Lucas 10:28 - Biblia Mixe de Quetzaltepec

²⁸ Ënät ja Jesús y'ënëmaayë: Tëy m'ëna'any. Pën mpatuunpy jëtu'un, mpaatëp ja juukyajtën xëmëkyëjxmëpë.

Biblia Dc en Mixe de Quetzaltepec

²⁸ Ënet ja Jesús y'ënëmaayë: Tëy m'ëna'any. Pën mpatuunpy jëtu'un, mpaatëp ja juukyajtën xëmëkyëjxmëpë.

Lucas 10:28 ပူးပေါင်းရင်းမြစ်များ

Nehemías 9:29

Mjanajts'ë'ëw mjanaskajpxëp ijty ets tpatuntëty ja m'ënä'äm mtëyajtën; e yë'ëjëty ijtëpën ja nyäyajnaxëtë paaty ja ka'ap timmyëmay timyëtajtë mijts ja m'ënä'ämën; këtii ijty mëj timjyawëtë ja m'aaw m'ayuk mëti'ipë juukyajtën yäjkpyën ma ja'ayëty mëti'ipë pyatuumpyën ja m'ënä'ämën; je'eyë xëmë kyäjpxykyumëtoownajxtë ets juun ja jyot wyinma'any tpëjktaktë.

Proverbios 19:16

Mëti'ipë ja'ay kyuuytyuunpyën yë ënä'ämën tëyajtën, yë jyuukyajtën kyëwent'ajtyp; mëti'ipë ja'ay ka'ap tkupëkyën mëti'ipë ja Tios jyanikäjpxypën, kë'ëm nyäyaj'ooky nyäyajtëkoyë.

Ezequiel 20:11

jam nmooytyës yë n'ënä'ämënës ntëyajtënës ets nkutujkënës, mëti'ipë yajjuuky'ajtpën ko ja'ay tpatuny.

Ezequiel 20:13

E yë'ëjëty ojts jam të'ëts'itjotm xykyäjpxy kumëtoownaxtës, ka'ap tpatuuntë ja n'ënä'ämënës ntëyajtënës; ojts tninajxnëtë ja n'ënä'ämënës ntëyajtënës mëti'ipës ënäty të nmo'otën ets tëëjës ënäty n'ënëëmëtë ko tpatuntëty nëjkxëp jyuuky'atë, e yë'ëjëty ni'ikyë ojts tyaj'ëxëëktëjkënëtë ja npo'kxënxëëwës. Ënätës ojts njamay njatajy ko ni'ik oy ko ntimy yajkutëkoytyëtyës ma ënäty jam të'ëts'itjotm yajpaatën,

Ezequiel 20:21

E yë y'u'unk y'ëna'këty ojts xykyäjpxy kumëtoownaxtës. Ka'ap tpatuuntë ja ntëyajtënës ets ka'ap tmëmëtoowtë ja n'ënä'ämënës, mëti'ipë yajjuuky'ajtpën ko yajpatuny, e yë'ëjëty ojts ja npo'kxën nxëëwës tyaj'ëxëëkëtë. Ojtsës nja'ëna'any ets jeexyë jam të'ëts'itjotm nyajkutëkooytyës ets jeexyë ja n'äkës xyeemy,

Levitico 18:5

Yë'ë patuntë ëjts yë n'aaw n'ayukës ets n'ënä'ämënës ntëyajtënës, pën jëtu'un tyuunpy, nëjkxëp oy tsuj jyuuky'äty. Ëjts jëtu'un Wintsën.

Mateo 19:17

Tääts ja Jesús y'ëtsoowë: ¿Tiijës ko xyajtëy ja oypyë? Yë Tios yë'ë tu'ukyë oy'ajtp, pën mpaatäämpy ja juukyajtën xëmëkyëjxmëpë, patun ja Tios ja y'ënä'ämën. Tääts ja yä'äy ëna'k tyajtëëy:

Marcos 12:34

Ko ja Jesús t'ijxy ko ënäty oy tsuj të y'ëtsoy, tääts t'ënëmaay: Mijts ka'ap xymyëjëkäm'aty yë Wintsën yë kyutujktakn. Ka'ap ojts pën tii t'ëkyajtëëwnë.

Lucas 7:43

Ënät ja Simón y'ëtsooy: Ëjts ënaanp ko yë'ë tsojkëp ni'ik mëti'ipë këjää mënu'kxy'ajtëpën. Tääts ja Jesús y'ënäny: Jëtu'un, tëy m'ëna'any.

Romanos 10:4

Jä'ä ko ja ënä'ämën tëë kyixy nyäxy, ko ja Kristë myiiny ets ja Tios kyupëkëtëty mëti'ipë mëpëjktëpën.

Romanos 3:19

Nnija'awëm ko tu'kë'ëyë mëti'ipë nyimëtyäkpyën ja ënä'ämën, yë'ëkyëjxm nimëtyä'äky ets twinmëtowtëty ja ja'ay mëti'ipë ja ënä'ämën yajmëjnajxtëpën ets amonyë y'itëty ni'ëmukë ets tku'ëtsowtëty ja pyokyëty jam Tios wyintum.

Romanos 7:10

e ëjts tëëjës n'ooky. Jëtu'unës të nnijawë ko tääpë ja ënä'ämën mëti'ipës jeexyë xyajjuuky'ajtpën, ni'ikyës të xyaj'ooky.

Gálatas 3:12

Ja ënä'ämën ka'ap yë'ëjëty ja mëpëjkën mëët tyuny, jä'ä ko y'ënä'äny: Pën ja ënä'ämën pyatuumpy, yë'ë yajjuuky'atëtëp.

Deuteronomio 6:24

Ok ja nWintsënëtyës Tios ojts xytyuk'ënä'ämtës ets npatuntëtyës ja y'ënä'ämën ets nwinkutsë'ëkëtëtyës tääts ja juukyajtën yajmëët'atëty tä tyam yaj'ixyën.