Lucas 11:48 - Biblia Mixe de Quetzaltepec

⁴⁸ Jëtu'un xyajnikëxë'ëktë ko m'oyjya'awëtëp mëti'ipë tyuuntën ja m'aptëjkëty; jä'ä ko yë'ë yaj'o'ktë ets miits xynyitajëtë.

Biblia Dc en Mixe de Quetzaltepec

⁴⁸ Jëtu'un xyajnikëxë'ëktë ko m'oyjya'awëtëp mëti'ipë tyuuntën ja m'aptëjkëty; jä'ä ko yë'ë yaj'o'ktë ets miits xynyitajëtë.

Lucas 11:48 ပူးပေါင်းရင်းမြစ်များ

2 Crónicas 36:16

Yë'ëjëty ka'ap tmëjpëjktaktë ja aaw ayuk, je'eyë tnëxik tukxiktë mëti'ipë ja Wintsën jyakajpxën; koonëm ja Wintsën yajxon tyajjoot'anpëjktë ets ka'ap ojts t'ëkjëkyäjpnë wi'ix jyotxäämëtyën.

Job 15:6

Ka'ap kyopkpëkyëty mijts n'ojëty, mkë'ëm'aaw mkë'ëm ayuk mnätyuktëytyuunëp.

Salmos 64:8

kyë'ëm aaw kyë'ëm ayuk nëjkx tyiytyunëtë, e ja ja'ayëty mëti'ipë ijxëtëpën je'eyë nëjkx nyëxi'ik tyukxi'ikëtë.

Ezequiel 18:19

Nëjkxëp xyajtëwtë: ¿Wi'ix ko yë u'unk ëna'k ka'ap tkukëpätë ja teety ja pyoky? Paatykyëjxm jyëtu'unëty jä'ä ko ja u'unk ëna'k ojts tuntë mëti'ipë mëtëyën ets mëti'ipë wa'atsën, ojts tpatuny ja ënä'ämën tëyajtën; paaty mëtëy ko jyuuky'ata'any.

Mateo 23:27

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Jëtu'un miitsëty ijxtëm ja o'kpëjutën, tëëpë yajjaamnikoyën, nëkëjxypyë y'oytyunyëtyën, je'eyëp ko jap jootjoty aak o'kpëpajk ets ak tok jap.

Mateo 23:31

Ko miits jëtu'un m'ëna'antë, jää kë'ëm xykyupëktë ko yë'ë ja m'aptëjkëty ojts tyaj'ooktë ja käjpxynyajxpëtëjkëty.

Lucas 11:47

Ëxëëk mjata'antë, miitsëty mëti'ipë o'kpë jut mtajtëpën ets jam nyaaxtëkëtëty ja Tios ja kyäjpxynyajxpë mëti'ipë ja m'aptëjk yaj'o'ktën.

Lucas 11:49

Paaty ja Tios mëët ja wijyajtën të y'ënä'äny: Ntuknikäxantëp ja nkäjpxynyajxpës ets ja n'ijxpëjkpëtëjkës, je'eyëp ko nëjkxëp xyaj'ooktë ets xy'ixjëtit xypyajëtitë.

Romanos 1:32

Nyija'awëtëp ko Tios të tuknipëjktaakë ko paat'ajtëtëp ja o'kën mëti'ipë jëtu'un ëtëtstëpën ets ka'ap yi'iyëty ko jëtu'un tuun'ëtë'ëtstë, tyukxoontaktëp yë'ëpaat ko ja wiinkëtypë jëtu'un y'ëtë'ëtstë y'ëna'antë.

Santiago 5:10

Mëku'uktëjkëty, ni''ijxtu'utë wi'ix ja Tios ja kyäjpxynyajxpëtëjk tmëtënaaytyën ja ëyo'on jotmay ets näjyëtu'un xytyuntëty.

Josue 24:22

Ënät ojts ja Josué y'ëtsoy: Miits yam kë'ëm m'ënantëp ko yë Wintsën xymyëtuna'antë. Jëtu'un, ëëts yam ëna'antë, jëtu'un y'ëtsoowtë.