Lucas 1:11 - Biblia Mixe de Quetzaltepec

¹¹ Ënät ja Zacarías ojts ja Tios ja y'anklës t'ijxpaaty, jap tyänë aka'any'äämpy ma ja wintsë'këntyaknën, ma poom tyoyën.

Biblia Dc en Mixe de Quetzaltepec

¹¹ Ënet ja Zacarías ojts ja Dios ja y'anklës t'ijxpaaty, jap tyänë aka'any'äämpy ma ja wintsë'këntyaknën, ma poom tyoyën.

Lucas 1:11 ပူးပေါင်းရင်းမြစ်များ

Levitico 16:13

Jap t'apëkëty ja poom ma ja jëënpajkën jam Tios wintum, ja jok mëti'ipë jap pëtsëëmpën yë'ë nyijok nyiwiixëp ja kaaxë akë'ë, këtiipë ja Aarón y'ookëty.

Lucas 1:19

Tääts ja tsajpjotmëtë kukäjpxy y'ëtsooy: Gabrielës ëjts, Tiosës y'ënä'ämën npatuunëp; yë'ëjës të xykyexy ets mijts n'ëwaanëty ya'atë aaw ayuk oypyë.

Lucas 1:28

Tääts ja tsajpjotmëtë kukäjpxy tyëjkëy ma ja Maria ënäty jap y'u'unyën ets t'ënëmaay: Tios mkënu'kxëtëp Maria, ni'ik mijts ja Wintsën mtsokyë, Tios mijts mëët myajpaaty.

Lucas 2:10

Tääts ja tsajpjotmëtë kukäjpxy y'ënëmaayëtë: Këtii mtsë'ëkëtë, aaw ayukës oypyë nmëmiinpy mëti'ipë ja'ay ni'ëmukë tyukxoonta'aktëpën.

Lucas 2:9

Ajotkumonë ojts tu'uk yë Wintsën yë y'anklës nyänyikëxë'ëkyë ma ënäty jam yajpaatën ets ja Wintsën ja myëj'ajt y'oyajtën tyë'kxkeky na'ëwtityë ets tsyë'këtyë.

Hechos 5:19

Tu'uk ojts ja Wintsën ja y'anklës myiny ets ja pujxntëjk tyaj'ëwatsy ets pyëtsëëmtë. Tääts y'ënëmaayëtë:

Hebreos 1:14

Jä'ä ko ja tsajpjotmëtë kukäjpxy aak poj yë'ëjëty mëti'ipë Tios myëtuuntëpën ets yë'ë yajkäjxtëp ets nëjkx tputëkëtë mëti'ipë ja nitsokën të yajtukumaytyën.

Apocalipsis 9:13

Tääts ja mëtëtujkpë tsajpjotmëtë kukäjpxy tukxuxy ja pyujxn xuxn etsës nmëtooy ja ayuk ma ja pu'ts pujxn wintsë'këntyaknën, ma ja majktaxkpë ja tyäkën, mëti'ipë Tios wyintum yajpatpën.

Jueces 13:3

Ënät ojts tëkok tu'uk yë Wintsën kyukäjpxy nyikëtä'äkyë ets y'ënëmaayë: Mijts ka'ap të tjëkyepy yë u'unk maay xypyaatëty xy'ixëty, e tyam yë'ëts yam ntuknijawëjäämpy ko mijts mpatäämpy m'ixäämpy tu'uk yë u'unk maay.

Jueces 13:9

Tios ojts tjanty y'ëtsowinpity ja Manoa ja pyëjktso'owën, ojts ja Wintsën ja kyukäjpxy nyänyikëxë'ëkyë ma ja Manoa ja tyo'oxytyëjkën, jam ënäty kamjotm yajpaaty. E komë yë Manoa ka'ap ënäty jam,