Lucas 1:30 - Biblia Mixe de Quetzaltepec

³⁰ Tääts ja tsajpjotmëtë kukäjpxy y'ënëmaayë: Maria, këtii mtsë'ëkëty. M'oyjya'awëyëp mijts yë Tios.

Biblia Dc en Mixe de Quetzaltepec

³⁰ Tääts ja tsajpjotmëtë kukäjpxy y'ënëmaayë: Maria, këtii mtsë'ëkëty. M'oyjya'awëyëp mijts yë Dios.

Lucas 1:30 ပူးပေါင်းရင်းမြစ်များ

Génesis 6:8

Yë Tios ojts tni''ijxkëtä'äky tu'uk yë ja'ay mëti'ipë xyëëwajtën Noé, yë'ë oy ënäty yë Tios tmëtuny.

Isaías 41:10

Këtii mtsë'ëkëty, ëjts yajpatpës ma mijtsën, ëjts mijts xyTyios'ajtp. Ëjts mijts nmëjaawmoopy ets nputëjkëp, mëëtës ja nkë'ë nmajts'ity ets xëmë mmëta'akëty.

Isaías 41:14

Jëtu'un yë Wintsën y'ënä'äny: Mijts Israel, Jacob yë nyaax kyajpn, oy mutskëty ets mxyëëpëty, këtii mtsë'ëkëty, tyam mputëkëty. Ëjts Wintsën, wa'atspë yajpaatyën ma Israel ja'ayëtyën, ëjts mijts xynyitsokpë'ajtp.

Isaías 44:2

Ëjts jëtu'un Wintsënajtp, mëti'ipë ojts myajkojyën, mëti'ipë ojts m'oytyunyën ka'anëm ënäty mëxu'unk'atynyëm ets mëti'ipë mputëjkëyëpën. Këtii mtsë'ëkëty mijts Jesurún, mëti'ipës të nwin'ixyën.

Mateo 14:27

Tääts ja Jesús y'ënëmaayëtë: Jotmëk yajpaatë. Ëjts yë'ë. Këtii mtsë'ëkëtë.

Mateo 28:5

Ënät ja tsajpjotmëtë kukäjpxy t'ënëmaay ja to'oxytyëjktëjkëty: Këtii mtsë'ëkëtë. Nija'apës ko miitsëty Jesús m'ixtaaytyëp mëti'ipë ojts ja ja'ay yajkruutspetyën.

Lucas 1:13

Tääts ja tsajpjotmëtë kukäjpxy y'ënëmaayë: Zacarías, këtii mtsë'ëkë, tëë ja Tios tmëtoy ko xyjyä'äymyetsy, pyatäämpy ja mto'oxytyëjk Isabel tu'uk ja y'u'unk mëti'ipë mtukxëëwatëpën Juan.

Lucas 12:32

Këtii mtsë'ëkëtë, oy miits mja'itë ijxtëm niwäänëpë ja kupixynyën, ja Tios mëët ja y'oyjyot y'oywyinma'any tëë tuknipëjktaakë ko mo'oja'anëtë ja kyutujktakn.

Hechos 27:24

Etsës të xy'ënëëmë: Këtii mtsë'ëkëty Pablo, jä'ä ko kopkpëky ko xywyinkuwa'akëja'any ja yajkutujkpë ets näjyëtu'un ja Tios të y'ënä'äny ko nitu'uk kya'ooka'any mëti'ipë mëët myajpaatyën jap kepy nëëwinye'epyëjoty.

Romanos 8:31

¿Tii ënät njaaktimkyajpxmëp? Pën Tios mëët ëëtsajtëm, ni pën xykyamëmëtakmëty.

Hebreos 13:6

Paaty ëëtsajtëm jyëkyejpy n'ëna'anmëty akujk jotkujk: Yë Wintsën yë'ëjës xypyutëjkëp, paatyës ka'ap ntsë'ëkë. ¿Wi'ixës yë ja'ay xynyatunëty?