Levitico 8:22 - Biblia Mixe de Quetzaltepec

²² Tä ja Moisés ojts tni'ënä'ämë ets wiinkpë ja kupixyny yä'äy tyajmintëty, mëti'ipë yajyakëpën ets ja näkyënu'kxë tpaatëty ja Aarón ets ja y'u'unk y'ëna'k ets jam ja kyë'ë tkëxkoontë ma ja kupixyny yä'äy ja kyëpajkën.

Levitico 8:22 ပူးပေါင်းရင်းမြစ်များ

Levitico 8:2

Woownëjkx yë Aarón mëët y'u'unk y'ëna'k, mënëjkxëp näjyëtu'un ja wyit tyujkxy, näjyëtu'un ja on mëti'ipë mëët winë yajkënu'kxyën, näjyëtu'un ja tsajpkaa ayääkë mëti'ipë ja ja'ay nätyukunajxëpën ko tii poky tuny, näjyëtu'un mäjtsk ja kupixyny yä'äy ets tu'ukjaty ja tsajpkääky mëti'ipë ka'ap tsyooymyëëtëtyën,

Efesios 5:27

ets tyaj'ita'any wa'ats, oy, ka'ap xyootsëty ets ka'ap y'äämyëty.

Efesios 5:25

Ye'etyëjkëty pëkpyë, tsoktë ja mto'oxytyëjkëty ijxtëm ja Kristë ojts tsokyën ja mëpëjkpëtëjk ets tku'o'këy.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Tios pyëjktakë ijxtëm jeexyë ja poky tmëët'atyën, jëtu'unts ja Tios xyaj'ëwaatsëpëtsë'emëty mëët ja Kristë.

1 Corintios 1:30

Tios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Tios mëët oy nwë'ëmëm, jëtu'unts ja Tios xyjyä'äy'ajtmëty ets najtspëkë n'ijtmëty.

Juan 17:19

Yë'ë koos yë'ëjëty nmëmay nmëtajtë paatyës kë'ëm nnäkyënu'kxyë, ets näjyëtu'un yë'ëjëty yajkënu'kxtëty mëët ja tëyajtën.

Levitico 8:29

Tä ja Moisés tpëjkë'ky ja tsajppax katy ets ojts ja Tios tmo'oy tä ënäty tyuny'ätyën. Ja tsajppax ja kyäty mëti'ipë të yajkënu'kxyën, yë'ë ojts tjä'ä'aty ja Moisés, jëtu'un ijxtëm ënäty ja Tios të tnikäjpxyën.

Levitico 7:37

E yaa jëtu'un yajnimëtyä'äky, wi'ix mëpaat yajyäkyën ja wintsë'kën mëti'ipë yajnino'okëpën, ja aaypyajk ujtspajk mëti'ipë ayajkën'at ako'onën'atëpën, ja nyiwintsë'kën ko pën tii poky tunëty ets ko pën tyuuntëkoyëty, ja nyi'ayajk nyi'ako'onën ko pën nyäpyuja'an nyäjyä'ätsa'anëtëty ets ja nyiwintsë'kën ko pën ja nay'ëëw'oy näykyajpx'oyë tuna'anëty.