Lucas 1:28 - Biblia Mixe de Quetzaltepec

²⁸ Tääts ja tsajpjotmëtë kukäjpxy tyëjkëy ma ja Maria ënäty jap y'u'unyën ets t'ënëmaay: Tios mkënu'kxëtëp Maria, ni'ik mijts ja Wintsën mtsokyë, Tios mijts mëët myajpaaty.

Biblia Dc en Mixe de Quetzaltepec

²⁸ Tääts ja tsajpjotmëtë kukäjpxy tyëjkëy ma ja Maria ënety jap y'u'unyën ets t'ënëmaay: Dios mkënu'kxëtëp Maria, ni'ik mijts ja Wintsën mtsokyë, Dios mijts mëët myajpaaty.

Lucas 1:28 ပူးပေါင်းရင်းမြစ်များ

Isaías 43:5

Këtii mtsë'ëkëty, ëjts mijts nkuwa'anäämpy. Wä'än tjamëty ma xëëw pyëtsimyën ets ma xëëw kyëtä'äkyën; nyajwinpitäämpyës jatëkok yë mja'ay ets jatëkok tyu'ukyëtëty.

Daniel 10:19

etsës të xy'ënëëmë: Këtii mtsë'ëkë ets këtii mmay mtajy. Yë Tios yë'ë mtsojkëp; jotmëk myajpaatëty ets këtii mkumay mkutajë. Tamës ënäty jëtu'un xymyëmëtyä'äky, koos jatëkok të näjyawëty nmëkpëky, etsës të n'ënëëmë: Wintsën, mëëtmëtyakës, tëëjës jatëkok yë nmëk'ajtën xymyo'oy.

Oseas 14:2

Wimpitë ma Wintsënën ets jëtu'un xymyëkajpxtëty: Mä'kx yajnitëkoy ëëts yë nnëë npokyëty ets ëxajë kupëk ya'atë aaw ayuk ma mijts myajmëjjaw myajkënu'kxyjyawën.

Mateo 12:48

Tääts ja Jesús y'ëtsooy: ¿Pës ntaak'ajtypës ets pën nmëkä'äx'ajtypës?

Lucas 1:27

ets tku'ixëty ja to'oxy'ëna'k ka'apë ye'etyëjk tmëët'atynyëmën, mëti'ipë xyëëwajtypyën Maria. Ajaaymyuky ënäty y'ijnë ets ja José tmëëtsëënëja'any, yajkutujkpë David y'u'unk y'ok.

Lucas 1:29

Ko ja Maria tmëtooy ko ja tsajpjotmëtë kukäjpxy jëtu'un y'ënë'ëmxëty, mëjmëtoy ojts tpëjktä'äky ets twinmaay twintajy wi'ix nyiwijy ja kajpxpo'kxën.

Lucas 1:30

Tääts ja tsajpjotmëtë kukäjpxy y'ënëmaayë: Maria, këtii mtsë'ëkëty. M'oyjya'awëyëp mijts yë Tios.

Lucas 1:42

Ënät mëk y'ënäny: Tëë mijts ja Tios wäänëni'ik mkënu'kxyë këtiinëm ja to'oxytyëjk ni'ëmukë ets näjyëtu'un ja m'u'unk tëë yajkënu'kxy.

Hechos 18:10

Tyaajës nyajpaaty mëët mijts, ka'ap pën wi'ix mtunëtëty. Mëj ja nkajpnës jää yaa yajpaaty ma ya'atë kajpnën.

Efesios 1:6

Paaty xëmë ja Tios nmëjja'aw njaantyja'awëmë jä'äkyëjxm ko ja mëjmëyajtën të xynyamo'oyëmë mëët ja y'u'unk, mëti'ipë ni'ik tsyojkpyën.

Jueces 5:24

Kënu'kxy ets jotkujk y'itëty yë Jael ma to'oxytyëjktëjkëtyën, yë tyo'oxytyëjk yë Éber ja quenitëja'ay. Kënu'kxy nëjkx y'ity ma tsyënaaytyaknën yë Israel ja'ayëty.

Jueces 6:12

Ënät ja Wintsën ja kyukäjpxy nyipëtsëëmë jam ets y'ënëmaayë: Yë Wintsën yë'ë tyam yajpatp ma mijtsën, jotmëkja'ay.

Rut 2:4

Tam ënäty tyuntë ja ja'ayëty ko ja Booz jyä'äjty ets tkajpxpo'kxtaay ja tyuunpëtëjk. Wi'ix jyäty kyëpety mëku'uktëjkëty, Tios mkënu'kxëtëp. Näyjyëtu'un mijts, Tios mkënu'kxëtëp. Jëtu'un y'ëtsoowtë ja tuunpëtëjkëty.