Lucas 11:40 - Biblia Mixe de Quetzaltepec

⁴⁰ Winma'anytyukëty. ¿Këtii xynyijawëtë ko ojts yaj'oytyuny ja oypyë näjyëtu'un yaj'oytyuuny ja jootjotypë?

Biblia Dc en Mixe de Quetzaltepec

⁴⁰ Winma'anytyukëty. ¿Këtii xynyijawëtë ko ojts yaj'oytyuny ja oypyë näjyëtu'un yaj'oytyuuny ja jootjotypë?

Lucas 11:40 ပူးပေါင်းရင်းမြစ်များ

Génesis 1:26

Paaty y'ënäny: Tyam tsojk ënät nyajkojëm yë naaxwiinyëtë ja'ay. Jëtu'un y'ixë'atëty tä ëëtsajtëmën. Myëët'atëp yë ënä'ämën kutujkën ma nëë jëyujkën, ma joon jëyujkën, ma ja jëyujkën mëti'ipë tsënaaytyëpën ma jëën tëjkën ets aay joty ujtsjotypë. Näyjyëtu'un myëët'atëp yë ënä'ämën kutujkën ma ja jëyujkën mëti'ipë myox tyukye'epyën.

Génesis 2:7

Paaty yë Wintsën ojts tu'uk yë naaxwiinyëtë ja'ay tyajkojy. Naax ojts yi'iyë t'oytyuunkojy, tä tjëjpmëpixëy ets tmooy jëtu'un ja jyuukyajtën. Jëtu'un ja naaxwiinyëtë ja'ay ojts jyuukpyiky.

Salmos 14:1

Ja'ay mëti'ipë winma'anytyukën ënaanp ko ka'ap ma Tios, tëë wyinma'any tyëkooytya'atë, aakyë'ë të tuntë ëxëëkpë. Ka'ap ma pën mëti'ipë oypyë tyunëpën.

Salmos 33:15

Yë'ë ojts t'oytyuny yë jot winma'any ets yë'ë y'ijxyp tyuunpy tiijaty ja'ay tyuuntëpën;

Proverbios 1:22

Miitsëty ëna'ktëjkëty mëti'ipë ka'ap oy tii xyjyatën xynyijawëtën, je'eyëpë mnëxi'iktën mtukxi'iktën ko mtsuu'atë, ¿Jëna'a jëtu'un xy'ëxmatsa'antë ja mtsuu winma'any, ets jëna'a jëtu'un ku'uxyë mnäjyawëja'anëtë ko je'eyë mnëxi'ik mtukxi'iktë, ets ka'ap xytyuntë këwentë ja nija'awën, ets jëna'a jëtu'un ja mjot mwinma'any wyijtëty kyäjtëty?

Proverbios 8:5

Miitsëty ëna'ktëjkëty ninu'un tsuu mja'ay'atën ma ka'ap tii xynyijawëtën, jatë wi'ixtsow mja'ay'atëtyën ets wi'ixtsow winë xyjyä'äkyukëtëty.

Jeremias 5:21

Kajpn, ja ka'apë jyä'äkyukën ets ka'apë wyinma'anyën, mëti'ipë jyamëët'ajtypyën wyiin ets ka'ap y'ixy, mëti'ipë jyamëët'ajtypyën yë tyatsk ets ka'ap myëtoy.

Zacarías 12:1

Ya'atë aaw ayuk yë'ë yë Wintsën tyuknikäjx yë Israel kajpn. Yë Wintsën mëti'ipë të twijtstëyën yë tsajp ets të tpëjktä'äky ma naaxwiinyëtë kyëxwäätsëtyën ets tjuukyajtënmo'oy yë ja'ay, yë'ë ënaanp:

Números 16:22

E yë'ëjëty koxtänë kyëtaktë ets tmënu'kxtaktë ja Tios, t'ënëmaaytyë: Tios mijts mëti'ipë juukyajtën myäjkpyën ets xymyooytyä'äy yë ja'ay, ¿tii tëkokyë yë ja'ay xytyimtukjoot'anpëjkta'ay ets tu'uk je'eyë mëti'ipë pokytyuunpën?

Mateo 23:17

Kutsuu kulokë miitsëty mja'ay'atë. ¿Ix tii ni'ik myajmëjnajxtëp, ja pu'ts pujxn; këtii xynyijawëtë ko yë pu'ts pujxn ënät tsyowpaaty ko kënu'kxy wyi'im jap tsajptëkotyë?

Mateo 23:26

Miitsëty ijxpëkyjyä'äytyëjkëty wiintstëjkëty, jëwyiin yajwa'atstë mëti'ipë jotjotyën ets wa'ats wyë'ëmëty mëti'ipë nëkëjxyën.

Lucas 12:20

Tyam ënäty jëtu'un y'ënä'äny ko ja Tios y'ënëmaayë: Winma'anytyuk, tyam koots ënät m'o'knëty, ets mëti'ipë jap të xypyëjke'ekyën, ¿pën jyä'ä'atëp?

Lucas 24:25

Ënät ja Jesús y'ënëmaayëtë: Ka'ap miits mja'akyukëtë, ka'ap xytsyojkmëpëktë mëti'ipë ja Tios ja kyäjpxynyajxpë nyikajpxtën.

1 Corintios 15:36

Tsuuja'ayëty. Ko tëëmt yajni'ipy, o'kp ja tëëmt ets myuxy.

Hebreos 12:9

Näyjyëtu'un ko të nmutsk'ajtëm, tëë ja nteety'ajtëm yaa naaxwiiny xywyijtswinpijtën ets tëë nwintsë'këm. ¿E tii ko nkawintsë'këmëty ja Tios, mëti'ipë tsajpjotmën? Wä'än xywyijtswinpijtën ets npatmëty ja juukyajtën.