Levitico 8:2 - Biblia Mixe de Quetzaltepec

² Woownëjkx yë Aarón mëët y'u'unk y'ëna'k, mënëjkxëp näjyëtu'un ja wyit tyujkxy, näjyëtu'un ja on mëti'ipë mëët winë yajkënu'kxyën, näjyëtu'un ja tsajpkaa ayääkë mëti'ipë ja ja'ay nätyukunajxëpën ko tii poky tuny, näjyëtu'un mäjtsk ja kupixyny yä'äy ets tu'ukjaty ja tsajpkääky mëti'ipë ka'ap tsyooymyëëtëtyën,

Levitico 8:2 ပူးပေါင်းရင်းမြစ်များ

Hebreos 7:27

Ka'ap jyëtu'unëty ijxtëm ja wiinkëtypë ja teety wintsënëtyën jëpom jëpompë tyaktën ja wintsë'kën ko pyokytyuntë, ets ko ja naax kajpn näjyëtu'un pyokytyuntë. Jesús tu'k'ok ojts je'eyë twintsë'ëkë ja Tios ko ojts yë'ë kë'ëm wyintsë'kën'aty ets ja ja'ay ja pyoky ojts nimä'kxtaayë.

Éxodo 39:41

Ja wit mëti'ipë jo'okyën, mëti'ipë jap tuunën ma ja tsajptëjkën, ja wit tä'äky mëti'ipë yajtukni'oytyu'unëyën ja teety Aarón ets ja wyitëty ja y'u'unk y'ëna'këty mëti'ipë myëteety'atëpën.

Éxodo 28:40

Näyjyëtu'un mëti'ipë pyëjkta'aktëpën yë Aarón yë y'u'unk y'ëna'k, oytyun kanaak yë nijän ets näjyëtu'un yë wëën ets kupit mëti'ipë oy yajkëxë'ëkëtëpën.

Éxodo 28:1

Ma Israel ja'ayëtyën, yë m'ajty Aarón yë'ë xëmë winkon myaj'itëp mëët yë y'u'unk y'ëna'k mëti'ipë xyëëwajtëpën; Nadab, Abihú, Eleazar ets Itamar, yë'ëtsës xëmë xymyëtuntëp ma tsajptëjkën.

Levitico 6:10

Yë teety yajxon mëpaat yë nyi'kx kyopk tyajnitujkta'ay mëët yë wit ets ja pya'tk'ëxmots mëti'ipë linë wit mëët xyuyëtyën; ënät tpëjkmujkta'ajëty ja jaam ma ënäty ja jëyujk të tyooykyëtä'äkyën ets nëjkx jam pë'am tpëjktä'äky ma ja wintsë'këntyaknën.

Levitico 8:1

Ënät yë Tios ojts tmëkäjpxy yë Moisés ets t'ënëmaay:

Levitico 8:3

tëkokyë yë ja'ayëty xywyoowmujkta'ajëty, jam ma yajnitëkën ja wit tëjk ma näpyaatë y'ityën.

Levitico 8:10

Tä ojts ja Moisés tpëjkë'ëky ja on, mëti'ipë yajtukkënu'kxpën winë ets ojts txijkxjëtity ma ja tsajptëjkën jap tëkotsyow ets ma tëkokyë jënu'un ënäty jap winë yajpaatyën. Jëtu'un'äämpy ojts tkënu'kxta'ay winë.

Levitico 8:18

Moisés ojts näjyëtu'un tni'ënä'ämë ets twijtsmintëty ja kupixyny yä'äy yä'kpetypë mëti'ipë yajnino'kpën, tä ja Aarón ets ja y'u'unk y'ëna'k jam ja kyë'ë tkëxkoontë ma ja kupixynykyëpajkën.

Levitico 8:22

Tä ja Moisés ojts tni'ënä'ämë ets wiinkpë ja kupixyny yä'äy tyajmintëty, mëti'ipë yajyakëpën ets ja näkyënu'kxë tpaatëty ja Aarón ets ja y'u'unk y'ëna'k ets jam ja kyë'ë tkëxkoontë ma ja kupixyny yä'äy ja kyëpajkën.