Levitico 9:9 - Biblia Mixe de Quetzaltepec

⁹ Tä ojts ja y'ëna'k näjyëtu'un tmëmintë ja ne'pny, tääts ja Aarón tpaxajjë'ky ets ojts tukuutsy ja wintsë'këntyakn ja wyaj, e ja mëti'ipë ojts nyatëkën jam ojts txijkxjëtity ma ja wintsë'këntyakn ja pya'tkën.

Levitico 9:9 ပူးပေါင်းရင်းမြစ်များ

Ezequiel 43:15

Ja wintsë'këntyakn jä'ä y'ayenyëty tu'kxajpk ja tu'kkë'ënux, ma ja tyäkën ojts tpëjktakëtë wyaj taxkpëky.

Ezequiel 43:20

Ënät nëjkx ja nye'pny wäänë xypyëjkë ets xytyuknijaaxëty ja wintsë'këntyakn ja nyiwaj ets ja tyäk taxkpëky ets ma ja nyi'awitsën. Jëtu'un nëjkx wa'ats wyë'ëmta'ay mëët ja nëë poky.

Levitico 16:18

tääts pyëtsëmëty ets nëjkx ja näypyuj näjyä'ätsë tpaaty jam ma wintsë'këntyaknën mëti'ipë jam ijtpën Tios wintum. Tääts tpëjkë'ëkëty wäänë ja ne'pny ets tukuutsëty ja wintsë'këntyakn ja wyaj ets txijkxjëtitëty näjyëtu'un ma ja pya'ajën;

Levitico 4:25

Tääts ja teety wäänë ja ne'pny tukpatijëty yë kyë'ë ets txijkxjëtitëty jam ma ja wintsë'këntyakn ja nyiwajën, ma ja jëyujk nyitoytyën. E ja ne'pny mëti'ipë ënäty jaaknatëjkëpën jam txijkxjëtitëty ma ja wintsë'këntyakn ja tyënaaypyäjnën.

Levitico 4:30

Tääts ja teety ja kyë'ëjëjp mëët tukpaatëty ja ne'pny ets tukuutsëty ja wintsë'këntyakn ma ja jëyujk yajnino'oktën. E ja ne'pny mëti'ipë natëjkëpën jam txijkxjëtitëty ma ja wintsë'këntyakn yë tyekyën.

Levitico 8:15

Ënät ja Moisés ojts ja tsajpkaa tyaj'ooky ets ojts ja nyine'pny tpëjkëyë, ja ne'pny jam ojts txijkxëtity ma ja wintsë'këntyakn ja nyiwajën ets wa'ats wyë'ëmëty. Jä'ä ja ne'pny mëti'ipë ojts nyatëkën, jam ojts txijkxëtity ma ja wintsë'këntyakn ja nyitekyën ets kënu'kxy wyë'ëmëty ets jam ja pokymyä'kxën yajpaatëty.

Levitico 9:10

E ja jëyujk ojts tnino'oky jam ma ja wintsë'këntyaknën, mëët ja tyiinty ets ja on mëti'ipë nyiwits'ajtypyën ja myääts. Jä'ä jëtu'un ja jëyujk mëti'ipë ënäty wintsë'kën'ataanpën mëët pokykyëjxm, jëtu'un tä ënäty ja Tios të tni'ënä'ämën.

Levitico 9:12

Aarón ojts näjyëtu'un tyo'kumy ja jëyujk mëti'ipë ënäty yajnino'okaanpën, tä ja y'u'unk y'ëna'k tmëmiintë ja ne'pny ets ja Aarón ojts txijkxjëtity jam ma ja wintsë'këntyakn ja pya'ajën.

Levitico 9:18

Aarón ojts ja tsajpkaayä'äy tyo'kumy, näjyëtu'un ja kupixyny yä'äy mëti'ipë ja Israel ja'ayëty yajktëpën ets ja nay'ëëw'oy näykyajpx'oyë tuntë. Tä ja ne'pny ojts ja y'u'unk y'ëna'k tmëmintë ets ja Aarón ojts txijkxjëtity ma ja wintsë'këntyakn ja pya'ajën.

Hebreos 2:10

Tu'kë'ëyë mëti'ipë jää'ajtpën aak Tios jyä'ä'ajtääpy ets yaj'ijtääpy, jä'ä ko tsyojkpy ets ja y'u'unk y'ëna'k näjyëtu'un tpaatëty ja myëj'ajtën y'oyajtën; Tios ojts tyaj'awinpity ja Jesukristë wa'ats ko y'ëyooy, mëti'ipë të yajnitso'okëtën.