Lucas 1:9 - Biblia Mixe de Quetzaltepec

⁹ Ënät t'ijxpëtsëëmtë pën tuka'ajëp ets tyëkëty jap tsajptëkoty poomno'kpë. Ja Zacarías ojts tyuka'ayë.

Biblia Dc en Mixe de Quetzaltepec

⁹ Ënet t'ijxpëtsëëmtë pën tuka'ajëp ets tyëkëty jap tsajptëkoty poomno'kpë. Ja Zacarías ojts tyuka'ayë.

Lucas 1:9 ပူးပေါင်းရင်းမြစ်များ

1 Crónicas 23:13

Amram jä'ä y'u'unk y'ëna'k xyëëwajtë: Aarón ets Moisés. Aarón yë'ë Tios win'ijxë ets yë'ë xëmë tyakëty ja wintsë'kën ëmaaypyë ma Wintsënën; yë'ë yajtoyëp ja poom, yë'ë kajpxta'akëp ma ja kënu'kxën xëmë t'amëtowëtyën, ja tuunk mëti'ipë ojts yajtukmëwë'ëmtën tuntëty xëmë mëët ja y'u'unk y'ëna'k.

1 Crónicas 6:49

Aarón mëët ja y'u'unk y'ok, yë'ë ijty tyimtuunk'ajtëp kyë'ëwtë xyo'oxtë ma ja wintsë'këntyaknën ma ja wintsë'kën yajyäkyën nino'okpyë ets ma ja wintsë'këntyaknën ma ja poom tyoyën. Yë'ë ijty näjyëtu'un tyim ijx'ijtëp ja amaaypyë ja tëkot ets yë'ë t'amëtow tpëjktsowtë ja pokywyinmä'kxën ma Wintsënën mëët ko ja Israel ja'ayëty pyoky jyä'äy'atë, tuntë tëkokyë winë tä ënäty ja Moisés të tni'ënä'ämën, mëti'ipë ja Tios tuunpë'ajtëpën.

2 Crónicas 26:16

Je'eyëp ko ojts nyäjyawëty tëë myëktä'äky jam ma kutujktaknën, amëj akëjxm ojts y'awinpijnë. Ka'ap ja Wintsën t'ëkmëj'ijxnë, tëjkënyëp jap tsajptëkoty kë'ëmwinma'any ets tno'ky ja poom kë'ëmwinma'any ma ja poom wintsë'këntyaknën.

2 Crónicas 29:11

E miitsëty u'unk maay, miits yam mpëjktsoowtëp ets xyjyotmay'atëty ya'atë tu'unën kajpxën, ma ja Wintsën të mwin'ixëtën ets xymyëtuntëty, xyaktëty jap ma jyëën tyëjkën ja poom ets ja wintsë'kën xëmë.

Números 16:40

Ya'atë ijxpäjtën ojts wyi'imy ma Israel ja'ayëtyën, ko ni pën mëpaat ëpëky yë kë'ëmwinma'any tkamëwinkony yë wintsë'këntyakn ets Tios tukwinno'okaanpëty yë poom. Yi'iyë patëtëp yë Aarón yë y'u'unk y'ok. Jä'ä ko pën jëtu'un tyuunpyën tsojk jyatëty tä jyäjtyën yë Coré mëët yë myëku'uktëjk. Tëkokyë, ojts jëtu'un yajtuunta'ay mëti'ipë ënäty ja Wintsën të tuk'ëne'emyën ja Eleazar mëti'ipë kyajpxnajxën yë Moisés.

Mateo 27:5

Ënät ja Judas ja meeny tnajtswëjëy jap tsajptëkoty ets ojts nyijkxy tääts nyäyo'ktëëyë.

Hebreos 9:6

Ko jëtu'un yajnipëjktakëy, ja teetyëjkëty winjëpom tyëkëtë ma ja mëjëwyiimpë ja tëkotën, mëti'ipë wa'atstëkot xyëëwajtypyën ets ja Tios ja wyintsë'kën tmo'otë.

1 Samuel 2:28

E ma tëkokyë yë Israel ja'ayëtyën, mijts ojts nwin'ixtë etsës xymyëtuntëty ets mteety'atëty. Xyaktëty ja wintsë'kën ets xynyino'oktëty jam ma ja wintsë'këntyaknën, xyajtoytyëty ja poom ets xëmë xymyëët'atëty ja mwitëty mëti'ipë mëteety'atëpën ëjts nwintuuyës. Ojts näjyëtu'un nmo'oyës yë m'ap m'okëty ja jë'kxy pëky tä ja tsyu'utyën mëti'ipë myëmiintëpën ja Israel ja'ayëty ets yë'ë tsu'utstëty tjë'kxtëty.