Lucas 10:22 - Biblia Mixe de Quetzaltepec

²² Tääts ja Jesús y'ënäny: Aak ëjts ja Tios Teety të xymyooytyä'äy tu'kë'ëyë winë. Ka'ap pën tnijawë pën Tios u'unk'ajtp, Tios Teety nätyu'uk nyija'ap; ni pën tkanijawë pën ja Tios Teety, Tios U'unk nätyu'uk nyija'ap ets tyuknijawëp ja ja'ay mëti'ipë ënäty tyuknijawëjäämpyën.

Biblia Dc en Mixe de Quetzaltepec

²² Tääts ja Jesús y'ënäny: Aak ëjts ja Dios Teety të xymyooytyä'äy tu'kë'ëyë winë. Ka'ap pën tnijawë pën Dios u'unk'ajtp, Dios Teety nätyu'uk nyija'ap; ni pën tkanijawë pën ja Dios Teety, Dios U'unk nätyu'uk nyija'ap ets tyuknijawëp ja ja'ay mëti'ipë ënety tyuknijawëjäämpyën.

Lucas 10:22 ပူးပေါင်းရင်းမြစ်များ

Mateo 11:27

Tääts ja Jesús jyaak'ënany: Aak ëjts ja nTeetyës të xymyooytyä'äy tukë'ëyë winë. Ka'ap pën tnijawë ja u'unk, yi'iyë ja Teety nyija'ap; ets ka'ap pën tnijawë ja Teety, yi'iyë ja u'unk nyija'ap ets nyijawëtëp ja ja'ay mëti'ipë ja u'unk tyuk'nijawëjäämpyën.

Juan 1:18

Ka'ap pën nijëna'a ja Tios të t'ixy; yë'ë tu'ukyë Tios U'unk, mëti'ipë Tios Teety mëët y'ityën, yë'ë të xytyuk'ijx të xytyuknija'awëmë wi'ix ja Tios.

Juan 10:15

Ëjts jëtu'un oypyë kupixyny këwent'ajtpë. Jëtu'un ijxtëmës ja Tios Teety xy'ixy'ätyën nän jëtu'unës ëjts yë'ë n'ixy'äty. Nku'o'këpës ja nkupixyny.

2 Juan 1:9

Pën yajni'ikëp ja Kristë ja y'ijxpëjkën, ka'ap ënäty mëët y'ity. Pën pyatuumpy ja Kristë ja y'ijxpëjkën, yë'ë ja Tios Teety ets ja Tios U'unk mëët yajpaaty.

2 Corintios 4:6

Jä'ä ko nän Tios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Tios ja myëj'ajt jyääntyajtën mëti'ipë ja Kristë myëët'ajtypyën.

1 Juan 5:20

Nnija'awëm näjyëtu'un ko paaty ja Tios U'unk të xynyimi'inëmë ets nnija'awëmëty ja Tios tëyajtënpë. Yë'ë mëët njuuky'ajtëm mëti'ipë mëtëyën, jä'ä jëtu'un ja y'u'unk Jesukristë. Mëtëypyë ja Tios, mëti'ipë yäjkpyën ja juukyajtën xëmëkyëjxmëpë.

Juan 17:26

Tëës ntuk'ëwaanëtë mpën mijts ets njaaktuk'ëwanëjantëpës, ets ja tsojkën ja'awën tmëët'atëty mëti'ipës mijts të xymye'eyën ets nyajpaatëtyës ma yë'ëjëtyën.

Juan 17:2

Jä'ä ko mijts të xymyo'oy ja kutujkën ma tëkokyë naaxwiinyëtë ja'ayëtyën, ets tmo'oja'any ja juukyajtën tëkokyë mëti'ipë të xymye'eyën.

Mateo 28:18

Tääts ja Jesús myëwinkoonëtë ets y'ënëmaayëtë: Tëës ja Tios xymyooytyä'äy ja kutujkën jam tsajpjotm ets naaxwiinyëtë.

Juan 3:35

Ja Tios Teety tsyojkpy ja y'u'unk ets tëë tukkë'ëtëjkëtyä'äy mëti'ipë myëët'ajtypyën.

Hebreos 2:8

mijts të xypyëjktakta'ay jam winë ma tyekpya'tkën. E ko të xypyëjktakta'ay winë ma tyekpya'tkën, ka'ap ja Tios tii të tyajwë'ëmy ëpëky mëti'ipë yë'ë ka'ap tnijawën. E kajts n'ijxëmnëm ko aakjam yajpata'ay winë ma yë'ëjën.

Efesios 1:21

ojts tpëjktä'äky ets tnikopk'atëty tu'kë'ëyë ja ënä'ämën kutujkën, mëk'ajtën ets ma tu'kë'ëyë mëti'ipë jää'ajtëpën, ma tyampën ets mëti'ipë miimp këtakpën.

1 Corintios 15:24

Tääts kyëxëty nyaxëty ko ja Kristë tmëmëtakta'ajëty ja wintsëntëjk, yajkutujkpëtëjk, kutuunktëjk ets ja ënä'ämpëtëjk ets tukkë'ëtëjkënëty ja kutujkën ja Tios Teety.

Juan 17:10

Tu'kë'ëyë mëti'ipës njä'ä'ajtypyën aakmijts yë'ë mjä'ä; ets mëti'ipë mijts mjä'ä'ajtypyën ëjts yë njä'a; ets ja nmëj'ajt n'oyajtënës nikëxë'kp jam ma yë'ëjëtyën.

Juan 17:5

Mooykyës tyam mwiintuuy ja mëj'ajt oyajtën mëti'ipës ijty nmëët'ajtypyën ma ka'anëm ja naaxwiinyëtë tsyo'ontä'äkynyëm.

Mateo 11:25

Näy jä'ä xëëw ja Jesús y'ënäny: Tatë, nmëjja'ap nkënu'kxyjya'ap mijts; tsajpjotmëpë ets naaxwiinypë Wyintsën'atyën, jä'ä ko tëë ja ja'ay yu'unkpë naxymyëpë jyuuky'atën xytyuknijawë ja winma'any tsippëpë, ja winma'any mëti'ipë të xytyukwinkuyu'utsyën ja ijxpëkyjyä'äytyëjkëty ets wijyjyä'äytyëjk.