Lucas 12:35 - Biblia Mixe de Quetzaltepec

³⁵ Jëjp'ixy mnäyaj'itëtëty, xoxy pëky ets kutë'kxy.

Biblia Dc en Mixe de Quetzaltepec

³⁵ Jëjp'ixy mnäyaj'itëtëty, xoxy pëky ets kutë'kxy.

Lucas 12:35 ပူးပေါင်းရင်းမြစ်များ

1 Reyes 18:46

E ja Elías, ni'ikyë ojts ja Wintsën jyotmëkmo'oyë, ets myëjaawmooyë, paaty jam tsyo'ony pëyi'ikyë ko nyäxyojxtaayë, ets jam jyäjty Jezreel ma ënäty ja Ahab jam yajpaatyën.

Proverbios 31:17

Oy mëk xëmë nyäyaj'ityë ets jëtu'un tyuny ye'ey amëk jotmëk.

Isaías 11:5

Tääpë ja'ay yë'ë xëmë kyajpxäämpy myëtya'akäämpy ja oypyë nipaye'eyën ets ja mëtëypyë.

Isaías 5:27

ka'ap jam pën ma yë'ëjëtyën mëti'ipë të y'ënu'kxën, ka'ap pën myä'äy, ka'ap pën mëti'ipë wyëën jo'onyën, ka'ap pën mëti'ipë kyë'ëk të wyimpotyën.

Mateo 25:1

Jëtu'un ja tsajpjotmëpë kutujkën jyata'any ko tpaatëty ja xëëw jëmëjt ijxtëm jyäjtyën tëkok ma ënäty ja ja'ay pyëktën: nimajk ja to'oxy'ëna'këty mëti'ipë ojts ja kyutë'kxn tkontën ets t'ëwxitë ja ye'etyëjk pëjkpë.

Mateo 5:16

Näyjyëtu'un miitsëty, tuk'ixtë ja ja'ay ja m'oyjä'äy'ajtënëty. Jä'äts ja ja'ay y'ixtëp ets tmëjjawëtëty tjaantyjawëtëty ja Tios Teety mëti'ipë tsajpjotmën.

Lucas 12:36

Jëtu'un ijxtëm ja tuunpë tjëjp'ixyën ja wyintsën mëti'ipë të y'otsyën mëkääpyë ma pëjkpë ukpën.

Efesios 6:14

Jëtu'un tu'ukyë ja mwinma'anymyëët'atë, nätyukxoxëtë ja tëypyë jaantypë ets yë'ë nätyukëwent'atëtë ja tëyajtën.

Filipenses 2:15

këtiipë pën mpoky'ixëtëty, wa'ats aaw wa'ats jot mja'ay'atëty ma ja ja'ayëtyën mëti'ipë ëxëëk juuky'ajtëpën ets ëxëëk ja y'aaw jyotëty. Jëtu'un tä matsa'ajën miits m'ajaj m'atë'kxtëty ma yë'ëjëtyën yaa naaxwiiny.

1 Pedro 1:13

Paaty miits a'ijxp jëjp'ijxp myajpaatëty ets wijy kujk mjuuky'atëty. Nämyëmëta'akëtë, jëjp'ixtë ëmuumtu'ukjot ja mëyajtën mëti'ipë ja Tios tyunäämpyën ko ja Jesukristë myinëty jatëkok.