Lucas 1:37 - Biblia Mixe de Quetzaltepec

³⁷ Tios, ka'ap tii tyajtsiptä'äky.

Biblia Dc en Mixe de Quetzaltepec

³⁷ Dios, ka'ap tii tyajtsiptä'äky.

Lucas 1:37 ပူးပေါင်းရင်းမြစ်များ

Génesis 18:14

¿Jä'ä jëtää winë mëti'ipë Wintsën tsip jya'awëpë? jajëmëjt jatëkok yaa min nku'ix nkukajpxëtë. E yë Sara jajëmëjt nëjkx tpaaty t'ixy yë u'unk maay.

1 Reyes 17:16

Ka'ap kyijxy ja tsajpmokjëtsy, näjyëtu'un ja on japë tu'tsjoty tyaj'ityën, jëtu'un ijxtëm ënäty ja Wintsën të tuknikäjpxyën ja Elías.

2 Reyes 3:18

Tyaapë tyäty wäänë yë'ë mëti'ipë yë Wintsën tyunäämpyën, jä'ä ko yë'ë ëpëky tkë'ëyaka'any ma miitsëtyën yë Moab ja'ayëty,

Job 13:2

Mëti'ipë miitsëty mnija'awëtëpën, nija'apës näjyëtu'un; ka'ap tjëkyepy miits m'ëna'antëty ko ni'ik winë xynyijawëtë këtiinëm ëjts.

Jeremias 32:17

Mijts Wintsën, mëët ja mëk'ajtën ets ja kutujkën të xyajkojy ja tsajp ets naaxwiinyëtë, ka'ap nitii tsip xyjyawë.

Jeremias 32:27

Ëjts jëtu'un Wintsënajtp, mëti'ipë Tyios'ajtëpën tëkokyë juukpyë. Nitii kyatsiptä'äky mëët ëjts.

Zacarías 8:6

Jä'ä xëëw tsip yë ja'ay t'ixtëty mëti'ipë ënäty të jyaakwë'ëmtën maas yë nnaax nkajpnën; e ëjts ka'apës tsip n'ixa'any. Ëjts Wintsën, mëti'ipë maaytyääyëpën winë, ëjts ënaanp:

Números 11:23

Ënät ja Tios y'ëtsoowë: ¿Tii janty yi'inëm xy'ixy ëjts yë nmëk'ajtënë? M'ixëp ko jëtu'un tyunëtëty jyatëtëty, mëti'ipës të nikäjpxyën.

Mateo 19:26

Tääts ja Jesús wyintë'kxëtë ets y'ënëmaayëtë: Yë ja'ay wä'än jëtää ka'ap myäyëtëty, yë Tios tii kamaayëp.

Marcos 10:27

Tääts ja Jesús ojts wyintë'kxëtë ets y'ëtsoowëtë: Yë ja'ayëty tsip yë tjawëtë, yë Tios ka'ap tiitsip tjawë; jä'ä ko yë'ë maaytyääyëp winë.

Lucas 1:36

Näy pyatäämpy ja mtsëkuu Isabel tu'uk ja u'unk, oy tëë jyamëjja'ayënë; mëti'ipë ijty tyijtëpën ko ka'ap tjëkyepy y'u'unk'ixëty, tam tyam ja mëxu'unk tnëkëjxm'aty mëtuktujk tyam ja pyo'o.

Lucas 1:38

Tääts ja Maria y'ënäny: Wintsënës ëjts nmëtuumpy, wa'an jëtu'un tunyë tjatyë ijxtëm ja Tios të tuknipëjktaakën ma ëjtsën, ijxtëm të xynyëëmënës. Ënät ja tsajpjotmëtë kukäjpxy ojts nyëjkxnë.

Lucas 18:27

Ënät ja Jesús y'ënëmaayëtë: Mëti'ipë ka'ap ja ja'ay myäyën, yë Tios maayëp yë'ë.

Filipenses 3:21

mëti'ipë ja ni'kx'ajt nkopk'ajtëm yajtëkatsäämpyën ets yë'ë xymyo'oja'anëmë ja kyë'ëm nini'kx mëti'ipë mëj'ajtën jaanty'ajtën myëët'ajtypyën ets tyunäämpy mëët ja myëk'ajtën mëti'ipë myëët'ajtypyën ets tmëmëtakta'ajëty oy tyimtiijëty.