Lucas 1:51 - Biblia Mixe de Quetzaltepec

⁵¹ Tëë ja myëk'ajtën tyaj'ixyë, tëë tyaj'atëkoy mëti'ipë ënäty të tjatuknipëjktaakëtën ja mëjpë këjxmëpë jyä'äy'atën.

Biblia Dc en Mixe de Quetzaltepec

⁵¹ Tëë ja myëk'ajtën tyaj'ixyë, tëë tyaj'atëkoy mëti'ipë ënety të tjatuknipëjktaakëtën ja mëjpë këjxmëpë jyä'äy'atën.

Lucas 1:51 ပူးပေါင်းရင်းမြစ်များ

Génesis 11:8

Jëtu'un'äämpy ojts yë Tios tyajye'eywya'kxta'ay ja ja'ay naaxwiinyëtë apëtsëmy ets ojts t'ëxmajtsnëtë ja kajpn mëti'ipë ënäty të tkojtsoontën.

Génesis 6:5

Ko jëtu'un ja Tios t'ijxy ko ja naaxwiinyëtë ja'ay tyëkooynyë ets je'eyë xëmë tmëmaay tmëët'ajnë wi'ix pyokytyunëtyën.

Génesis 8:21

Ko jyä'äjty ja xu'kën janty'oy jam Tios wyintum, ënät y'ënäny yë Wintsën: Nijëna'ajës yë naaxwiinyëtë jëtu'un nka'ëkpojknëty mëët ko ënäty yë naaxwiinyëtë ja'ay pyokymyëët'atë. Jä'ä ko yë naaxwiinyëtë ja'ay mutsknëm jëtu'un tmëtso'ontaakëtë tuuntëko'oy kajpxtëko'oyën. Yë jëyujkëty nän ka'apës nëjkx n'ëkyajkutëkooynyë, ijxtëm tyam të jyäty të kyëpetyën.

Salmos 118:15

Ma wa'ats ja'aytyëjk ja jyëën tyëjkëtyën ëëwtëp xoontaktëp jap, jä'ä ko të myëta'aktë:: Yë Wintsën yë myëk'ajtën yë'ë të myëtä'äky.

Salmos 33:10

Yë Wintsën yë'ë yajijtääpy yajma'tääpy yë winma'any mëti'ipë yë naax kajpn të tjatuknipëjktaakëtën ma ja'ayëtyën ka'apë Wintsën t'ëwtatën.

Salmos 52:9

Tios, kë'ëyxyëëw kë'ëyjyëmëjtës nkukajpxëja'any ma mijtsën mëët ko oy winë xytyuny; mijts xëmë n'ëwxitäämpy ma ja'ayëtyën mëti'ipë wa'ats juuky'ajtëpën, jä'ä ko mijts janty'oy janty tsuj mTios'aty.

Salmos 63:5

Täätsës jëtu'un nnäjyawëtëty janty akëtä'äky janty jotkëtä'äky, jëtu'un tä yë ja'ay akëtä'äky jotkëtä'äky nyäjyawëtyën ko kyäy y'uuky, ets ja n'aaw nyä'änës mëjpëjkta'akëtëty mëët ja xoontakën.

Salmos 89:10

ojts xykyutä'änë'ëky yë jëyujk mëjëtypë nëëjotypë y'itën, tä o'kpën, ojts xy'awojpwa'kxta'ay yë mëtsiptëjk mëët yë mmëjajtën.

Salmos 89:13

Yë mmëkajtën maayëp winë, yë m'a'oykyë'ë mëk yë'ë ets mëtakp oymyaajëty.

Salmos 98:1

Tukwin'ëwtë ja Wintsën ja ëy yä'äxy jempyë, jä'ä ko mëj këjää myëj'ajtën të tyaj'ixyë. Tëë myëtä'äky jam tsipjotm mëët ja myëk'ajtën ets ja kyutujkën wa'atspë.

Éxodo 18:11

ma ënäty o'ktëy mjatën mkëpätën. Tyamës ënät yajxon njanty nyijawë ko yë Tios mëj yë ni'ik, këtiinëm jyëtu'unëty yë wiinkëtypë tiosëty tääpë myäjyatëtën.

Isaías 40:10

Mëët yë mëk'ajtën ja Wintsën myiny, yë'ë winë të tmëmëtakta'ay mëët ja myëk'ajtën ets mëët ja kyë'ë. Ja nyaax kyajpn jä'ä yajmiimpy mëti'ipë të tyaj'ëwaatsëpëtsëmyën, mëti'ipë jeky të y'ityën wojpë'ëky käjpë'ëky.

Isaías 51:9

Pëtë'ëk, ëkma'aypyëtë'ëk, yajpëtë'ëk ja mkë'ë m'aaw Wintsën, ëkpëjkta'ak ja mmëjaaw; ma'aywyij jëtu'un tä ojts mma'aywyijyën tëëyëp. Ko xyajkutëkooy ja Rahab, mëti'ipë ënäty jëtu'unën tä tu'uk mëj jëyujkën nëëjotypë.

Isaías 52:10

Tëë ja naax kajpn tnija'awëtya'atë wi'ix ja Wintsën ja myëj'ajtën të tyaj'ixyën. Jëkämpaat ets naaxwiinyëtë apëtsëmy yajnijawë ko ja Wintsën të xyajnitsokëmë.

Isaías 63:12

mëti'ipë ja Moisés tyukpanëjkxën oy tyimmaajëty ja kyënu'kxyajtën, mëti'ipë yajwa'kxën mäjtskpëky ja mëjnëë ets ja nyaax kyajpn të'ëts wa'ats tyajnajxy ets y'awinpijty mëj'äämpy oy tyimmaajëty,

Jeremias 49:15

Wäänë mutsk mijts nyaj'awinpita'any ma naax kajpnën, ëxëëk nëjkx ja'ay m'ixyë.

Daniel 4:37

E tyamts ënät, ëjts Nabucodonosor, nmëjja'aw njaantyjya'apës ets ntukxoontäkpyës yë yajkutujkpë tsajpjotmëpë, jä'ä ko tëkokyë mëti'ipë tyuunpyën aak mëtëy yë'ë ets wa'ats ets yë'ë yajnaaxkëtäkpy yë ja'ay mëti'ipë mëj këjxm näyajnaxanëpën.

Romanos 1:21

Oy ja Tios të tja'ixtë, ka'ap të tmëjjaw të tjaantyjyawëtë ijxtëm ja Tios mëpaat yajmëjpëjktä'äkyën, ni të tkamo'otë ja kukajpxën. Ni'ikyë jëëmpit winë të tuntë, aakjä'ä të tmëmay të tmëtajtë ka'apë tyuunëtyën, jëtu'un ja tsyuuwinma'any të yajwë'ëmëtë ijxtëm ja ja'ay kupi'its kukoots y'ityën.

2 Corintios 10:5

ets tëkokyë ja mëj këjxmëpë ja winma'any mëti'ipë y'ëtujkpyën ets ka'ap tyu'uye'eyëty ja Tios ja myëk'ajtën. Tu'kë'ëyë ja ëxëëk winma'any jamës npëjktakta'atë ma ja Kristën ets yë'ë tmëmëtowtëty,

Deuteronomio 4:34

¿Jää jëtää muum wiinkpë wintsën mëti'ipë yë naax kajpn të twin'ixyën ma kanaak yajpaatën, mëët kanaak ja ëyo'on jotmay, mëj'ajtën, ko tii tyunyë jyätyë; tsip käjpxy, tyaj'ixyë ja myëj'ajtën ets jëtu'un winë tyajtuny tyajjatyë atsë'ëk ajawë; ijxtën winë të tunyën ma miitsëtyën ets mëët miitskyëjxmëty ja mWintsën Tios jap Egiptë?

1 Pedro 5:5

Näyjyëtu'un miits ëna'ktëjkëty, mëmëtowtëp ja mëjja'aytyëjk ja y'ënä'ämën tyiyajtënëty. Nixim niyam mëpaat yu'unk naxym mnämyëmëtowëtë. Jä'ä ko yë Tios ka'ap t'oyjyawë mëti'ipë nämyëjja'aw näjyääntyjya'awëyëpën, yë'ë pyutëjkëp mëti'ipë yu'unk naxym ja'ay'ajtëpën.

Apocalipsis 18:8

Paaty yë'ë, tu'kxëëyë nëjkx yë mëj ëyo'on tyukja'tyë: ja o'kën, ja jotmay, ja yuu xëëw ets yajnino'okëty; jä'ä ko ja Wintsën ja mëk'ajtën tmëëtëty paaty yajtëytyuna'any.