Lucas 1:67 - Biblia Mixe de Quetzaltepec

⁶⁷ Tääts ja Zacarías ja Tios yajkajpxë ko ja Kënu'kxymyëkajtën tyuktëjkëyë, ets y'ënäny jëtu'un tä tu'uk ja käjpxynyajxpën:

Biblia Dc en Mixe de Quetzaltepec

⁶⁷ Tääts ja Zacarías ja Dios yajkajpxë ko ja Kënu'kxymyëkajtën tyuktëjkëyë, ets y'ënäny jëtu'un tä tu'uk ja käjpxynyajxpën:

Lucas 1:67 ပူးပေါင်းရင်းမြစ်များ

Joel 2:28

Ko ënäty jëtu'un të tyuny të jyätyë, täätsës nëjkx nyajkëtä'äky yë nmëk'ajtënës ma nitëkokyë ja'ayëtyën: yë m'u'unk m'ëna'këty ye'etyëjkpë ets to'oxytyëjkpë nëjkxëp yë n'ayukës tkajpxnaxtë ma miitsëtyën; yë mëjja'aytyëjk nëjkxëp mya'atë pyo'kxtë ets ëna'ktëjkëty oyëty nëjkx wyikëma'atë.

Lucas 1:41

Ko ja Isabel tmëtooy ja Maria kyajpxpo'kxyë, tää ojts ja y'u'unk tjawë y'ëti'itsy jyootjoty ets ja Isabel ja Kënu'kxymyëkajtën ojts tyukëtä'äkyë.

Lucas 1:15

Yë'ë ko mëj'äämpy ja m'u'unk y'ita'any Wintsën wyintuuy. Ka'ap yë tsatsym nyëë nëjkx t'uuky, ni wiinkpë mëknëë. Naamka'anëm ënäty myiny yaa naaxwiiny ets ja Kënu'kxymyëkajtën myo'ojëtëty ja winma'any ets ja mëk'ajtën.

2 Pedro 1:21

Jä'ä ko ka'ap ja kyäjpxynyajxpëtëjk ojts yë'ë tnikajpxtë mëti'ipë kë'ëm myääytyëp tyajtëpën, kënu'kxymyëk'ajtën ojts winma'any myo'ojëtë.

2 Samuel 23:2

Yë Wintsën yë myëk'ajtën y'oyajtën jëtu'un y'ënä'äny maas ëjtsën; yë'ë kë'ëm ja aaw ayuk të tpëjktä'äky maas ëjts ja nyä'änën.

Números 11:25

Ënät ja Tios ojts jatëkok jap kyëtä'äky yootsjoty ets mëët ja Moisés myëtyäky. Ojts tpëky wäänë ja mëk'ajtën oyajtën ma ja Moisésën ets tmooy jä'ä ja mëjja'aytyëjkëty ja nitëkë'px majkpë. Ko ojts ja mëk'ajtën oyajtën tyukja'tëtë ja mëjja'aytyëjkëty, ënät tyëjkëtyë mëtyakpë tä jeexyë kyäjpxynyajxpë'atën. Je'eyë jëtu'un ets ka'ap ojts ok y'ëkkajpxnëtë.

Hechos 2:4

Ets ja Kënu'kxymyëkajtën myooyëtë ja winma'any ets ja mëk'ajtën jëtu'un ijxtëm ënäty japëtyën ets tuntëty tkajpxtëty mëti'ipë ja Tios tsyojkpyën, ets ja ayuk wiinkëtypë ojts tkajpxtë wi'ixjaty ja Kënu'kxymyëkajtën myooyëtën.

Hechos 2:8

¿Wi'ixën ya'atë ja'ayëty jëtu'un kyajpxnëtë ijxtëm ëëtsajtëmën?

Hechos 9:17

Tääts ja Ananías ojts tninëjkxy ja Saulo. Ko tëkoty tyëjkëy, tää ojts tkë'ënixajy ets t'ënëmaay: Mëku'uk Saulo, Wintsën Jesúsës të xykyexy, mëti'ipë ojts xy'ixyën tu'ujotm. Të xykyexyës ets mijts jatëkok m'ijxpëkëty ets ja Kënu'kxymyëkajtën xy'ëxajëty.