Levitico 8:8 - Biblia Mixe de Quetzaltepec

⁸ Ojts näjyëtu'un nëkëjxy yajtukniwitsy ja katsyjyän, ma ja kyätsyjyänën jam ojts yajpëjktä'äky ja tsaa'u'unk mëti'ipë mëët winë yajnijawën.

Levitico 8:8 ပူးပေါင်းရင်းမြစ်များ

Esdras 2:63

Ojts näjyëtu'un ja yajkutujkpë kë'ëm y'ënä'äny ko ka'ap tyaapë ja'ay nëkoo tkaytyëty t'uuktëty ja jë'kxy pëky mëti'ipë kënu'kxy ijtpën, koonëm tëy ja teety t'ëk ijxpëtsëmëty mëët ja Urim ets Tumim täänëm yajnijawëty pën mëpaat'ajtp tii tjë'kxtë.

1 Tesalonicenses 5:8

e ëëts'ajtëmë, mëti'ipë xëëny juukyajtëmën, xëmë wijy kejy nyajpatmëty, näkyëwent'ajtemëp mëët ja mëpëjkën ets ja nätsyok näjyawë ets njëjp'ijxmëty ja nitsokën; jëtu'unts ntu'unmëty winë ijxtëm ja tsiptuunpë nyätyukujupyën ja pujxn kujup.

Efesios 6:14

Jëtu'un tu'ukyë ja mwinma'anymyëët'atë, nätyukxoxëtë ja tëypyë jaantypë ets yë'ë nätyukëwent'atëtë ja tëyajtën.

Isaías 59:17

Ko myëtäky, jëtu'un nyäjxy tä jeexyë të yajtuknijenyën pujxn nijän; ko tyajnaaxkëtäky ja nitsokën jëtu'un nyäjxy tä jeexyë pyujxnkujup të yajpëjktä'äkyën, ko tyaj'o'ktaay ja myëtsip jëtu'un nyäjxy tä jeexyë ja jyemwyit të yajtukxoxyën mëti'ipë yajkutujkpëtëjk pyëjktaktëpën ets ko jyoot'anpëjky jëtu'un nyäjxy tä jeexyë yë wit të nyätyukwinpityën.

Cantares 8:6

Xyaj'itëpës xëmë ma mjot mwinma'anyën, yaj'ijtkës xëmë ma mkë'ëpa'tkën. Jä'ä ko yë tsojkën ja'awën ka'ap jyëjpkëxy jyëjptuky; yë nätsyok näjyawë xëmë mëpaat juun nyäpyëjktä'äkyë. Yë tsojkën ja'awën Tios yë yäjkpy.

Números 27:21

Yë Josué nëjkxëp kë'ëm nyäwya'këxë'ëkyë ma teety Eleazarën. E yë Eleazar yë'ë kyajpxkëxë'ëkëp maas ëjtsën mëët yë Urim. Josué yë'ë nëjkx tni'ënä'ämë tii mëpaat tuntën yë Israel ja'ayëty.

Deuteronomio 33:8

Ënät ojts tkënu'kxy ja Leví mëët ya'atë aaw ayuk: Wintsën mijts mjä'ä'ajtyp yë tsaa'u'unk mëti'ipë mëët winë yajnijawën. Näyjyëtu'un ja ja'ay mëti'ipë oy mëtuunëpën, mijts mjä'ä'ajtyp, ja ja'ayëty mëti'ipë mwinma'any'ijxën jam Masá, ets ojts jam Meribá mëët mnäyajjoot'anpëkyë,

1 Samuel 2:28

E ma tëkokyë yë Israel ja'ayëtyën, mijts ojts nwin'ixtë etsës xymyëtuntëty ets mteety'atëty. Xyaktëty ja wintsë'kën ets xynyino'oktëty jam ma ja wintsë'këntyaknën, xyajtoytyëty ja poom ets xëmë xymyëët'atëty ja mwitëty mëti'ipë mëteety'atëpën ëjts nwintuuyës. Ojts näjyëtu'un nmo'oyës yë m'ap m'okëty ja jë'kxy pëky tä ja tsyu'utyën mëti'ipë myëmiintëpën ja Israel ja'ayëty ets yë'ë tsu'utstëty tjë'kxtëty.

1 Samuel 28:6

Paaty tyajtëëy ja Wintsën tii tyunëpën, e yë'ë ka'ap ja ojts y'ëtsoowinpityë. Ka'ap y'ëtsoowinpijtë kuma'ayjoty, ka'ap y'ëtsoowinpijtë mëët ja Urim ets nän ka'ap mëët ja Wintsën ja kyäjpxynyajxpë.

Nehemías 7:65

Yë'ëpaat ja yajkutujkpë ojts tni'ënä'ämë ets ka'ap ni pën kyäy y'uukëty ets ni pën tkajë'kxëty ja jë'kxy pëky mëti'ipë kënu'kxyën, koonëm yajxon yajnijawëty jënu'un wiinkëtä'äkyën mëët ja tsaa mëti'ipë ijty winë mëët t'ijxpëtsëmtën, mëti'ipë tyijtëpën Urim ets Tumim.

Éxodo 29:1

Ko pën xykyënu'kxëty mëti'ipë teety'ataanpën, ya'atë mtunëp: tu'uk xy'ixëty yë tsajpkaayä'äy ayääkë ets mäjtsk yë kupixyny yä'äy ayääkë, oypyë mëkpë ets kä'pxypë,