'u'unk y'ëna'k ets tyuunpë.

Isaías 50:4

Tëës ja Wintsën xynyë'ëmo'oy xytyu'umo'oy wi'ixës ja aaw ayuk oypyë ntukwinmëtya'akëtyën ja ja'ay tëëpë y'ënu'kxën ets tëëpë myëjaawkëxyën. Jopyëp xytyukmëtoowkojyës ja oypyë jaantypë.

Jeremias 23:4

Ets kupixyny këwent'ajtpë jam npëjkta'aka'anyës ets yë'ë kyëwent'atëtëty, këtiipë tsyë'ëkëtëty ets këtiipë tii tyëkoy'ajtxëtëty. Ëjts Wintsën, ëjts ënaanp.

Ezequiel 34:3

Miitsëty m'uktëp yë tsi'tsknëë, myajkojtëp yë wit mëët yë kupixynyjyëmk ets myaj'o'ktëp yë kupixyny ni'kxëtypë, je'eyëp ko ka'ap xykyëwent'atë yë kupixyny.

Mateo 13:52

Ënät ja Jesús y'ënëmaayëtë: Ko tu'uk tsajptëkotyëtë yaj'ijxpëjkpë yajtukni''ixë ja tsajpjotmëpë kutujkën, jëtu'un tä tu'uk ja'ayën mëti'ipë kutëjk'ajtpën, nyija'ap mëti'ipë jap tëkoty myëët'ajtypyën pëjkë'ëky, ets ko tii jap tyajpëtsëma'any nyija'ap mëti'ipë jemyën ets mëti'ipë tëkën.

Mateo 20:8

Ko tsyu'ujënë, tääts ja kukam t'ënëmaay ja tyuunpë wintsën: Mëkajpxmuk yë tuunpëtëjk ets xymyëjuyëty: yë'ë jëyëjp mëjuyëp mëti'ipë ok të tyëkëtën tuunpë ets ok xymyëjuytyëty mëti'ipë jëyëjp të tyëkëtën tuunpë.

Lucas 12:43

Akujk jotkujk ja tuunpë yajpaaty ko ja wyintsën pyaatëtëty tam tpatuny wi'ix tii winë të tyuk'ëne'emyën.

Lucas 7:13

Ko ja Jesús t'ijxy ja to'oxytyëjk ja ku'ookpyë jyi'iy yä'äxy, tääts t'ënëmaay: Amonyë, këtii myä'äxy.

Lucas 7:19

ets tuknikejxy ja Wintsën ets tyajtëwtëty pën janty yë'ë ënäty ja Tios të kyexyë mëti'ipë minaanpën, ëkë wiinkpë yajjëjp'ijxpë.

Hechos 20:28

Jëtu'un yam n'ënëëmëtë, jëjp'ixy m'ittëty ets näkyëwent'atëtë; näjyëtu'un ja mëpëjkpëtëjk këwent'atë, jä'ä ko ja Tios yë myëjaaw myëk'ajtën të tpëjktä'äky ma miitsëtyën ets xykyëwent'atëty mëti'ipë ja Tios jyä'äy'äjtypyën mëti'ipë të tku'ookën.

1 Timoteo 3:15

ets pën poxpës, mnijawëp wi'ix mëpaat ja ja'ay jyä'äy'äty mëti'ipë yajpatpën ma ja Tios ja jyëën tyëjkën, ma nyiye'eypyätën ja mëpëjkpëtëjkëty mëti'ipë ja juuky Tios y'ëwtajtëpën, mëti'ipë myëët'ajtypyën ets kyuwäänpyën ja tëyajtën.

1 Timoteo 5:17

Ja mëjja'aytyëjk mëti'ipë nyikopk'ajtëpën ja mëpëjkpëtëjk, paat'ajtëtëp ja wintsë'kën ets ja putëjkën; wäänëni'ik pyaat'atëtë mëti'ipë ja Tios ja y'aaw y'ayuk kyajpxwa'kxtëpën ets yaj'ijxpëjktëpën.

2 Timoteo 4:2

ets xykyajpxpwa'kxëty ja Tios ja y'aaw y'ayuk ets xytyuk'ëwaanëty ja ja'ay oyjyëna'ajëty. Tukja'akyukë, tukwinkukajpxë, jotmëkwinkajpxë, Yaj'ijxpëk mëët tu'kë'ëyë ja mä'kxtujkën.

Tito 1:7

Mëti'ipë nyikopk'atëpën ja Tios ja nyaax kyajpn yë'ë mëpaat t'ixy ttuny mëti'ipë Tios y'oyjya'apën, paaty kyopkpëkyëty ets oy tsuj jyuuky'atëty. Ka'ap kyujuunta'akëty, ka'ap wyin'äkë'atëty, ni kya'uuk kyamu'ukëtëty, ni tsip tka'ixta'ajëty, ni meeny tka''atsokëty

Hebreos 13:17

Mëmëtowtë ja mkutuunkëty mëti'ipë ja mëpëjkpëtëjk tyu'uwinye'eytyëpën ets wiinkutsë'ëkëtë, jä'ä ko yë'ëjëty ka'ap pyo'kxtë ko mkëwent'atëtë; mnija'awëtëp ko kopkpëky ko Tios wyintum tnikajpxa'antë tii pën tyuunpy kyäjpxypën. Jotkujk winë xytyuntëty ka'ap y'atsipëty, jä'ä ko pën atsip winë yajtuny ka'ap jëtu'unpë tsyoowpaaty.

Hebreos 13:7

Ja'amyätstë mëti'ipë të mkajpxwijëtën ets të m'ëwa'anxëtën ja Tios ja y'aaw y'ayuk. Mëmay mëtajtë wi'ix ja jyuuky'ajtënëty të kyukëxëtë ets patuntë ijxtëm ja mëpëjkën të tmëët'atën.

Hebreos 3:5

Jëtu'unts ja Moisés y'ijty ijxtëm tu'uk ja tuunpën ma tu'uk ja tëjkën, oy tyuuny ma ja Tios ja kyajpnën ets ojts tnikäjpxy mëti'ipë ja Tios ënäty kyajpxäämpyën.

1 Pedro 4:10

Këëkjä'ä miits xytyuntëty ja mtuunk ijxtëm ja Tios të mmo'ojëtën. Näpyutëkëtë nixim niyam wi'ixëty ja Tios ja kënu'kxën mtukpaatëtën.