Levitico 8:7 - Biblia Mixe de Quetzaltepec

⁷ Ënät ja Aarón ojts ja wyit yajtukxoxy tänë xuypyë ets yajpëjktäky ja wyëën, tääts yajtukxojxy ja nyijän, ënät nëkëjxy yajpëjktäky ja kejky yä'äp ets tya'tspëjky mëët ja nyiwëën.

Levitico 8:7 ပူးပေါင်းရင်းမြစ်များ

Éxodo 28:2

Oytyun yë wyit tyujkxy yë m'ajty Aarón mëti'ipë oy tsuj yajkëxë'ëkëtëpën.

Éxodo 28:4

Ya'atë wit y'oytyuntëp: katsyjyän, kejky yä'äp, nijän, tëyxyuywyit mëti'ipë nëjkx tjo'oktën, kupit ets ja wëën.

Éxodo 28:6

Yë kejky yä'äp aak pu'ts pujxn mëët yaj'oytyunëty, ukywyit, tsu'unk wit, tsaptswit ets linë wit awiity ets oy jyo'oky'atëty.

Éxodo 29:5

Ko tsyiiwta'atëty tääts yë Aarón xyoxëty mëët ja tëyxyuypyë wit ets ja kejky yä'äp, ja nijän, ets näjyëtu'un ja kejky yä'äp ets ja katsyjyän ets xywyë'ënta'atsëty ja kejky yä'äp ja nyiwëën.

Isaías 61:10

Ëjts ntukxoontäkpyës yë Wintsën. Jotkujkës nnäjyawëty mëët yë Wintsën, jä'ä ko yë'ëjës të xyajtso'oky ets të xyajmëtä'äkyës. Jëtu'unës tä tu'uk ye'etyëjkën mëti'ipë pëkaanpën ets tpëjktä'äky yë kyujän ëkë tä tu'uk to'oxytyëjkën mëti'ipë pëkaanpën ets nyantsëm oyëtypë yajpëjktä'äky.

Isaías 61:3

Ja ja'ayëty mëti'ipë yajpatëpën mon tuk jam Sión, ka'ap nëjkx ja kuyjaam y'ëknätyukuwëjënëtë, yë'ë yajmo'ojantëp yë kujän mëti'ipë yajkutujkpëtëjk kyujän'ajtëpën, jotkujk nëjkx nyäyjyawëtë jëtu'un tä ja'ay jotkujk nyäjyawëtyën ko on pa'akxu'kpë txuuk'aty, ëy xoontä'äky jää itaanp ets ka'ap nëjkx pën kyumay kyutajë. Ets nëjkx yajtijtë xoj kepy mëti'ipë të myëtä'äkyën, mëti'ipë ja Wintsën të tkojyën ets yë'ë nëjkx mëët yajtuk'ixy yë myëj'ajt y'oyajtën.

Ezequiel 42:14

Ko yë teetyëjk jap tyëkëtëty ka'ap tjëkyepy pyëtsëmtëty tëja'p, ko pyëtsëma'antëty jap yë wyit tjäntëty mëti'ipë myëteety'ajtëpën, jä'ä ko wa'ats yë wyit tyujkxyëty tmëët'atë; ko yë naax kajpn tmëwinkona'antëty wiink wit tyuktëkëtëp.

Romanos 13:14

Ni'ikyë miits mnätyukxoxëtëty ja mëpëjkën mëti'ipë jam mmëët'ajtëpën ma ja Wintsën Jesukristën ets ka'ap yi'iyë xymyëmay xymyëtajtëty wi'ix ja mjot mnini'kx tii t'oyjawëtyën.

Romanos 3:22

mëët ja mëpëjkën jam ma ja Jesukristë, Tios wa'ats tyajnaxy ni'ëmukë ja ja'ay mëti'ipë të myëpëktën. Ka'ap wyin'ixy wyinkexyëty;

Gálatas 3:27

jä'ä ko ni'ëmukë mëti'ipë të nyëëpätën mëët ja Kristë ja xyëëw, tëë ja Kristë ja jemywyit myo'ojëtë.

1 Samuel 2:28

E ma tëkokyë yë Israel ja'ayëtyën, mijts ojts nwin'ixtë etsës xymyëtuntëty ets mteety'atëty. Xyaktëty ja wintsë'kën ets xynyino'oktëty jam ma ja wintsë'këntyaknën, xyajtoytyëty ja poom ets xëmë xymyëët'atëty ja mwitëty mëti'ipë mëteety'atëpën ëjts nwintuuyës. Ojts näjyëtu'un nmo'oyës yë m'ap m'okëty ja jë'kxy pëky tä ja tsyu'utyën mëti'ipë myëmiintëpën ja Israel ja'ayëty ets yë'ë tsu'utstëty tjë'kxtëty.