Lucas 12:28 - Biblia Mixe de Quetzaltepec

²⁸ Pën Tios xyojxyp ja aay ujts mëti'ipë tyam yoonpën aayjoty ujtsjoty ets ko jyëpom'atëty tëë nyatëtstnë, ¿këtii jëtää ja Tios miits mxoxëtëtyë? Miitsëty tim wäänë oy mmëpëktë.

Biblia Dc en Mixe de Quetzaltepec

²⁸ Pën Dios xyojxyp ja aay ujts mëti'ipë tyam yoonpën aayjoty ujtsjoty ets ko jyëpom'atëty tëë nyatëtstnë, ¿këtii jëtää ja Dios miits mxoxëtëtyë? Miitsëty tim wäänë oy mmëpëktë.

Lucas 12:28 ပူးပေါင်းရင်းမြစ်များ

Isaías 40:6

Jëtu'un tu'uk ja aaw yo'kn të yajmëtoy y'ënä'äny: Mëk yujkya'ax, etsës të nyajtëy: ¿Wi'ixës n'ëna'anëty? Ko tëkokyë yë naaxwiinyëtë ja'ay jëtu'un yë'ëjëty tä aay ujtsën, tä pëjyën kamjotypë tu'ujotypë yajpaatyën.

Mateo 14:31

Ënätyë ja Jesús ojts myätsyë kyë'ëkëjxy ets t'ënëmaay: Yi'inëm mijts ja mëpëjkën xymyëëtëty. ¿Tii ko të mmaaytyëkatsy?

Mateo 16:8

Ojts ja Jesús tnijawë ko jëtu'un y'ëna'antë ets y'ënëmaayëtë: ¿Tii ko m'ëna'antë ko ka'ap xymyëët'atë tsajpkääky? Tim wäänë miits mmëpëktë.

Mateo 17:17

Tääts ja Jesús y'ëtsooy: Miitsëty jä'ä mja'ay'atë mëpëjkëntuk ets je'eyë ja m'ëxëëkjot m'ëxëëk winma'anyëty. ¿Jëna'a jëtu'un xyä'äkyukëja'antë koos nyajpaaty ma miitsëtyën? ¿Maapaat jëtu'un mëk näpyëjkta'akëtëtyës ko miitsëty ka'ap mja'akyukëtë? Yaa yajmintë ja yujkyeeky ëna'k.

Mateo 17:20

Tääts ja Jesús y'ënëmaayëtë: Jä'ä ko miitsëty ka'ap oy mmëpëktë. Tëy n'ënëëmëtë, ko jeexyë mmëpëktë, oy tyim yi'inëmëty, jëtu'un tä mostasë pajkën, mnëmaaytyëp jeexyë xiipë kopk: Jëwa'ak yaa, ximtsow nëjkx ets ja kopk jëwa'kp ja jeexyë. Nitii jeexyë tsip xykyajawëtë.

Mateo 6:30

Pën Tios xyojxyp ja aay ujts mëti'ipë tyam yoonp aayjoty ujtsjoty ets jëpom tëë ënäty tsijtkjoty nyanitooynyë. Ja Tios ni'ik ja mmo'oja'anëtë tii mnätyukxoxëtëpën Wäänë miits ja mëpëjkën xytyimmëët'ajnëtë.

Mateo 8:26

Tääts ja Jesús y'ëtsooy: ¿Tii ko mtsë'ëkëtë, wäänë miits ja mëpëjkën xymyëët'atë? Ko jëtu'un y'ënäny, tääts tyënaakyujkëy ets ojts twinkukajpxë ja poj ets ja mejy ets pyojmoony.

Lucas 8:25

Ets t'ënëmaay ja y'ijxpëjkpëtëjk: ¿Tii ko mkamëpëktë? Tsë'këtëp ënäty ni'ik ja y'ijxpëjkpëtëjk, ets mëjmëtoy tja'awëtë paaty xim yam nyäy'ënanëtë: ¿Pën ja'ay tëy ya'atënë? Pojpaat mejypyaat myëmëtoowënë ko t'ëne'emy?

Hebreos 6:7

Jëtu'un yë'ëjëty ijxtëm ja naax t'ukta'ayën ja tuu nëë mëti'ipë naxmëtu'ujëpën: ko oyëtypë pëjktä'äky y'ity, ja yuupë tuunpë pyaatëp ja Tios ja kyënu'kxën.

1 Pedro 1:24

Jä'ä ko jëtu'un ja Tios ja y'aaw y'ayuk këxja'aypyë y'ënä'äny: Tëkokyëty yë ja'ay aakjëtu'un ijxtëm ja aay ujtsën, ets ja myëj'ajtën jëtu'un ijxtëm ja pëjyën. Tëtsp ja aay ujts ets ja nyipëjy kyatska'ay;