Levitico 8:29 - Biblia Mixe de Quetzaltepec

²⁹ Tä ja Moisés tpëjkë'ky ja tsajppax katy ets ojts ja Tios tmo'oy tä ënäty tyuny'ätyën. Ja tsajppax ja kyäty mëti'ipë të yajkënu'kxyën, yë'ë ojts tjä'ä'aty ja Moisés, jëtu'un ijxtëm ënäty ja Tios të tnikäjpxyën.

Levitico 8:29 ပူးပေါင်းရင်းမြစ်များ

1 Pedro 4:11

Pën jää pën kyäjpxy myëtyä'äky, jëtu'un kyajpxëty ijxtëm ja Tios ja y'aaw y'ayuk y'ënä'änyën. Pën jää pën myëku'uk tii tukputëkëja'any, yajtunëp ja myëjaaw mëti'ipë ja Tios mooyëpën. Tu'kë'ëyë tiijaty mtuuntëp mkajpxtëp, tuntë winë ijxtëm mëpaat ja Tios yajmëjjaw yajjaantyjawën ma ja Jesukristë ja xyëëwën, mëti'ipë ijta'ayxyëyëp ja mëj'ajt oyajtën. Jëtu'un y'itëty.

1 Corintios 10:31

Jëtu'unës yam n'ëna'any, pën mkaaytyëp m'uktëp, ëkë pën tii mtuuntëp mkajpxtëp, jëtu'un winë tuntë ijxtëm ja Tios yajtukmëjjawëtyën.

Isaías 66:20

Nëjkxëp tyajmiinta'atë nitëkokyë yë mjëëky mmëku'ukëty mëti'ipë ënäty wiink naax wiink kajpn yajpatëpën. Tam mëti'ipë nëjkx myinyën kwaaykyijxy, kepy wyintëkäämpëkëjxy, kepykyijxy, mulëkëjxy ets jëyujk jëku'uxkëjxy. Jëtu'un nëjkx n'ixyës tä jeexyë pën tii xytyukwintsë'ëkënës jam Jerusalén, tä yë Israel ja'ayëty tmëmintën yë wintsë'kën a'ukënjoty mëti'ipë wa'atsën, mëti'ipë jam yajktëpën maas yë ntsajptëjkën ets maas ja nkopkën wa'atspë. Ëjts, Wintsën, ëjts ënaanp.

Salmos 99:6

Yë Moisés ets Aarón jam yajpaatë ma y'itën yë Tios mëtuunpëtëjk; e yë Samuel jam yajpaaty ma ja'ayëtyën mëti'ipë ojts myëjpëjktakxëtyën ja xyëëw. Yë Wintsën ojts ënätyë y'ëtsowëtë ko ja putëjkën t'amëtoowtë.