Levitico 8:3 - Biblia Mixe de Quetzaltepec

³ tëkokyë yë ja'ayëty xywyoowmujkta'ajëty, jam ma yajnitëkën ja wit tëjk ma näpyaatë y'ityën.

Levitico 8:3 ပူးပေါင်းရင်းမြစ်များ

Hechos 2:1

Ko ja pentecostés xëëw tpaty, jää ënäty ni'ëmukë të ye'eymyujkta'atë ja mëpëjkpëtëjk ma tu'uk ja tëjkën.

2 Crónicas 30:13

Ënät ja mayjyä'äy myujky jam Jerusalén ma myäjtsk po'opetyën tääpë jëmëjt ets tmëjjawëja'antë ja ëmaayxyëëw ma ja tsajpkääky tkaytyën ka'apë tsyooymyëëtëtyën.

Salmos 22:25

Ma ja mnaax mkajpnën jamës nimëtya'aka'any wi'ix tii mëtëy xytyunyën. Ma ja ja'ayëtyën mëti'ipë oy mëtuunëpën, jamës nkë'ëyaka'any mëti'ipë të ntukwinwanën.

Nehemías 8:1

Ënät ja ja'ay ye'eymyujktaaytyë jam tëjk'ëkë'ëm ma ja tëjk'aaw yajpaatyën ma nëë nyikoompetyën ets t'ënëmaaytyë ja yaj'ijxpëjkpë Esdras ets tmëminëty ja noky ma myinyën këxja'ay ja ënä'ämën kutujkënën mëti'ipë ja Moisés jyääyën, mëti'ipë ja Wintsën tyukniyajkëyën ja Israel ja'ayëty.

2 Crónicas 30:25

Ja mayjyä'äy akujk jotkujk nyäjya'awëtë ets näjyëtu'un ja teetytyëjkëty, Leví ja'ayëty ets nitëkokyë ja Israel ja'ayëty mëti'ipë ënäty të myintën, wä'än jaaypyaat jaaypyo'kxyëty ets wä'än tkukajpnëty.

2 Crónicas 30:2

Ja yajkutujkpë ojts tuknija'awëtyä'äy ja mëjja'aytyëjk ets ja naax kajpn tnijawëtëty ko jää yajnixëëwtunëty ja ëmaayxyëëw ma ja mëmäjtskpo'opë y'änyën tääpë jëmëjtpë,

2 Crónicas 5:6

Ja yajkutujkpë Salomón ets ja Israel ja'ayëty mëti'ipë ënäty të myuktën, aakjam yajpata'atë ma ja kaaxën, yë'ë jam yajktëp ja wintsë'kën may'äämpy; tä ja kupixynyën ets ja tsajpkaa yä'äyën.

2 Crónicas 5:2

Ënät ja Salomón tyajmujktaay jam Jerusalén ja mëjja'aytyëjk ja kopktëjkëty ets ja yujkyä'kpëtëjkëty mëti'ipë ijtëpën jam ma Israel ja'ayëtyën ets tyajtsoona'antë ja Wintsën ja kyaaxë jam Sión, tmënëjkxa'antë ma ja David ja kyajpnën.

1 Crónicas 15:3

Tä tyajtu'ukmujktaay ja Israel ja'ayëty jam Jerusalén ets tyajtsoona'antë ja Wintsën ja kyaaxë, tmënëjkxa'antë jam ma ënäty të tnipëjktaakëtën.

1 Crónicas 13:5

David ojts tyajmujkta'ay ja Israel ja'ayëty, jam tsyo'ontäky Sihor ma ja Egiptë mëët nyäpyaatëtën ets tyimja'ty jam ma txëëwatyën Hamat, ja Tios ja kyaaxë jä'ä yajtsoonantëp.

Números 21:16

Ko jam tsyo'ontë ma ja Arnón mëjnëëjën, jam jyajtë ma Beer y'itjotmën. Jam tu'uk ja nëëjut yajpaaty ma ja Wintsën t'ënëmaayën ja Moisés: yajtu'ukmuk yë naax kajpn, jä'ä ko nëëjës yam nmo'ojäämpy.

Números 20:8

Kajpë'ëk ja mtajk ets mnäypyutëkëtëty mëët yë m'ajty Aarón ma ja naax kajpn xyajtu'ukmuktëtyën. Ma ënäty jam jëtu'un të tyu'ukmujkta'atën. Ënät ja mëjtsaa xymyëkajpxëty ets jap ja nëë myuutëty ets nyëë'uuktëty ja mayjyä'äy ets ja jyëyujkëty.

Levitico 8:2

Woownëjkx yë Aarón mëët y'u'unk y'ëna'k, mënëjkxëp näjyëtu'un ja wyit tyujkxy, näjyëtu'un ja on mëti'ipë mëët winë yajkënu'kxyën, näjyëtu'un ja tsajpkaa ayääkë mëti'ipë ja ja'ay nätyukunajxëpën ko tii poky tuny, näjyëtu'un mäjtsk ja kupixyny yä'äy ets tu'ukjaty ja tsajpkääky mëti'ipë ka'ap tsyooymyëëtëtyën,

Levitico 8:4

Moisés ojts jëtu'un tuny, tä ënäty yë Wintsën të tyuk'ëne'emyën. Ojts ja ja'ay jam tyajtu'ukmujkta'ay ma yajnitëkën ja wit tëjk ma näpyaatë y'ityën.

Números 8:9

Ënät xy'ënëëmëty ja Leví ja'ayëty ets tmëwinkontëty ja wit tëjk ma näpyaatë y'ityën mëët ja Tios. Ets näjyëtu'un tëkokyë tyu'ukmujkta'atëty ja Israel ja'ayëty.

Levitico 14:11

Ja teety mëti'ipë ënäty tunaanpën ma ja ja'ay wya'atsa'anyën, jam ja ja'ay twoownëjkxëty ma yajnitëkën ja wit tëjk ma näpyaatë y'ityën, mëët tëkokyë mëti'ipë myëët'ajtypyën. Jëtu'un jam nyäpyuj nyäjyä'ätsëtëty Tios wintum;