Levitico 8:15 - Biblia Mixe de Quetzaltepec

¹⁵ Ënät ja Moisés ojts ja tsajpkaa tyaj'ooky ets ojts ja nyine'pny tpëjkëyë, ja ne'pny jam ojts txijkxëtity ma ja wintsë'këntyakn ja nyiwajën ets wa'ats wyë'ëmëty. Jä'ä ja ne'pny mëti'ipë ojts nyatëkën, jam ojts txijkxëtity ma ja wintsë'këntyakn ja nyitekyën ets kënu'kxy wyë'ëmëty ets jam ja pokymyä'kxën yajpaatëty.

Levitico 8:15 ပူးပေါင်းရင်းမြစ်များ

Levitico 4:7

Ënät nëjkx näjyëtu'un tukuutsy wäänë ja ne'pny ja wintsë'këntyakn ja nyiwajën, ma jam ja poom tyoyën, mëti'ipë jam ijtpën Tios wintum ma ja wit tëjkën ma näpyaatë y'ityën. E ja ne'pny mëti'ipë ënäty natëjkëpën jam nëjkx txijkxjëtity ma ja potsyën, ma wintsë'kën yajyäkyën, ma ja jëyujk nyitoytyën mëti'ipë jam ijtpën ma ja wit tëjkën; ma ja näpyaatë y'ityën mëët ja Tios.

Hebreos 2:17

Paatykyëjxm näjyëtu'un kopkpëky yajpëjktäky ijxtëm ja myëku'uktëjkën ets jam Tios wyintuuy y'itëty teety wintsën oypyë ets pa'ëyoopë ets ja Tios ja ja'ay tpokmyä'kxëty mëët ja wintsë'kën.

Efesios 2:16

E ko ja Kristë ojts y'ooky kruutskëjxm, yë'ë ojts tyajkëxy tyajnaxy ja tsip ets tyajnäy'oyëty ja jutiis ja'ay mëët ja ka'apë jyutiisëty.

Romanos 5:10

Jä'ä ko ijty ja Tios nmëtsip'ajtëmë, tëë ja Tios mëët nämyë'oypyëjkëmë jä'äkyëjxm ko ja y'u'unk të y'ooky; ets ko ja Tios mëët të nämyë'oypyëjkëmë, wäänëni'ik ëëts njëjp'ijxëmë ko ka'ap ja ëyo'on npaata'anëmë jä'äkyëjxm ko yë'ë jyuuky'äty.

Daniel 9:24

Tëkë'px majk sëmaan nyaxa'any ets jyëwa'akëty ja ëyo'on jotmay ets ja nëë poky ma ja mnaax mkajpnën wa'atspë ets ja mnaax mkajpn tpaatëty ja poky nyimä'kxën ets jam nyaxxkëta'akëty ja oypyë ets mëtëypyë ja nipaye'eyën xëmëkyëjxm ets y'atëwëty mëti'ipë të xywyinkuma'ayën ets mëti'ipë të yaj'akäjpxyën jëtu'un'äämpy wya'atsëty jatëkok ja tsajptëkoty mëti'ipë ijty wa'ats ni'ik.

Ezequiel 45:20

Näyjyëtu'un nëjkx yajtuny ma wyëxtujk xëëwpetyën ja po'o, jää nëjkx xyaktë yë wintsë'kën mëti'ipë yë nëë poky mtukunaxtëpën ma ënäty të mpoky tyuntën ajotkumonë oy jëtu'un të xykyawinmaytyë ëkë të xykyajawëtë ko të mtëkoytyë. Jëtu'un nëjkx ja tsajptëjk wa'ats wyi'imy.

2 Crónicas 29:24

E ko jëtu'un ja kyë'ë tkëxkoontaaytyë tääts tyaj'o'ktë ja tsajppax ets ja tsajpkaa; ja jyot nye'pny ojts tuknixikxtë ja wintsë'këntyakn, mëti'ipë ja nëë poky kyunajxypyën ja Israel ja'ayëty ja pyokyëty, jä'äkyëjxm ko jëtu'un ënäty ja yajkutujkpë të tni'ënä'ämë ets ja naax kajpn ja nyëë pyoky yajtuunkëx yajkajpxkëxëty.

Levitico 16:20

Ko ënäty ja Aarón tëë wa'ats tyajwë'ëmta'ay winë ets ja wit tëjk ma ja näpyaatë y'ityën ets ja wintsë'këntyakn. Ënät tni'ënä'ämëty ets tyajmintëty ja tsajppax mëti'ipë juukyën,

Levitico 6:30

Ja jëyujk mëti'ipë ënäty jap të yajmënëjkxyën ma ja wit tëjkën ma ja näpyaatë y'ityën, ni pën mëpaat tkatsu'utsy, jä'ä ko ya'atë wintsë'kën poky ënäty të yajtukunaxy jam ma ja Tios ja jyëën tyëjkën ets ja nëë poky tmä'kxëty. Tääpë wintsë'kën jëënjoty mëpaat nyitooytyä'äy.

Levitico 4:30

Tääts ja teety ja kyë'ëjëjp mëët tukpaatëty ja ne'pny ets tukuutsëty ja wintsë'këntyakn ma ja jëyujk yajnino'oktën. E ja ne'pny mëti'ipë natëjkëpën jam txijkxjëtitëty ma ja wintsë'këntyakn yë tyekyën.

Levitico 3:8

Jam ja kyë'ë tkëxkonëty ma ja kupixyny ja kyëpajkën ets ënät ok tyo'kumëty jam wintum ma ja wit tëjkën ma Tios kyëtä'äkyën, tääts ja teetytyëjkëty txijkxjëtitëty ja ne'pny ma ja wintsë'këntyakn ja pya'ajën.

Levitico 3:2

Pën ja ayajk ako'onën yäjkpyën jam ja kyë'ë tkëxkonëty ma ja tsajpkaa ja kyëpajkën mëti'ipë ënäty ja Tios tyukwintsë'këpën ets jam tyo'kumëty ma ja wit tëjk yajnitëkën, ma ja Tios jap kyëtä'äkyën; ënät ja teetytyëjkëty jam txijkxjëtitëty ja tsajpkaa ne'pny ma ja wintsë'këntyakn ja pya'ajën.

Levitico 1:11

ets xyo'kumtëty anëkëjxytsyow ma ja wintsë'këntyaknën, jam Wintsën wyintum. Yë Aarón yë y'u'unk y'ëna'këty mëti'ipë teety'ajtëpën yë'ë myënëjkxtëp ja ne'pny ets txijkxjëtitëty ma ja wintsë'këntyakn ja pya'ajën.

Levitico 1:5

Jam Tios wintum jam ja tsajpkaa tyo'kumëty, ënät ja Aarón ja y'u'unk y'ëna'k mëti'ipë teety'ajtëpën tyaktëty ja tsajpkaa ne'pny ma Tiosën ets ënät ok txijkxjëtitëty ma ja wintsë'këntyakn ja pya'ajën, mëti'ipë jamën ma ja wit tëjk yajnitëkën, mëti'ipë Tios tyëjk'ajtypyën.

Levitico 4:25

Tääts ja teety wäänë ja ne'pny tukpatijëty yë kyë'ë ets txijkxjëtitëty jam ma ja wintsë'këntyakn ja nyiwajën, ma ja jëyujk nyitoytyën. E ja ne'pny mëti'ipë ënäty jaaknatëjkëpën jam txijkxjëtitëty ma ja wintsë'këntyakn ja tyënaaypyäjnën.

Números 8:12

Ënät ja Leví ja'ayëty näjyëtu'un jam ja kyë'ë tkëxkontëty ma ja nimäjtskpë ja tsajpkaa ja kyëpajkën, tu'uk nëjkx wyintsë'kën'aty ma ja nëë poky tkunaxëtyën ets tu'uk nëjkx yajnino'oky ets ja wa'atsajtën tpaatëty ja Leví ja'ayëty.