Levitico 9:22 - Biblia Mixe de Quetzaltepec

²² Ja Aarón ojts tkë'ënikony ja Israel kajpn ets ojts tkënu'kxy, ko ojts jëtu'un tkë'ëyajkta'ay ja wintsë'kën tä ojts jam jyënäky ma ja wintsë'këntyaknën.

Levitico 9:22 ပူးပေါင်းရင်းမြစ်များ

1 Reyes 8:55

ënät wya'akë'ky ets ojts tkënu'kxy ja naax kajpn mëti'ipë jam të tyu'ukmuktën ets y'ënäny:

1 Crónicas 23:13

Amram jä'ä y'u'unk y'ëna'k xyëëwajtë: Aarón ets Moisés. Aarón yë'ë Tios win'ijxë ets yë'ë xëmë tyakëty ja wintsë'kën ëmaaypyë ma Wintsënën; yë'ë yajtoyëp ja poom, yë'ë kajpxta'akëp ma ja kënu'kxën xëmë t'amëtowëtyën, ja tuunk mëti'ipë ojts yajtukmëwë'ëmtën tuntëty xëmë mëët ja y'u'unk y'ëna'k.

2 Crónicas 6:3

Tä ja yajkutujkpë t'ijxy ja mayjyä'äy ets ojts tkënu'kxy

Salmos 72:17

Wä'än yë yajkutujkpë yë xyëëw xëmëkyëjxm t'ity; wä'än jëtu'un tjeky yë myëj'ajtën ets xyoontakën tä xëëwën. Wä'än kanaak yë naax kajpn t'itë kënu'kxy mëët yë'ëkyëjxm. Wä'än tëkokyë yë naax kajpn yajnimëtya'aktë akujk jotkujk.

Éxodo 39:43

Ko ja Moisés t'ijxy, ko ja ja'ayëty mëj këjää të tyuntë, ënät ojts ni'ëmukë tkënu'kxta'ay.

Números 6:22

Ënät yë Tios ojts yë Moisés tmëkäjpxy ets t'ënëmaay:

Marcos 10:16

Ënät ja Jesús ojts ja pi'k ëna'k tmëjwoy, ets ojts tkënu'kxy, je'eyë ja kyë'ë tuknikony.

Lucas 24:50

Tääts ja Jesús ojts wyoowpëtsëmëtë jam kajpnjotm, Betania ojts wyoownëjkxëtë. Ënät ojts kyë'ënixajëtë ets kyënu'kxëtë.

Hechos 3:26

Ko ja Tios tyajjuukpyijky ja y'u'unk, jëyëjp ojts miits mtuknikäxëtë ets mkënu'kxëtëty ets xy'ëxmatstëty ja m'ëxëëktu'un m'ëxëëk kajpxënëty.

2 Corintios 13:14

Ja myëj'ajt y'oyajtën ja nwintsën'ajtëm Jesukristë, ja Tios ja tsyojkën jya'awën ets ja Kënu'kxypyë ja Mëk'ajtën wä'än tyajpaaty ma miitsëtyën ni'ëmukë.

Deuteronomio 10:8

Ënät ojts yë Wintsën twin'ixy yë Leví y'u'unk y'ëna'k ets yë'ë tkë'ëtëty ja kaaxë mëti'ipë myë'ijtypyën ja käjpxytyu'unën ets tukwinkukëyëtëty ja Wintsën, ko tii wintsë'kën yajmo'oja'anëty, ijxtëm tyampaat tuntën.

Deuteronomio 21:5

Ënät ja Leví ja'ayëty mëti'ipë teety'ajtëpën wyinkontëty ma Wintsënën, mëti'ipë ja Wintsën të wyin'ixëtën ets jap yajpaatëty ma ja Wintsën yaj'ëwtatyën ets yajmëtunyën. Yë'ë ja kënu'kxën yajnaxtëp mëët ja Wintsën ja xyëëw ets tnikajpxtëty tii mëpaat yajtunyën, oy ënäty pën jyajoot'anpëky, ëkë wi'ix jya'ëna'any.

1 Pedro 3:9

Këtii ëxëëk xyajwinpitëty ko pën nitu'ukën kyamëta'akëty ëkë ko pën jam mwin'ëw mwinkajpxëtëty; këtii näjyëtu'un xy'atsoowinpitëty, wäänëni'ik ninu'kxta'aktë ets ja Tios kyënu'kxëtëty. Paaty miits ja Tios të mwootsowëtë ets jä'ä xytyuntëty ja oypyë ets ja kënu'kxën wäänëni'ik xypyaatëty.