Lucas 10:2 - Biblia Mixe de Quetzaltepec

² Ets t'ënëmaay: Janty may ja pëjktä'äky pyëtë'ëka'any, je'eyëp ko ka'ap ja tuunpë myäyëty. Paaty miits xy'amëtowtëty ja pëjktä'äky ja nyiwintsën ets nyëjkxtëty ja tyuunpë ets ja pëjktä'äky pyëtë'ëkëty.

Biblia Dc en Mixe de Quetzaltepec

² Ets t'ënëmaay: Janty may ja pëjktä'äky pyëtë'ëka'any, je'eyëp ko ka'ap ja tuunpë myäyëty. Paaty miits xy'amëtowtëty ja pëjktä'äky ja nyiwintsën ets nyëjkxtëty ja tyuunpë ets ja pëjktä'äky pyëtë'ëkëty.

Lucas 10:2 ပူးပေါင်းရင်းမြစ်များ

1 Tesalonicenses 5:12

Mëku'uktëjkëty, mwintsë'ëkëtëp mëti'ipë tuuntëp ma miitsëtyën, mëti'ipë mwinma'anymyooyëtëpën ets mkajpxwijëtëpën Wintsën xyëëwkëjxm.

Marcos 16:15

Ets yaj'ënëmaaytyë: Nëjkxtë naaxwiinyëtë apëtsëmy ets ja oy aaw oy ayuk xykyajpxwa'kxtëty.

2 Timoteo 4:5

E mijts, niwijy nikejy mja'ay'atëty, mëtanë ja ëyo'on, kajpxwa'kx xëmë yë aaw ayuk oypyë, patun oy yë mtuunk.

2 Tesalonicenses 3:1

Mëku'uktëjkëty, yë'ëjës ok nnikajpxäämpy etsës ja Tios xytyuknija'amyätsëtëty ets ja'ay tsojk nijawëtëty oymyaajëty ja Wintsën ja y'aaw y'ayuk ets wä'än tkupëktë mëët ja tsojkën, ijxtëm ojts miits xykyupëktën.

Marcos 13:34

Jëtu'un ijxtëm tu'uk ja ye'etyëjkën mëti'ipë jëkäm nëjkxpën. Ko tsyoony, y'ëne'empy ja tyuunpë ets tuunkmooytyä'äy ja tyuunpëtëjk ets t'ënëëmë ja tëjk ijxpë ets tkëwent'atëty.

1 Timoteo 4:10

Paaty ëëts ntuntë mëk, jä'ä ko yë Tios ntuk'ijxpätës juukpyë, mëti'ipë ni'ëmukë ja'ay yajnitsokpyën, yë'ë ni'ik mëti'ipë mëpëjktëpën.

Hechos 22:21

Täätsës ja Wintsën xynyëmaay: Nëjkx, jam mijts nkäxa'any jëkäm ma ja ja'ay ka'apë jyutiis'atën.

Hechos 20:28

Jëtu'un yam n'ënëëmëtë, jëjp'ixy m'ittëty ets näkyëwent'atëtë; näjyëtu'un ja mëpëjkpëtëjk këwent'atë, jä'ä ko ja Tios yë myëjaaw myëk'ajtën të tpëjktä'äky ma miitsëtyën ets xykyëwent'atëty mëti'ipë ja Tios jyä'äy'äjtypyën mëti'ipë të tku'ookën.

Hechos 13:4

Ko ja Saulo ets ja Bernabé ja Kënu'kxymyëkajtën yajtso'onëtë, jamtsow ojts nyëjkxtë Seleucia ets jam tuktëjkëtyë ja kepy nëëwinye'epyë, jam nyëjkxtë Chipre, tu'uk ja it mëti'ipë mejy itkujkyën.

Hechos 13:2

Tëkok, ja Wintsën ënäty jam wyintsë'këtëp ets ayuu'ajtëp ënäty jam ko ja Kënu'kxymyëkajtën ojts y'ënä'äny: Ëpëky yë Bernabé ets Saulo pëjkta'aktë ets tuntëty mëti'ipës të ntukniwoowtsowëtën.

Hechos 11:19

Ko ja Esteban tyaj'o'ktë, tääts ja mëpëjkpëtëjk yajpajëtijtaktë may ojts kyukääkëtë jam Fenicia, Chipre ets Antioquía. Jamts ojts tkajpxwa'kxtë ja Tios ja y'aaw y'ayuk ma ja jutiis ja'ayëtyën.

Hechos 8:4

Ja mëpëjkpëtëjk mëti'ipë pëtsëëmtën jam Jerusalén, jä'ä ojts tnikäjpxy tnimëtya'aktë ja Tios ja y'aaw y'ayuk maajëty nyëjkxtën.

Lucas 9:1

Tääts ja Jesús tmëkajpxmujky ja nimajkmäjtskpë ja y'ijxpëjkpëtëjk ets tmooy ja mëk'ajtën, kutujkën ets ja ku'oypyë t'ixkäxtëty ets tyajtso'oktëty ja pa'amja'ay.

Marcos 16:20

Tääts ja y'ijxpëjkpëtëjk tsyo'ontë ets ojts tkajpxwa'kxtë ja Tios ja y'aaw y'ayuk oy tyimmaajëty. Wintsën Jesukristë ojts pyutëkëtë ets ja ja'ay tuk'ijxtëty tuknijawëtëty ko tyiyëty jyääntyëty mëti'ipë kyajpxtëpën, jä'ä ko tuntë winë mëët ja Tios ja myëj'ajtën.

Mateo 20:1

Jëtu'un ja tsajpjotmëpë kutujkën npëjktakmëty ijxtëm tu'uk ja kukamën, mëti'ipë ojts tsyoonyën tsojkyë tuunpë ixtääpyë ets tyuntëty ma ja tsyätym kamën.

Zacarías 11:17

Janty mon janty tuk yajpaaty yë kupixyny këwent'ajtpë mëti'ipë nyikekpyën yë kyupixyny. Wä'än jam tka'ay yë tëypyujxn ma y'a'oykyë'ëjën ets ma a'oypyë wyiinën.

Jeremias 3:15

Jëtu'un nmo'oja'antës oypyë yajkutujkpë mëti'ipë tyunëpën mëti'ipës ntukjotkëtäkpyën; yë'ëts m'ënä'ämëtëp mëët ja wijyajtën ets ixpëkyajtën.

Filipenses 2:25

Jëtu'unës nmay ntajy ko kopkpëky etsës näjyëtu'un nkäxa'any ja nmëku'uk'ajtëm Epafrodito, mëti'ipë mëët tu'ukyë ntuunmukyënës ets ntsiptunyës, mëti'ipës ojts miits xytyuknikäxtën etsës xypyutëkëty ko tiiputëjkën nyajmëyatëtyës.

Filipenses 2:21

Aak kyë'ëm jotmay ja'ay myëmaay myëtajtëp ni pën ja Wintsën Jesukristë ja jyä'ä tkamëmaay tkamëtajë.

1 Corintios 12:28

Tios të tuknipëjktakëtyä'äy nitu'ukjaty tiijaty tyuntëpën: tam mëti'ipë Jesús y'ijxpëjkpë'ajtypyën, käjpxynyajxpën, yaj'ijxpëjkpën; nän tää mëti'ipë ja mëj'ajtën tyuuntëpën, mëti'ipë ja pa'amja'ay yajtsoktëpën, mëti'ipë ja ja'ay pyutëjkëtëpën, mëti'ipë ënä'ämtëpën, mëti'ipë ja tuunk yajmooytyëpën ets ja wiink ayuk tkajpxtëty.

Números 11:17

Ëjts këta'akaanpës ma mijtsën ets nmëtyakmëty. Npupëkäämpyës wäänë mmëkajtën m'oyajtën mëti'ipë mëët'ajtypyën ets yë'ë tjä'ä'atëty. Yë'ë nëjkx mputëkëtë ma ya'atë naax kajpn yajtu'uwinye'eyä'äynyën. Jëtu'un ka'ap tii atu'uk mtimtyukëtakpätëtëty.

Colosenses 1:29

Paatyës mëk ntuntë ets npajotëkoytyës mëët ja mëjaaw mëk'ajtën mëti'ipës ja Kristë xymyooytyëpën.

Filipenses 2:30

Jawäänë të kya'ooky ko tmëtuny ja Kristë. Tëë ja jyuukyajtën tpëjktä'äky kutsë'ëkëtum koos xymyo'oy ja putëjkën ko miits mkamëta'aktë.

Hebreos 3:6

E ja Kristë, jëtu'un jä'ä ijxtëm tu'uk ja u'unkën, oy tmëtuny ja Tios ma ja jyä'äyën, ëëtsajtëm yaj'antijëm; pën nmëpëjkëm ëmuumtu'ukjot mëti'ipë njëjp'ijxëmën.

1 Tesalonicenses 2:9

Mëku'uktëjkëty, wa'ats ënät miits xyjyä'ämyätstë wi'ix ijty ntuntënës xëëny koots këtiipë myaj'atsiptëty ko ntukmëmëtyaktë ja oy aaw oy ayuk, mëti'ipë Tios jyä'ä'ajtypyën.

Colosenses 4:12

Mtuknikäjxëtëp näjyëtu'un ja kajpxpo'kxën ja Epafras, mëti'ipë ja Jesukristë myëtuumpyën, miits yë mja'ayëty. Xëmë yë'ë mninu'kxta'akëtë ko ja Tios tja'amyetsy ets oy m'ittëty ijxtëm ja Tios tsokyën.

2 Corintios 6:1

Jëtu'un, ijxtëm ëëtsajtëm nmëtu'unëmën ja Tios, tyam nmënu'kxta'aktë ets xytyukjuuky'atëty ja oyajtën mëti'ipë ja Tios të mtuk'ixëtën,

1 Corintios 15:10

E ja Tios tëë ja myëj'ajtën tuny, paatyës të xykyupëky ets ja mëyajtën mëti'ipë të tunyën ka'ap ja nyatëkë'aty. Nikë tëëjës wäänëni'ik ntuny këtiinëm ja wiink ijxpëjkpëtëjkëty; je'eyëp ko ka'ap y'ëjtsëty kë'ëm, Tiosës të xypyutëkë mëët ja y'oyjyot y'oywyinma'any.

Zacarías 11:5

Yë ajuupyëtëjkëty ko tyaj'ooktë ja kupixyny nitiipa'ëyo'owën tkamëët'atë ets mëti'ipë ato'ktëpën jëtu'un y'ëna'antë: Yajkukajpxëp yë Wintsën ko xyajkumeenytyä'äkyës. Yë'ëpaat yë mëti'ipë kupixyny këwent'ajtëpën ninu'un tkapa'ëyowtë yë kyupixynyëty.

1 Reyes 18:22

Tääts ja Elías n'ënaan'ëtëty: Ëjtsyë atu'uk tu'uk të njaakwë'ëmyës mëti'ipë yë Wintsën myëtuumpyën, e yë Baal yë myëtuunpë nimay yë oy, jä'ä yë nyiwinë'atë taxk mëko'px ja wëxtyikxy majk.

Números 11:29

E yë Moisés tyaa y'ëtsooy: ¿Tii xynyi'äjkëpësë? Ëjts ni'ikyës ntsoky ets jeexyë yë Tios tmooytyä'äy yë myëk'ajtën yë nyaax kyajpn ets tëkokyë y'awinpijta'atë käjpxynyajxpë.

Filemón 1:1

Pablo, mëti'ipë tsumy ijtpën ko ja Kristë Jesús ja y'aaw y'ayuk tkajpxwa'kxë ets ja nmëku'uk'ajtëm Timoteo tkexy ja kajpxpo'kxën ma ja Filemonkën, mëti'ipë yajmëku'uk'ajtpën ma ja tuunkën

Salmos 68:11

Ojts yë Tios tu'uk yë ayuk tkäjpxy, ets kanaak ojts yë to'oxytyëjktëjk y'itë mëti'ipë kyajpxnajxtën:

Apocalipsis 2:1

Nnijayë yë tsajpjotmëtë kukäjpxy jampë yajpaatyën Éfeso ma ja mëpëjkpëtëjk ye'eymyuktën: Jëtu'un y'ënä'äny ja mëti'ipë myëët'ajtypyën ja wëxtujkpë ja matsa'a jam ma y'a'oy kyë'ëjotmën ets yajpaaty ma ja wëxtujkpë ja cerë ato'oyënën aak pu'ts pujxnpë.